1 Korente-na 10:23 - Bible azumeina

²³ Suma dingâ adigagi a nga dala: Ahlena pet a han lovota kazi á led’a. Gagazi, wani ahle suma dingâ a nga djivid’a á led’a d’i. Ahlena pet a han lovota kazi á led’a, wani ahlena pet a nga djivid’a á wul sana akulo kur he gagazid’a d’uo mi.

1 Korente-na 10:23 ပူးပေါင်းရင်းမြစ်များ

Romê-na 14:15

Le ang nga b’lak hur wiyengâ yam te mangâ ni, ang nga tit kur od’a d’uo d’a. Ar ang ba sama Christ mi mit kama woi yam te mangâ go d’i.

1 Korente-na 14:12

Agi ni hina mi. Kayam agi nga halagi he d’a hawa d’a Muzu’â hAlonina mi heizid’a, ar agi b’ad’agi tagi á wulugi Toka akulo kur he gagazid’a.

1 Korente-na 14:17

Le tchen mang nga le mersi mAlonid’a ti ni djivid’a pî, nga d’i wul sa máma akulo kur he gagazi mamba d’i.

1 Korente-na 14:26

B’oziyona, ei dei nana ge? Ata yima agi nga tokina, sama dingâ nga mi hle sawala, ma dingâ nga mi hat suma, ma dingâ nga mi nde ad’u ahlena abu mi, ma dingâ nga mi de zlad’a ki vuna hi suma tetengâ, ma dingâ nga mi väd’u zla ndata woi abua. Ar agi lagi ahlena pet á ndjun Toka á wulut akulo kur he gagazid’a.

1 Korente-na 6:12

Suma dingâ adigagi a mba dala: Ahlena pet a han lovota kazi á led’a. Gagazi, wani ahle suma dingâ a nga djivid’a á led’a d’i. Ahlena pet a han lovota kazi á led’a, wani an min mbut magoma hi va tu d’i.

1 Korente-na 8:1

Agi djobon yam ahle suma a ngad’azi buzuna mi fileinina. Ei pet wei ala: Ei nga ki wed’a. Wani wed’a nga d’i mbut sana yamba ad’enga, wani od’a nga d’i wuli nakulo kur he gagazid’a.

1 Korente-na 8:9

Agi suma mbud’ugi gro vutina, agi gologi tagi djiviya. Ar agi mbud’ugi vama puk suma amangeîd’a kur he gagazid’a d’i.

2 Korente-na 12:19

Gak ini agi nga djib’eregi ala ami halami ná pad’ami zlad’a woi kami avorogiya zu? Nga na d’i! Ami dami yam minda hi Christ-sa avok Alona. Buniyômi suma od’a, ami lami hina pet á wulugi akulo kur he gagazid’a.

Efes-sâ 4:29

Ar zla d’a tchod’a ndavunagi d’i, wani agi dagi ni zla d’a djivi d’a ndak á wul suma kid’aka akulo kur he gagazid’id’a, á ndjun suma a nga hum zla magid’ina mi.

1 Tasaloni’â 5:11

Kayam ndata, ar agi gigid’egi tagiya, agi minigi tagi akulo d’igi agi nga lagi na.

1 Timote 1:4

Ang dazi a ar djudjun nda hawa yaka kandjaf ma ndum ma dabi mamba nga d’uo na woyo. Kayam zla d’a hina d’a ti tcholî ki tuguyod’a, wani nga d’i ndjak ki minda hAlonid’a á sut suma yam he gagazi mazid’a d’i.