1 Korente-na 10:13 - Bible azumeina

¹³ Kuk ka lara ge pet ta nga d’i kugugid’a nandjaf kuk ka nga d’i kuk sumid’a mi. Alona ni Ma d’engzengâ, mba mi ar kuka kal yam ad’eng magid’a d’i, wani kur kuka, mba mi hagi lovota á ndagi woi kur á vagi tagi ad’enga.

1 Korente-na 10:13 ပူးပေါင်းရင်းမြစ်များ

Sawal la giled’a 124:7

Ei prud’i abozi ni d’igi alei ma mi prut tei avun dauna hi sama nduwandina na; dauna mi tchala; ei prud’i woyo!

Sawal la giled’a 125:3

Ma te leu ma asa’atna mba mi te leud’a teteu yam suma d’ingêrâ d’i kayambala suma d’ingêrâ a mbut suma le tchod’a d’uo d’a.

Sawal la giled’a 36:5

Nga mi djib’er yam mbut ira ata yam ma burâ, mi nga kaka kur lovot ta ata yat tuo d’a, nga mi wal lei ki tcho d’a led’a d’uo mi.

Sawal la giled’a 89:33

an mba ni mba á ngobozi ki totogod’a yam bei hum vun mazina, an mba ni tozi á gad’azi yam tchila mazid’a mi.

Buzuk ka Abud’a 3:17

Alona mi dan kua ala: An mba ni buzugugï woi avo Ezipte ata yima agi nga fagi ndaka kuana á i ki sed’egi yam ambasa hi suma Kanan-na, hi suma Het-na, hi suma Amor-râ, hi suma Peris-sâ, hi suma Hef-fâ ki d’a hi suma Jebus-sâ d’a ambira ki mbul ayuma a nga sor kä kuad’a.

Isai 11:5

D’ingêra mba d’i mbut ni d’ik ma mam djinim furuma, d’engzenga mba d’i mbut ni d’ik ma mam mba mi djinim ir tchuguluma mi.

Isai 25:1

Ma didina, angî Alo mana, an nga ni gilengû, an nga ni suburung simiyêngû, kayam ang lahle suma atchapma. Nga hur mang ma ang ngam dedeina, ang ndagam wa memet!

Isai 49:7

Ma didin ma wurak yam suma ma tin tam irat vat yam Israel-lîna, mi de mi sama suma a golom isâ, mi sama andjaf suma a golomî vama ndjendjed’ina, mi magoma hi suma te yambina ala: Amuleina a mba wangû, a mba tchol akulo avorong mi. Suma nglona a mba grif kä avorong yam an Ma didin ma d’engzeng ma an tin tan irat vat yam Israel ma ni manangâ.

Jeremi 12:5

Ma didina mi hulong dala: Le ang ring ki suma asemba ba, ang mba seî woyo ni, ni nana ba, ang mba nga tang kakulumeina ge? Le ang kak bei mandarâ ki halasa ni kur ambas sa halasa go ni, ni nana ba, ang mba ring aduk agu d’a avun Jurdê-d’a ge?

Jeremi 29:11

Ma didina mi dala: An we nga hur ma an ngam kagina. Ni nga hur ma halasâ, nga ni ndaka d’i, á hagi vama djivi ma nga mi mba ma agi mba tinigi hurugi kama.

Hor ma tchina 3:23

Yorogo d’a lara pî, azi nga mbut awilid’a. Ma didina, d’engzeng manga ti ngola heî!

Daniel 3:17

Wani ami minimi ala ang wala Alo mami ma ami lum sundina, mi ndak á prud’umi woyo. Mba mi prud’umi woi abong aduk für ra aku d’a hîhîka mi!

Wana ni mbaktumba hi Oze-d’a 2:20

Kur bur máma an mba ni djin vunan ki sum mana kahle suma abageina kaluwei suma akulona kahle suma a dram kä yam andagad’ina mi, an mba ni kus yeûd’a ki mbigeu d’a fiyaka kahle suma dur ayîna woi pet kur ambasa, an mba ni arazi á tuk tazi ki halasa.

Matiye 6:13

Ar ang imi kur kuka d’i, wani ang pad’ami woi abo Ma tchona. [Leud’a, ad’enga ki subura ni manga gak didin. Amin!]

Wana ni Zla d’a Djivi d’a Luc mi b’irita 11:4

Ar ang vat hurung ngei yam tcho mamid’a, kayam ami vad’ami hurumi woi yam nge nge pî ma nga mi lami tchod’ina mi. Ar ang imi kur kuka d’i.

Wana ni Zla d’a Djivi d’a Luc mi b’irita 16:26

Le hina d’uo pî, gring ma ngolâ mi nga adigeya. Suma a min á tchol ka hî á iza gevengîna a ndak ki, suma tchol sä hî á mba ka hî gevemina a ndak kuo mi.

Wana ni Zla d’a Djivi d’a Luc mi b’irita 22:46

Mi dazi ala: Ni kayam me ba, agi burugi sena ge? Agi tchologi akulo, agi tchenegi Alona, kayam agi tchugugi kur kuka d’i.

Sunda hi suma a sunuzinid’a 27:44

Suma a arâ a kak yam agu ma tcheta, suma dingâ yam ahlena hi batod’ina. Hina, suma pet a djak sä woi ki lafiya d’a.

1 Korente-na 1:9

Alona ni Ma d’engzeng ma yam vun mam ma hled’ina, ni ma yagi á kagagi zlapa tu ki Goroma Jesus Christ Saleinina.

2 Korente-na 1:10

Mam ma sud’umi woi avun matnina, mba mi sud’umi woi kua. Ami tinimi hurumi kam ala mam mba mi sud’umi woi kua d’ei.

Gat ta a hat á mbàd’id’a 7:9

Agi wagi ala Ma didina Alo magina nAlona, nAlo ma d’engzeng ma nga mi ngom vun mam ma djinda ki djivi mamba yam suma a nga le kam suma a nga ngom vun mam ma hed’a gak kur atchogoi d’a dubud’ina.

1 Tasaloni’â 5:24

Mam ma yagina ni ma d’engzengâ, mam mba mi le hina mi.

2 Tasaloni’â 3:3

Wani Salad’a ni Ma d’engzengâ, mba mi siragiya, mba mi ngomogi abo Ma tchona mi.

2 Timote 4:18

Salad’a mba mi pad’an ndei kur sun nda tcho d’a lara ge pet, mba mi sud’un á kalan kur leu mam mba akulod’a. Ni mam ma subura ni mamba gak didina. Amin!

Hebre-na 10:23

Ei vei tei ad’enga bei gigeta ba yam hur mei ma tin ma ei nga dei woi kama, kayam Alo ma hle vunama ni Ma d’engzengâ.

Hebre-na 11:11

Ni yam he gagazid’a ba, Sara tata fad’enga á ve wirâ ata yima bizat ta vuta kal leina, kayam ndat tin hurut ala ma hlat vunama ni ma d’engzengâ.

Hebre-na 12:4

Kayam dur magi ma ki tchod’ina, agi ndjigid’egi nga gak matna d’uo tua.

Hebre-na 6:18

Ahle suma mbà suma bei mbut ndazina a nga, Alona mi ndak á ka zla kazi d’uo mi. Ei suma ngeyei tei atama, ei nga vei tei ad’enga á vei vama ei tini huri kam ma sä tinda avorei akulona.

1 Pierre 4:19

Kayam ndata, suma a fe ndaka yam minda hAlonid’ina, ar a i avogovok kur djivi d’a led’a, a he tazi abo Ma d’engzeng ma lahlena petna mi.

2 Pierre 2:9

Kayam Salad’a mi we lovota á pat suma a nga tit blogoma woi kur kuka, á ngom suma tchona gak bur ma ka sariyad’a mi.

1 Jean 1:9

Wani le ei dei woi yam tcho meid’a avok Alona ni, Alona ni Ma d’engzeng ma d’ingêrâ, mba mi vat hurum mbei yam tcho meid’a, mba mi mbuzi woi yed’et kur tcho meid’a pet mi.

Vama ndum mbeina 19:11

An we akulod’a ti mal leyo, akulum ma hapma mi nde woi kuru. Ma nga kama a yum ala Ma d’engzeng ma gagazina. Nga mi ka sariyad’a, nga mi dur ayî ma d’ingêrâ mi.

Vama ndum mbeina 2:10

Ang le mandar abo ndak ka ang mba fata d’i. Gola! Diable nga mi mba, mba mi kugugiya, mba mi tchuk suma dingâ ablaud’a adigagi dangeina; agi mba fagi ndaka burâ dogo. Ar ang kak sama d’engzengâ gak matna; an mba ni hang avaval la bei b’laka ba d’a.

Vama ndum mbeina 3:10

Kayam ang ngom wa zla manda ki ve tad’a, an mi, an mba ni ngomong ata yima kuka mba d’i mba yam suma kur duniyad’a pet á kuk suma a nga kaka yam andagad’ina.

1 Samuel 29:10

Ki tchetchemba, ang ki suma a mba ki sed’engâ, agi tchologi yorogo tcholol; le yina fo ni, agi igiya.