1 Korente-na 10:11 - Bible azumeina

¹¹ Ahle ndazina a mba kazi hina, ni vama taka mi suma dingâ. A b’irizi kur mbaktumba hAlonid’a á gad’ei ei suma atchogoi d’a dabid’a ti mba keina.

1 Korente-na 10:11 ပူးပေါင်းရင်းမြစ်များ

Ad’u Tinda 19:35

Kur andjege ndata azi he süm ma ayîna mabuzi kua, d’a gora ti i bur ki sed’emu. Mi we nga bur ma ti bur ki sed’ema, d’oze tchol la ti tchol id’a d’uo mi.

Sawal la giled’a 102:18

Mba mi hum tchenda hi suma hohoud’id’a, mba mi gol tchen mazid’a is suo mi.

Ezekiyel 5:15

Fata an ni kak sariyad’a kak kayî mana ki hur man ma zal ma gugulu’îd’a, ndak mba d’i mbut ni vama ngula ki vama lasa ki vama tak ma mandarâ ir andjaf suma a nguyu’â. Ni an Ma didina ba, ni de na.

Matiye 13:39

Ma djangû ma yagatna ni diable; yima duta ni dabid’a hi duniyad’id’a; suma duta ni malaikana.

Matiye 13:40

D’igi a tok barumba a nga ngalat tei na, fat ta dabid’a hi duniyad’id’a, a mba le ni na mi.

Romê-na 13:11

Kayam ndata, mbeî agi lagi hina mi, kayam agi wagi atchogoi meid’a. Ki tchetchemba, yina ndak wa kagi á zlid’igi akulo kur sena, kayam sut meid’a ti mba wa go kal bur ma ei hei gagazid’ina.

Romê-na 13:12

Andjeged’a ti ar wa go á kala, yina mi ar wa go á fod’a. Kayam ndata, ei arei sunda hi nduvundid’a woyo, ar ei tchugi ahle suma dur ayîna atei á duri ayîna kur b’od’a.

Romê-na 15:4

Ahlena pet suma a b’irizi kur mbaktumba hAlonid’a adjeuna ná had’eya, kayam ei tini huri kam ki ve tad’a, zlapa ki b’leng hur ma mbaktumba hAlonid’a ti b’lengeîzina.

Romê-na 4:23

Zla d’a Alona mi ndumum sama d’ingêrâ kata, a b’irit kä kur mbaktumba hAlonid’a ni yam mam tu d’i,

1 Korente-na 10:6

Ahle ndazina a arî vama simata keya: Ar ei lei d’od’ok ka tchod’a d’igi azi na d’i.

1 Korente-na 7:29

B’oziyona, wana ni vama an min dagizina. Ki tchetchemba, yina ar nga ngol li. Ar suma a vik aropmina a ka’î d’igi suma bei vik aropmina na.

1 Korente-na 9:10

Mi de na ni kayam ei d’uo zu? Gagazi, mi de zla ndata ni yam eya. Kayam sama nga mi zuma ki sama nga mi to awunina, azi nga le sun mazid’a ki hur ma tinda á ve b’rau mazid’a ata yima duta.

Galat-na 4:24

Zla ndata ni zla d’a d’ogola yam arop suma mbà ndazina. Azi ni vun ma djin ma mbàna. Ta tud’a ni ngad’a yam ahina d’a Sinai-d’a, nala, Agar, ni d’a mba d’i vut gro suma magomba.

Filip-ma 4:5

Ar agi tagagi luluma magid’a woi avok suma pet, kayam Salad’a mi ar go á mbad’a.

Hebre-na 10:25

Ei arei tok meid’a woi d’igi suma dingâ a nga le na d’i, wani ei zud’i tei akulokulo, kayam agi wagi burâ hi Salad’ina mi ar go.

Hebre-na 10:37

D’igi a de kur mbaktumba hAlonid’a na ala: Yina ar nde, Ma nga mbana nga mi mba, nga mi le lilinga d’i.

1 Jean 2:18

Grona, ad’u dabid’a ar go. Agi humugi adjeu ala Ma djangûna hi Christ-sâ nga mi mba; ki tchetchemba, suma djangûna hi Christ-sâ ablaud’a a mba wa da’. Ni na ba, ei wei ala ad’u dabid’a mba wa go.