1 Korente-na 10:1 - Bible azumeina

¹ B’oziyona, an nga ni gagi humagi yam vama mba yam abuyoi ngolo suma a tit ad’u Moise-sâ. Azi pet nad’u d’ugula, azi djak alum ma ngol ma Tchereuna pet mi.

1 Korente-na 10:1 ပူးပေါင်းရင်းမြစ်များ

Nehemi 9:19

Yam we hohou mang nga kal teglesa ang arazi nga woi abagei hur fulâ d’i. Ang arazi nga bei tinizi d’ugula avorozi gongzong kur tit mazi d’a faleid’a d’i, ang arazi nga bei tinizi akud’a avorozi gongzong á b’o lovota woi avorozi kur tit mazi d’a andjeged’a d’uo mi.

Sawal la giled’a 105:39

Mi tin d’ugula á zlubuzi yaziya, mi tin akud’a á b’o yina andjege mi.

Sawal la giled’a 66:6

Mi so alum ma ngolâ woyo, a djak alum ma Jurdê-na kaseziya. Ata yi máma, ami lami furîd’a kamu.

Sawal la giled’a 78:53

Mi i ki sed’ezi ki halasa; a le nga mandar ri. Mi hlup mazi suma djangûna kä woi ki mbina mi.

Buzuk ka Abud’a 14:29

Wani Israel-lâ a nga tit kur alum ma ngolâ kasezi sod’a tchitching. Mbina mi nga tchola woi ata abozi ma ndjufâ kabozi ma gulana d’igi gulumuna na mi.

Buzuk ka Abud’a 40:34

Ata yi máma d’ugula oî kur zlub’u d’a ngaf ta d’a a tinit irat vata, subura hi Ma didinid’a ti oî kurut mi.

Ndumba 14:14

a de zla ndata mi suma kur ambas ndatina. Kayam ndata, azi hum ala ang Ma didina nga aduk sum mangâ, ang tagazi tang ira ki ira, ang tin d’ugul manga akulo kaziya, ang nga tit avorozi falei kur d’ugul la tchola gongzonga, ang nga tit andjege avorozi aduk aku d’a tchola gongzonga mi.

Ndumba 33:8

A tchol avok Pi-Hahirot d’ar, a djak alum ma ngolâ á i abo ma hur fulîna. A le burâ hindi ki tita hur ful ma Etam-ma, a i ve kangâ Mara.

Jean 4:20

Abuyomi ngolo a kud’or Alona ni yam ahina d’a wanda, wani agi Juif-fâ a nga dagiya ala: Mbeî a kud’uromî kur Jerusalem.

Romê-na 1:13

B’oziyona, an min ala agi wagi ala an min á iza hatagi yan ablaud’a, kayam sun manda ti vut adigagi d’igi ti vut aduk andjaf suma duniya suma hiuna na mi. Wani gak ki tchetchemba, an fe nga lovota d’i.

Romê-na 11:21

Le Alona mi ar nga Juif suma nabo agu ma gagazina d’uo ni, mam mba mi arang ang nguo mi.

Romê-na 4:11

Bugola, a ngad’am bayâd’a, wani bayâ mam mba ngata ni d’igi geuna na á tagei woi ala kid’a mam bei ngat bayâd’a tua d’a, Alona mi mbud’um sama d’ingêrâ yam he gagazi mamba. Kayam ndata, Abraham nabu suma a he gagazid’a yam Alonina pet. Le sum ndazina a ngat nga bayâd’a d’uo pî, Alona mi ndumuzi ni suma d’ingêrâ.

1 Korente-na 12:1

B’oziyona, an min ala agi wagi ad’u he d’a hawa d’a Muzu’â hAlona nga mi heizid’a woi tetet.

1 Korente-na 14:38

Wani le mi wat nga d’uo ni, ar agi wum mbuo mi.

Galat-na 3:29

Le agi ni suma hi Christ-sâ ni, agi nandjafâ hi Abraham-ma mi. Agi ni suma te djo ma Alona mi hle vunam kama mi.

Gat ta a hat á mbàd’id’a 1:33

ma nga mi tit avorogi á halagi yima ve kangîna d’i. Andjege nga mi tit avorogi aduk aku d’a tchola gongzonga á tagagi lovot ta agi tid’igi kuad’a, falei nga mi tit avorogi kur d’ugul la tchola gongzonga mi.

Hebre-na 11:29

Ni yam he gagazid’a ba, Israel-lâ a djak alum ma ngol ma Tchereuna d’igi yima sod’a na. Wani ata yima Ezipte-na a kuk á led’a hina na, mbina mi hlubuzi kä.

Josue 4:23

Kayam Ma didina Alo meina mi so alum ma Jurdê-na woi avoromi gak ami djagami woi d’igi mi so alum ma ngol ma Tchereuna woi avogomi gak ami djagami woi na mi.