1 Korente-na 1:31 - Bible azumeina

³¹ Kayam ndata, d’igi mbaktumba hAlonid’a ti de na ala: Sama min subur tama, ar mi subur tamî yam sun nda Ma didina mi lata.

1 Korente-na 1:31 ပူးပေါင်းရင်းမြစ်များ

1 Sunda Hamuleinid’a 16:10

Ar agi suburugi tagi yam simiyê Ma bei tchod’a ba na. Agi suma nga halagi Ma didinina, agi lagi furîd’a kurugi krovo.

1 Sunda Hamuleinid’a 16:35

Ar agi dagi ala: Alo ma sud’umina, ang sud’umiya! Ang togomiya, ang yomi woi aduk andjaf suma dingâ, kayam ami gileng simiyêng ma bei tchod’ina, ami kagami ki furîd’a á suburung mi.

Sawal la giled’a 105:3

Ar agi suburugi tagi yam simiyê ma bei tchod’a ba na. Agi suma nga halagi Ma didinina, agi lagi furîd’a kurugi krovo.

Sawal la giled’a 34:2

An mba ni subur Ma didina ata yima lara ge pet, an mba ni gilem ki vunan burâ ki burâ.

Isai 41:16

Agi mba sirizi woyo. Simetna mba mi siraziya, mbirlimba mba d’i ndjoyôzi woi mi. Wani agi mba lagi furîd’a kan an Ma didina, agi mba suburugi tagi kan an Ma tin tan irat vat kagi Israel-lîna mi.

Isai 45:25

Wani andjaf Israel-lâ pet a mba mbut suma bei zlad’a kazina ni yam anu, a mba subur tazi mi.

Jeremi 4:2

Le agi gunugi tagi ki gagazid’a ki d’ingêra ki d’engzenga ala: Ma didina ni ma bei matna ni, ata yi máma andjaf suma dingâ a mba dan ala an b’e vunan kaziya, a mba subur tazi kan mi.

Romê-na 4:2

Le Abraham Alona mi mbud’um sama d’ingêrâ ni yam sun mam mba led’a ni, mi fe ni vama subur tama. Wani mi ndak á subur tam avok Alona d’i,

1 Korente-na 4:6

B’oziyona, an nga ni dagi zla manda ki d’a hi Apolos-sa d’igi vama simata na á had’agiya, kayam agi wagi ad’u zla d’a d’ogol la wanda ala: Ar sa tchila yam zla d’a a b’irita d’uo d’a. Hina wani, ar agi suburugi tagi yam sama dingâ á gologi ma ding is si.

2 Korente-na 10:17

Kayam d’igi mbaktumba hAlonid’a ti de na ala: Sama min subur tama, ar mi subur tamî yam sun nda Ma didina mi lata.

Filip-ma 3:3

Kayam ei tei ni suma ngat bayâ suma irat suma a nga kud’urei Alona yam ad’enga hi Muzuk mamid’ina. Ei nga suburi tei ni yam Jesus Christ, wani ei nga dengeî tei ni yam hliuna d’i.