1 Korente-na 1:20 - Bible azumeina

²⁰ Ki tchetchemba, sama ned’a mi nga ni lara ge? Sama hat suma mi nga ni lara ge? Sama tchi tuguyo ma kur atchogoi d’a wandina mi nga ni lara ge? Alona mi tagei nga ala ned’a hi duniya d’a wanda ni lilid’a d’uo zu?

1 Korente-na 1:20 ပူးပေါင်းရင်းမြစ်များ

2 Samuel 15:31

A mba de mi David ala: Ahitofel mi nga aduk suma a ndjak vunazi tu ki Apsalom-ma. David mi dala: Ma didina, an nga ni tchenengû, ar ang b’lak d’alâ hi Ahitofel-lâ woyo.

2 Samuel 16:23

D’al ma Ahitofel mi dum ata yi mámina mi kad’enga d’igi sana mi djop nAlona tamba na. D’alâ hi Ahitofel-lâ mi djivid’a ir David kid’a mi nga ki sed’emba, mi djivid’a ir Apsalom mi.

2 Samuel 17:14

Apsalom azi ki Israel-lâ pet a dala: D’alâ hi Husai ma Ara’â mi djivid’a kal ma hi Ahitofel-lâ. Na ni d’igi ni Ma didina ba, mi b’lak d’al ma djivina hi Ahitofel-lâ woi á mba ki ndaka yam Apsalom.

2 Samuel 17:23

Ata yima Ahitofel mi we d’ala a ve nga d’al mama d’uo d’a, mi nga yam koro mama, mi i avo hatamu, mi de vunam mi sum mama, mi tchuk ziyona kelem mi tchi tamu. A tozom kur zula habumba.

Wana ni mbaktumba hi Job-pa 12:17

Mi nga mi yo suma de d’alâ magomba, nga mi b’lak zlad’a hi suma avok sumina woyo.

Wana ni mbaktumba hi Job-pa 12:20

Nga mi yo zlad’a woi avun suma a nda’â, nga mi yo d’alâ hi momorogeinina woi mi.

Wana ni mbaktumba hi Job-pa 12:24

Nga mi yo d’alâ hi suma nglo suma avok sumina woyo, nga mi vid’izi woi abagei hur ful ma lovota nga kua d’uo na mi.

Isai 33:18

Ang mba djib’er kurung yam mandar ma kal leina, ang mba djop ala: Ma b’ir mbaktumba mi nga ni lara ge? Ma ve tara mi nga ni lara ge? Ma gol gongîyo suma fuyogei suma ndjola mi nga ni lara mi ge?

Isai 44:25

An nga ni b’lak ahle suma taka hi suma djok vun suma ka zlad’a woyo, an nga ni mbut suma djop fileina lilid’a, an nga ni hulong suma ned’a bugolo, an nga ni mbud’uzi we mazid’a lilid’a mi.

Isai 53:1

Ni nge ba, mi he gagazid’a yam zla d’a ami tchat walata ge? Ni nge ba, Ma didina mi tagam ad’eng mamba ge?

Jeremi 10:7

Angî amulâ handjaf sumina. Ni nge ba, mi lang ang mandarang nguo ge? Ang ndaga sana mi lang mandarangû, kayam aduk suma ned’a handjaf sumina pet, kur leu mazid’a pet mi, sama mi hle tam d’igi ang na na nga d’i.

Matiye 13:22

Ma mi nde aduk aweid’ina ni sama hum zlad’a, wani djib’era hi duniyad’id’a ki d’od’oka hi beged’id’a a hep zla d’a a yagat kurumba akulo ped’et bei le irâ.

Jean 12:31

Ki tchetchemba, sariyad’a nga yam duniya ndata, an mba ni dik ma te yam duniya ndatina woi abua.

Sunda hi suma a sunuzinid’a 17:18

Suma hiu suma a nga hat suma yam ned’a hi suma Epikuri-na ki d’a hi suma Estoisi-nid’a a nde tchi tuguyod’a ki sed’emu. Suma dingâ a nga dala: Ma tchit máma mi min de nana ge? Suma dingâ a nga dala: Mam mi d’igi sama tchi wal zlad’a halo ma teteng ma dingîd’a na, kayam mi nga mi tchi wala yam Jesus ki tchol mam mba akulo aduk suma matnid’a.

Romê-na 1:20

Kad’u tinda kid’a Alona mi le duniyad’a dei d’a gak tchetchem, suma a ndak á wahlena hAlona suma a ndak á wazi d’uo na, nala, ad’eng mam mba didinda ki kak mam mba ala nAlona d’a. Suma a nga wahle ndazina nata sun nda mam lata. Hina, suma a ndak á waziya. Kayam ndata, azi ndak á tin vunazi avok Alona d’i.

Romê-na 1:22

A nga subur tazi ala azi ni suma ned’a, wani a mbut ni suma lilid’a.

1 Korente-na 1:19

Kayam ndata, mbaktumba hAlonid’a ti dala: An mba ni b’lak ned’a hi suma ned’ina woyo, An mba ni mbut wed’a hi suma wed’a vama hawana mi.

1 Korente-na 1:26

B’oziyona, ar agi djib’eregi yam yi d’a Alona mi yagid’a. Mi yi nga suma suma a nga golozi ala ni suma ned’a na ablaud’a d’i, mi yi nga suma ad’enga ki suma a vud’uzi ata andjaf ma kal teglesîna ngol luo mi.

1 Korente-na 1:27

Wani Alona mi man ni suma suma kur duniyad’a a nga golozi ala ni suma lilid’a na á mbut suma ned’a zulona. Mi man suma suma kur duniyad’a a nga golozi ala ni suma amangeîna na á mbut suma ad’engâ zulona mi.

1 Korente-na 1:28

Alona mi man vama suma duniyad’a a wum ala ni va d’uo na ki vama azi golom is ala ni va irazi d’uo na á b’lak vama suma a nga golom ala ni vana woyo.

1 Korente-na 11:32

Wani ata yima Salad’a mi kei sariyad’a keina, mi gad’ei ni gad’a, kayam sariyad’a hAlonid’a ti vei ki suma bei he gagazi suma yam andagad’ina tu d’i.

1 Korente-na 2:6

Wani an nga ni de zla d’a ned’a ni mi kretiyê suma a djeng kur zlad’a hAlonid’ina. Nga ni ned’a hi suma kur duniya d’a wandina d’i, d’oze kad’enga hi suma a nga te yam duniya d’a wanda suma a mba b’lak keina d’uo mi.

1 Korente-na 2:8

Sa tu aduk suma te yamba kur duniya d’a wanda ma we ne ndatina nga d’i. Ladjï a wäd’u ni, a ndak á b’al Sala ma subura akulo ata aguna d’i.

1 Korente-na 3:18

Ar sa mi lop tam mbi. Le sama ding adigagi mi djib’er ala mam mbut sama ned’a kur duniyad’a ka hî ni, ar mi mbut tam lilid’a kayam mam mbut sama ne ma gagazina.

1 Korente-na 3:19

Kayam ned’a kur duniyad’a ka hid’a ni lilid’a ir Alona. D’igi mbaktumba hAlonid’a ti de na ala: Alona mi vik suma ned’a ki lem mazid’a.

1 Korente-na 6:2

Agi wagi nga d’ala suma hAlonina a mba ka sariyad’a yam suma kur duniyad’ina d’uo zu? Le agi mba kagi sariyad’a yam suma duniyad’a ni, agi ndagagi á kagi sariya d’a ngiyeû d’a wanda d’uo zu?

Jacques 4:4

Agi suma bei d’engzengâ, agi wagi nga d’ala le yam duniyad’a ka’î djangûna kAlona d’uo zu? Wani sama min á le banad’a ki duniyad’ina, mi mbut ni sama djangûna hAlonina.