1 Korente-na 1:14 - Bible azumeina

¹⁴ An nga ni le mersi mAlona kayam an le nga sa batem adigagi d’i, ni Krispus ki Gayus hol.

1 Korente-na 1:14 ပူးပေါင်းရင်းမြစ်များ

Sunda hi suma a sunuzinid’a 10:48

Mi hazi vuna á lazi batemba ki simiyê Jesus Christ. Bugola, suma hi Kornei-na a tchenem ala mi kak ki sed’ezi burâ tcha tua.

Sunda hi suma a sunuzinid’a 18:8

Krispus ma ngolâ hi gong nga toka hi Juif-fîd’ina, mi he gagazid’a yam Salad’a ki suma avo hatama pet. Suma Korente-na ablaud’a suma a hum zlad’a hi Paul-lina a he gagazid’a, a lazi batemba mi.

Romê-na 16:23

Gayus ma an tchuk nga avo hatama, ni ma Toka nga tok avo hatama, mi gagi depa. Eraste ma ngom beged’a kur azì ma ngolâ ki wiyeina Kuartus a gagi depa. [

1 Korente-na 1:15

Hina wani, sama ndak á dala a lagi batemba ni ki simiyênu d’i.

1 Korente-na 1:4

An nga ni le mersi mAlo mana teteu kayam suma d’a mi vagizi yam Jesus Christ-sa.

1 Korente-na 14:18

An nga ni le mersi mAlona kayam an nga ni de vuna hi suma tetengâ kalagi pet.

2 Korente-na 2:14

An le mersi mAlo ma mi yomi d’igi azigar suma a yozi avun ayînina na ad’u Christ á tak kusa hi Christ-sa woi burâ ki burâ. Mi tinimi á tak Christ woi ata yina pet, d’igi his ma afufuîna mi b’rau woi ata yina pet na.

Efes-sâ 5:20

Ar agi lagi mersi teteu mAbui Alona yam ahlena pet ki simiyê Saleina Jesus Christ mi.

Kolos-sâ 3:15

Ar b’leng nga halasa hi Christ-sa ti kak kurugiya. Ni kayam ndata ba, mi yagi kur hliu ma tuna. Ar agi lagi mersi mAlona mi.

Kolos-sâ 3:17

Kur ahlena pet suma agi lagizina, le ni zla d’a ded’a, d’oze le ni sunda, ar agi lagizi pet ni ki simiyê Salad’a Jesus. Agi lagi mersi mAbui Alona ki simiyêm mi.

1 Tasaloni’â 5:18

Agi lagi mersi mAlona yam ahlena pet. Wana ni minda hAlona d’a yam kak magid’a zlapa tu ki Jesus Christ.

1 Timote 1:12

An nga ni le mersi mi Saleina Jesus Christ mam ma han ad’enga. Mi wan ala an ni ma d’engzengâ, mi tinin kur sun mamba mi.

Filemon 1:4

An nga ni le mersi mAlo mana teteu, an nga ni dugud’ong simiyêng kur tchen manda,