1 Korente-na 1:1 - Bible azumeina

¹ Ni an Paul ma Alona mi yan kur min mamba mi mbud’un ma a sunuma hi Jesus Christ-sâ, zlapa ki wiyeina Sosten.

1 Korente-na 1:1 ပူးပေါင်းရင်းမြစ်များ

Wana ni Zla d’a Djivi d’a Luc mi b’irita 6:13

Kid’a yina fo dad’a, mi yi mam suma hata, mi man adigazi dogo yam mbà, mi tinizi simiyêzi ala suma a sunuzina:

Jean 15:16

Ni agi ba, manan ndi, wani ni an ba ni managi ni tinigiya, kayam agi i vud’ugiya, vut magid’a ti i avogovok mi. Hina wani, vama lara pî ma agi tchenegi Abun kam ki simiyêna, mam mba hagiziya.

Jean 20:21

Jesus mi dazi kua ala: An gagi depa. D’igi Abun mi sununï na, an sunugi na mi.

Sunda hi suma a sunuzinid’a 1:15

Kur bur máma Pierre mi tchol akulo aduk b’oziyom suma a nga tokina, a ni d’igi kis yam dok mbà na, mi dazi ala:

Sunda hi suma a sunuzinid’a 1:2

gak bur ma Alona mi hlum sä akulona. Avok i mam mba sä akulod’a, mi he vuna yam ad’enga hi Muzuk ma bei tchod’a ba na mi mam suma a sunuzi suma mi manazina.

Sunda hi suma a sunuzinid’a 18:17

Suma pet a ve Sosten ma ngolâ hi gong nga toka hi Juif-fîd’ina, a nga tom avok yima ka sariyad’a, wani Galiyon mi gol ahle ndazina ni hawa na.

Sunda hi suma a sunuzinid’a 22:21

Ata yi máma, Salad’a mi dan ala: Ang iya, kayam an mba ni sunung ngei dei mandjaf suma dingâ.

Romê-na 1:1

Ni an Paul azongâ hi Jesus Christ ma Alona mi yan mi mbud’un ma a sunuma ata yima mi manan á tchi wal Zla mam mba Djivid’ina.

Romê-na 1:10

An nga ni tchen Alona teteu ala le mi mina ni, mi malan lovota á iza hatagiya.

Romê-na 1:5

Kayam ndata, Alona mi mbud’un ma a sunuma yam subura hi Christ-sa, kayam an mba kandjaf suma pet á hum gagazid’a, á ge yazi kä ad’um mi.

1 Korente-na 15:9

Kayam an ni tobona hi suma a sunuzina pet, an ndak á yan sama a sunuma d’i, kayam an djop vun Toka hAlonid’a heî.

1 Korente-na 3:9

Kayam ami nAlona ndrom suma sunda, agi nasinena hAlonina mi. Agi ni gong nga minda hAlonid’a mi.

2 Korente-na 1:1

Ni an Paul ma a sunuma hi Jesus Christ-sâ yam minda hAlonid’ina, zlapa ki wiyeina Timote. Ami nga b’irimi mbaktum mba wanda mi agi Toka hAlona d’a nga kur Korente-d’a ki suma hAlona suma avo Akai-na ki zlazi pet mi.

2 Korente-na 11:5

An wala suma agi nga golozi ala ni suma a sunuzi suma nglona na a kalan nga ki va tu d’i.

2 Korente-na 12:12

Gagazi, ahle suma ndandal suma an lazina ki ve ta d’a adigagid’a ná tagagi woi ala an ni ma a sunun ma gagazina hi Salad’ina. An lahle suma simata kahle suma atchapma kahle suma ndandalâ mi.

2 Korente-na 8:5

Azi he kal yam vama ami tinimi hurumi kama, kayam azi he tazi mi Salad’a avogo, bugola, a he tazi mi ami kur minda hAlonid’a mi.

Galat-na 1:1

Ni an Paul. An ni ma a sunuma hi sumina d’i, d’oze hi sa d’uo mi, wani ni hi Jesus Christ kAbui Alona ma mi tcholom akulo aduk suma matna karid’ina.

Efes-sâ 1:1

Ni an Paul ma a sunuma hi Jesus Christ-sâ kur minda hAlonid’a. An nga ni b’ir mbaktum mba wanda mi agi suma hAlona suma avo Efes suma d’engzeng suma zlapa tu ki Jesus Christ-sâ.

Efes-sâ 4:11

Mi he suma dingâ á mbut suma a sunuzina, suma dingâ á mbut suma djok vun Alona, suma dingâ á mbut suma tchi wal Zla d’a Djivid’a, suma dingâ á mbut suma pol suma ki suma hat suma mi.

Kolos-sâ 1:1

Ni an Paul ma a sunuma hi Jesus Christ-sâ kur minda hAlonid’a, zlapa ki wiyeina Timote.

1 Timote 1:1

Ni an Paul ma a sunuma hi Jesus Christ-sâ yam vun ma hed’a hAlo ma sud’ina ki ma hi Jesus Christ ma ei tini huri kamina.

1 Timote 2:7

Kayam ndata, mi yan á tchi wala, mi tinin ma a sunuma á hat andjaf suma dingâ kur he gagazid’a, kur zla d’a irata mi. An nga ni de ni zla d’a gagazi d’a bei ka zlad’a ba d’a.

2 Timote 1:1

Ni an Paul ma a sunuma hi Jesus Christ-sâ kur minda hAlonid’a. Mi tinin á tchi wal zla d’a ari d’a Alona mi hle vunam kat mi ei suma zlabei tu ki Jesus Christ-sâ.