1 Amuleina 9:16 - Bible azumeina

¹⁶ Kid’a Salomon mi ve Faron amul ma Ezipte-na gorombid’a, Faron mi i mi hlazì ma Gezer-râ, mi ngalam mbei kakud’a, mi tchi suma Kanan suma kurâ woyo, mi hum mi goromba he d’a hawad’a.

1 Amuleina 9:16 ပူးပေါင်းရင်းမြစ်များ

1 Amuleina 3:1

Amulâ Salomon mi ve Faron amul ma Ezipte-na goromba. Ni kayam ndata ba, mam zlap ki Faron, mi mba katcha ndata kur Azì ma ngolâ hi David-na á djup dabid’a hi minda hazì mam ma amula ki gong nga kud’ora hi Ma didinid’a ki gulumun ma ngui Jerusalem-ma mi.

1 Amuleina 7:8

Gong nga Salomon mi kak kuruta nata yima dingâ bugol gong nga djol la avun aziyamba. Wani mi min gonga mi Faron gorom mba mi vata ni d’igi gong nga djol la mam minit yam zlambid’a na mi.

1 Amuleina 9:24

Faron goromba ti tcholï kur Azì ma ngolâ hi David-na, ti i kur azì ma amul ma Salomon mi minittchina. Ata yi máma Salomon mi min yima a yum ala Milo-na.

Josue 10:33

Ata yi máma Horam amul ma Gezer-râ, mi tchol á ndjun suma Lakis-sâ. Wani Josue mi tchum mbei ki sum mama pet bei ar sa tu ba.

Josue 16:10

Andjafâ hi Efraim-ma a dik nga suma Kanan suma a nga kaka Gezer-râ woi d’i. Suma Kanan ndazina a nga kaka aduk andjafâ hi Efraim-ma gak ini, wani a nga le sun magomba mandjafâ hi Efraim-ma.