1 Amuleina 9:1 - Bible azumeina

¹ Kid’a amulâ Salomon dap gong nga kud’ora hi Ma didinid’a minda kaziyam ma amula kahlena pet suma tam lum djivid’a kazi á mindina dapa,

1 Amuleina 9:1 ပူးပေါင်းရင်းမြစ်များ

1 Amuleina 3:1

Amulâ Salomon mi ve Faron amul ma Ezipte-na goromba. Ni kayam ndata ba, mam zlap ki Faron, mi mba katcha ndata kur Azì ma ngolâ hi David-na á djup dabid’a hi minda hazì mam ma amula ki gong nga kud’ora hi Ma didinid’a ki gulumun ma ngui Jerusalem-ma mi.

1 Amuleina 6:37

Salomon mi le bizad’a fid’i kur amula tua ba, mi gäd’u gong nga kud’ora hi Ma didinid’a kur til ma Zif-fâ.

1 Amuleina 7:1

Salomon mi min gong mam mba amula mi. Mi le bizad’a dogo yam hindi mi dap gongîyona minda pet.

1 Amuleina 7:2

Mi min gong nga a yat ala Gong nga hagu d’a Liban-nda d’a. Fiyagat ni metred’a dok vahl, bubuwat ni metred’a dok mbà yam vahl, fiyagat ta akulod’a ni metred’a dogo yam vahl mi. Mi minit ni yam agu sedre ma murguli ma djirdid’a fid’ina, mi ndja pateina hagu sedre ma bebed’e ma aduburo’â kat mi.

1 Amuleina 7:51

Kid’a amulâ Salomon mi dap sunda hi gong nga kud’ora hi Ma didinid’a peta, mi yoï kawei ma hapma ki lora kahlena teteng suma abum David mi tinizi irazi vazi mi Ma didinina, mi tchuguzi kur gong nga ngom ndjondjoî d’a kur gong nga kud’ora hi Ma didinid’a.

1 Amuleina 8:66

Kur bur ma klavandina, amulâ mi tchuk suma avo hataziya. Azi mba, a gum depa, a i avo hatazi ki furîd’a. Tazi lazi djivid’a yam djivi d’a Ma didina mi lat kazong mama David ki mam suma Israel-lîd’a mi.

1 Amuleina 9:10

Kur dabid’a hi bizad’a dok mbàd’a, Salomon mi dap gongîyo suma mbà ndazina, nala, gong nga kud’ora hi Ma didinid’a ki gonga hamulîd’a minda.

1 Amuleina 9:11

Hiram amul ma Tir-râ mi hum agu sedrena kagu siprena ki lora ndak ata min mamba. Kayam ndata, Salomon mi he Hiram azì ma nglona dok mbà kur ambas sa Galile-d’a.

1 Amuleina 9:19

mi min azì ma lara ge pet ma a ngom ahle mama kuana kazì ma nglo ma a tchuk pus mam ma dur ayîna kuana kazì ma nglona hi suma djang akulumeinina mi. Mi min ahlena pet suma mi ngazi kurum á minda avo Jerusalem-ma kavo Liban-na, kur ambas sa mam te kata pet mi. Sun nda ad’enga Salomon mi lata:

2 Sunda Hamuleinid’a 7:1

Ata yima Salomon vunam dap tchendina, akud’a ti tcholï akulo, ti ngal ahle suma ngat buzu suma ngala kahle suma ngat buzu suma zlap darigïd’a mi. Ata yi máma subura hi Ma didinid’a ti oî hur gonga.

2 Sunda Hamuleinid’a 7:11

Kid’a amulâ Salomon mi dap gong nga kud’ora hi Ma didinid’a minda kaziyam ma amula kahlena pet suma mi ngazi kurum á led’a kur gonga hi Ma didinid’ina kahle suma kur gong mam mba amula dapma,

2 Sunda Hamuleinid’a 8:1

Kur dabid’a hi biza d’a dok mbàd’a, Salomon mi dap gong nga kud’ora hi Ma didinid’a ki gong mam mba amula minda.

2 Sunda Hamuleinid’a 8:6

Mi min azì ma Bälat-na kazì ma nglo ma a ngom ahle mama kuana pet kazì ma nglo ma a tchuk pus mam ma dur ayîna kuana kazì ma nglona hi suma djang akulumeinina mi. Mi min ahlena pet suma mi ngazi kurum á minda avo Jerusalem kavo Liban yam ambas sa mam te kata pet mi.

Ma tchi wala 2:10

Ahle suma iran ti min golozina, an nga ni d’elet ti. An nga ni d’el tan á le furîd’a d’uo mi, kayam an nga ni le furîd’a kurun krovo yam sun nda pet ta an lata. Wana ni wurak ka yam sun nda an lata.

Ma tchi wala 2:4

An le sunda ngola, an min azina ablaud’a, an pe guguzlud’a mi.

Ma tchi wala 6:9

Hotei ang we va ki ira kal la ang le d’od’oka yam ahlena tetenga. Ndata ni sun nda hawa yaka d’igi sana mi dik simetna na d’a.