1 Amuleina 8:7 - Bible azumeina

⁷ Kayam tcherebêna gigingâzi nga ganga woi yam yima a minim yam zandu’îna, a duk yam zandu’â kä kagu ma a zim ki na.

1 Amuleina 8:7 ပူးပေါင်းရင်းမြစ်များ

1 Amuleina 6:27

Salomon mi tchol tcherebêna kur gong nga zandu’â mi nga kuad’a. Gigingâzi nga ganga woyo, kayam giging ma avo’â mi do gonga, giging ma mbàna mi do gonga abo hî mi, giging ma mbà hina, mi ngruf hur gonga d’ad’ar yam yi máma mi.

1 Amuleina 8:6

Bugola, suma ngat buzuna a i ki zanduk ma vun ma djinda hi Ma didinina mi nga kuana ata yima a tinim iram vam ma kal teglesâ krovo kur gonga kä ad’u giging tcherebêna.

1 Amuleina 8:8

Agu ma a zim ki na mi fiyaka ndak á sama nga tchola kur gong nga ngol la avok gong nga zandu’â nga kuad’ina, mi ndak á wum vunam ma dabid’a, wani sama nga tchola abuna, mi ndak á wum vunam ma dabid’a d’i. Agu ma a zim ki máma mi nga ata yi máma gak ini.

Buzuk ka Abud’a 25:20

Tcherebê suma mbà ndazina, agi tinizi gigingâzi iram akulo á duk yam zandu’â vunam ma duka, agi tinizi irazi ngrufa ir taziya, agi arazi irazi ped’a kä yam zandu’â vunam ma duka.

Isai 6:2

Serafêna a nga tchola kam akulo. Ma lara pî, mi nga ki gigingâ karagaya karagaya, mbà á zlup iraziya, mbà á zlup aseziya, mbà á pir ki mi.

Ndumba 4:6

A tchuk baru ma duburok ma a lum ki bak azar ma aduk mbina kä ma a yum ala dofênina kamu, a bar baru d’a botlozid’a kam mbei mi. Bugola, a nik agu ma murguli ma hle ki zandu’îna ata b’alangâ.

Hebre-na 9:5

Yam zanduk máma akulo, tcherebê suma subura mbà a nga. Azi tak kei ala Alona tamba nga kua. A bar gigingâzi yam yima Alona mi vat hurum mbei yam tchod’a hi sumid’a kuana. Ki tchetchemba, yina mi ndak nga á vami ad’u ahle ndazina tutu pet ti.