1 Amuleina 8:65 - Bible azumeina

⁶⁵ Ata yi máma amulâ Salomon mi le vun tilâ hi Zlub’ud’ina zlapa ki Israel suma ablau suma mimiyâk suma a nga tokina. Azi ni suma a tcholï abo ma Hamat-na ki suma a tcholï avun toliyon nda Ezipte-d’ina mi. A le vun til máma avok Ma didina burâ kid’iziya. Bugola, a le vun tilâ kua gak burâ kid’iziya d’ei.

1 Amuleina 8:65 ပူးပေါင်းရင်းမြစ်များ

Ad’u Tinda 15:18

Ni kur bur máma ba, Ma didina mi djin vunam ki Abram, mi dum ala: An hambas sa wanda ni mandjavangû; tinï ad’ud’a navun toliyon nda Ezipte-d’a dei gak mba avun alum ma Efrat-na,

1 Amuleina 3:15

Ata yima Salomon mi zlit akulona, mi wala ni Ma didina ba, mi dum adïd’a. Mi hulong Jerusalem, mi tak tam avok Ma didina avok zandu’â hi Ma didina mi. Ni kua ba, mi hAlona ahle suma ngat buzu suma ngala. Bugola, mi he vama ngat buzu ma zlap darigïd’a kAlonina, mi le te ma luna mazungeî mama pet mi.

1 Amuleina 4:21

Salomon mi te yam leu d’a ding nga nguyumba pet, tinï ad’ud’a avun alum ma Efrat-na dei gak mba kur ambas sa Filistê-d’a, gak mi yoï hagad’a ki Ezipte. Kid’a mam nga ki iram tua d’a, amulei suma kur ambas ndatina pet a ge yazi kä ad’umu, a nga hum tara mi.

1 Amuleina 4:24

Salomon mi te yam andaga d’a abo ma fladegena halum ma Efrat-nid’a, tinï ad’ud’a Tipsa dei gak mba Gaza. Amulei suma kur ambas ndatina pet a ge yazi kä ad’umu. Mi te ki ndrom suma azina pet lafiya.

1 Amuleina 8:2

Israel-lâ pet a tok gen amulâ Salomon á le vun tilâ hi til ma Etanim-ma, nala, til ma kid’iziyana.

1 Amuleina 8:66

Kur bur ma klavandina, amulâ mi tchuk suma avo hataziya. Azi mba, a gum depa, a i avo hatazi ki furîd’a. Tazi lazi djivid’a yam djivi d’a Ma didina mi lat kazong mama David ki mam suma Israel-lîd’a mi.

2 Amuleina 14:25

Mi yo andagad’a hi Israel-lîd’a, tinï ad’ud’a Hamat abo ma norâ dei gak mba avun apo d’a Matna abo ma sutna, d’igi Ma didina Alona hi Israel-lîna mi dat avun ma djogom vunama Jonas Amitai gorom ma Gat-Hefer-râ na.

2 Amuleina 17:24

Amul ma Asiri-na mi yoï suma Babilon-na, suma Kuta-na, suma Ava-na, suma Hamat-na ki suma Sefarvayim-ma, mi tchuguzi kur ambas sa Samari-d’a balum Israel-lâ. Azi hlazì ma ngol ma Samari-na, a kak kur azì mat ma nglona pet.

2 Amuleina 23:33

Faron Neko mi vum mi djinim ki kindjingâ avo Ribla yam andaga d’a Hamat-ta, kayam mi tamula avo Jerusalem mbuo d’a. Ata yi máma Faron Neko mi tin tara yam suma kur ambasina kawei ma hapma tonna hindi, lora kilona dok hindi mi.

1 Sunda Hamuleinid’a 1:16

suma Arvat-na, suma Semar-râ ki suma Hamat-na, azi pet abuzi ngolo ni Kanan.

1 Sunda Hamuleinid’a 13:5

David mi tok Israel-lâ pet, tinï ad’ud’a avun toliyon nda Ezipte-d’a dei gak mba avun agrek ma Hamat-na á hleï zandu’â hAlonina Kiriyat-Jarim á hulongôm avo.

2 Sunda Hamuleinid’a 30:13

Kur til ma mbàna, suma ablaud’a a tok Jerusalem á le vun til ma a lum kavungô ma bei angufina. Suma a to’î tok ka ngola.

2 Sunda Hamuleinid’a 30:23

Ablau suma toka a ndjak vunazi tu ala a le vun tilâ kua kur burâ kid’iziya. A le bur ma kid’iziya máma ni ki furîd’a,

Buzuk ka Abud’a 23:31

An mba ni tinï haga magid’a avun alum ma ngol ma Tchereuna dei gak mba avun alum ma ngol ma Mediterane-na, ei hur ful ma Sinai-na dei gak dap avun alum ma Efrat-na. Kayam an mba ni hagi suma a nga kaka kur ambas ndatina abogiya, agi mba digizi woi avorogi mi.

Isai 27:12

Kur bur máma Ma didina mba mi dut awu mama, mba mi tinï ad’ud’a avun alum ma Efrat-na dei gak mba avun toliyon nda Ezipte-d’a, mba mi dud’ugi agi Israel-lâ tutu pet.

Ezekiyel 47:19

Haga d’a abo ma sutnid’a mba d’i tinï ad’ud’a ni Tamar dei gak ti mba kur mbiyo ma Meriba ma Kades-sâ, mba d’i hleï kur lovot ta i avun toliyon nda Ezipte-d’a gak mba d’i i avun alum ma ngol ma Mediterane-na. Wana ni haga d’a abo ma sutnid’a.

Amos 6:14

Agi Israel-lâ, gola! An mba ni tchol kandjaf ma dingâ á durugiya. Mba mi lagi ndaka, mba mi tinï ad’ud’a avun azì ma Hamat-na dei gak mba kur toliyon nda Araba-d’a.

Amos 6:2

Agi igi Kalne, agi gologiya. Ata yi máma agi igi Hamat ta ngola, agi kalagi igi Gat ta Filistê-d’a. Azi nga i avogovok kal leu magid’a djak su? D’oze andaga mazid’a ti bubud’a kal magid’a zu?

Ndumba 34:5

Ti tchol Asmon, ti kong gak ti i avun toliyon nda Ezipte-d’a á dabï avun alum ma ngol ma Mediterane-na.

Ndumba 34:8

Tchol yam ahina d’a Hor-ra, agi it gak Hamat, agi mbat Sedat.

Josue 13:3

tinï ad’ud’a Sihor ra nga avok Ezipte-d’a dei gak mba yo hagad’a ki Ekron. Ni yima suma Kanan-na a te kam adjeuna, ni yima amulei suma vahl suma Filistê-na a nga te kama, nala, azì ma Gaza-na, ma Asdot-na, ma Askalon-na, ma Gat-na ki ma Ekron-na ki suma Af-fâ.

Josue 13:5

kambasa hi suma Giblos-sîd’a, ki Liban nda abo ma yorogonid’a tinï ad’ud’a Bäl-Gad ad’u ahina d’a Hermon-nda dei gak mba avun azì ma Hamat-na,

Josue 15:1

Andaga d’a a hat djona ki togina mandjafâ hi Juda-na ad’u adezezi ad’u adezezid’a, ti tinï ad’ud’a ni ir haga d’a Edom mba hur ful ma Tisin-na abo ma sutna gak mba avun dabid’a habo ma sutnid’a.

Josue 15:4

ti kal gak ti mba Asmon, ti ndeza woi kur toliyon nda Ezipte-d’a. Haga mata i dabï avun alum ma ngol ma Mediterane-na. Wana ni haga magi d’a abo ma sutnid’a.

Josue 19:35

Azì ma nglo ma ad’eng ma kuana ba wana: Sidim, Ser, Hamat, Rakat, Kineret,

Suma ka sariyad’a 3:3

Suma a arazi kaka kur ambasina namulei suma Filistê suma vahlâ, suma Kanan-na, suma Sidon-na ki suma Hef suma a nga kaka yam ahina d’a Liban-ndina pet, tinï ad’ud’a yam ahina d’a Bäl-Hermon-nda dei gak mba avun agre’â hi Hamat-na.