1 Amuleina 8:27 - Bible azumeina

²⁷ Gagazi, na ni ang Alona ndak á kak yam andagad’a ka hî zu? Akulod’a ki ngolot pet pî, ti ndak nga kang nguo d’ou d’a d’igi gong nga an minit ngiyeû wanda ba mba d’i ndagang zu?

1 Amuleina 8:27 ပူးပေါင်းရင်းမြစ်များ

2 Sunda Hamuleinid’a 2:5

Gong nga an nga ni minita ni gong nga ngola, kayam Alo mamina nAlo ma ngol ma kal alona petna.

2 Sunda Hamuleinid’a 2:6

Ni nge ba, mi nga kad’enga á minim gonga ge? Kayam akulod’a ki ngolot pet pî ti ndak nga kam mbi. An ni nge ko ba, ni minim gonga ge? An minit ná ngal dubang ma his djivid’ina avorom wü d’a!

2 Sunda Hamuleinid’a 6:18

Gagazi, na ni ang Alona ndak á kak zlapa ki suma yam andagad’a ka hina zu? Akulod’a ki ngolot pet pî, ti ndak nga kang nguo d’ou d’a d’igi gong nga an minit ngiyeû wanda ba mba d’i ndagang zu?

Sawal la giled’a 113:4

Ma didina mi nga kaka akulo yam andjaf suma pet. Subur mamba ti kal akulo yam hur alona.

Sawal la giled’a 148:4

Agi akulod’a hakulod’id’a, agi gilegiziya! Agi mbiyo ma sä yam akulod’ina, agi gilegizi mi!

Sawal la giled’a 68:33

Agi amulei suma nga tagi leud’a yam andagad’ina, agi suburugi Alona ki sawala, agi gilegi Salad’a mi. Tchol ndjö

Isai 66:1

Ma didina mi dala: Akulod’a ni zlam man nda amula, andagad’a ni vama an tin asen kama. Nandjaf gongâ me ba, agi mba minindji ge? Ni yima lara ba, an mba ni tuk tan kua ge?

Jeremi 23:24

Ma didina mi de kua ala: Na ni sama mi ndak á ngei tam ata yima bei an wuma nga zu? An ni oî nga hur akulod’a, an ni oî nga yam andagad’a mi d’uo zu?

Jean 1:14

Zla ndata ti mbut sana, ti kak adigamiya. Ti nga oîd’a ki sumad’a ki gagazid’a. Ami wami subura hi Gor ma tu gid’eng máma d’a Abum humzid’a.

Sunda hi suma a sunuzinid’a 17:24

Alo ma le duniyad’a kahle suma kurutna petna, mam mi Sala akulod’a kandagad’a. Mam nga mi kak kur gongîyo suma tok suma suma a minizi kabozina d’i.

2 Korente-na 12:2

An we sana hi Christ-sâ tu ma a hlum sä kur akulo d’a hindid’ina, ini ni bizad’a dogo yam fid’i. Le mi ni kur hliu tad’a, an we d’i; le ni bei hliu tad’a ni, an we d’i, wani nAlona ba, mi we.

2 Korente-na 6:16

Na ni gong nga kud’ora hAlonid’a ti zlap darigïd’a ki gong nga tuwal fileina zu? Kayam ei tei ni gong nga kud’ora hAlo ma arinid’a, d’igi Alona tamba mi de na ala: An mba ni kak aduk sum mana, an mba ni tit adigazi mi. An mba ni ka’î Alo mazina, azi mba ka’î sum mana mi.

Gat ta a hat á mbàd’id’a 10:14

Gola! Akulod’a pet, andagad’a kahle suma kurutna pet ni suma hi Ma didina Alo maginina.

1 Jean 3:1

Agi gologi andjaf o d’a ngol la Abui Alona mi lat kei á yï ala ei ni groma d’a. Ni ei wana. Suma duniyad’a a wei nga d’i, kayam azi wum nga d’i.