1 Amuleina 8:23 - Bible azumeina

²³ mi dala: Ma didina Alona hi Israel-lîna, alo ma hle tam d’igi ang na ma sä kur akulod’a d’oze ma ka hî yam andagad’ina nga d’i. Ang nga ngom vun mang ma djinda, ang mba le o d’a bei dabid’a kazungeî mang suma a nga tit avorong ki hur ma tunina.

1 Amuleina 8:23 ပူးပေါင်းရင်းမြစ်များ

Ad’u Tinda 17:1

Kid’a Abram bizam ndak dok zlengâ yam zlengîd’a, Ma didina mi nde tam mbei iramu, mi dum ala: An nAlo ma ad’engên kal petna; ang tit avoron d’ingêr ndak memet.

Ad’u Tinda 33:20

mi min yima ngal ahle suma ngat buzuna, mi yum ala El, Elohe Israel.

2 Samuel 7:22

Ma didina, Alo mana, angî Ma ngol ma kal papana, kayam ma hle tam d’igi ang na na nga d’i. Alo ma ding ma gagazina nga d’i, d’igi ami nga humumi ini ki humami na.

1 Amuleina 2:4

Hina wani, Ma didina mba mi ndak vun vun ma hle ma mi hlandji ala: Le andjavangî suma d’engzengâ a le min manda ki zlat pet ki gagazid’a mi ni, adigazi a mba fe sama vrak tamula blangâng yam zlamba hi Israel-lîd’a teteu.

1 Amuleina 3:6

Salomon mi hulong dum ala: Ang le yam azong mangâ abun David ngola, mam tamba mi kak sama d’engzeng ma nda’â avorong d’ingêr memet mi. Kayam ndata, ang nga le kam tua, ang vragan an goroma ini amula blangâm wana.

1 Amuleina 6:12

Ang nga min gong nga wanda mi anu. Le ang nga tit kur gat man nda teteng nga an hangzid’a, le ang nga ge yang kä ad’u vun man ma hed’a pet mi ni, an mba ni ndak vun vun ma djin ma an djinim kang ata yima an de zlad’a kabung David-na.

1 Amuleina 8:24

Ang ngom zla mang nga ang dat mazong mangâ abun David-ta ki vama ang dum ki vunangâ, ang ndagam wa vunam ini kad’eng manga.

2 Amuleina 20:3

Ma didina, ang djib’er yam tit ta an nga ni tit avorong memet ki hur ma tuna burâ ki burîd’a; an nga ni le sun nda djivid’a avorong burâ ki burâ mi. Ezekiyas mi tchi ngola.

Esdras 1:3

Ni nge adigagi ba, ni sa mama ge? Ar Alo mama mi kak ki sed’emu, mi i Jerusalem mba Juda-d’a, mi min gong nga kud’ora mi Ma didina Alona hi Israel ma nga avo Jerusalem-ma.

Nehemi 1:5

An dum ala: Ma didina Alo ma akulona, Alo ma ngol ma kal papana, ang nga ngom vun ma djin mangâ ki suma a nga ge yazi kä ad’u vun mang ma hed’ina, ang nga we hohowa suma a nga le kangâ mi.

Nehemi 9:32

Ki tchetchemba, ang Alo mamina, angî ma ngolâ, angî ma sib’ika, angî ma kal papana, angî ma nga ngom vun mang ma djindina, angî ma nga mi we hohowa sumina, ar ang gol ndak ka nga d’i lamid’a d’igi vama gor go hina d’i, nala, ndak mamid’a ki d’a amulei maminid’a ki d’a hi suma nglo maminid’a ki d’a hi suma ngat buzu maminid’a ki d’a hi suma djok vun maminid’a ki d’a habuyomi ki sum maminid’a pet ta ami fad’ï kur atchogoid’a hamulei suma Asiri-nid’a dei gak inid’a.

Sawal la giled’a 113:5

Ni nge ba, mi hle tam d’igi Ma didina Alo meina na ge? Yam ma kaka mi sä nakulo.

Sawal la giled’a 35:10

An mba ni de zlad’a ki hurun pet ala: Ma didina, ni nge ba, mi ndak d’igi ang na ge? Angî ma sut sama hohoud’a woi abo sama ad’eng mamba kalama, ang nga sut ma hohoud’a ki ma houd’a woi abo suma a nga hurumuzi ahle mazinina.

Sawal la giled’a 86:8

Salad’a, alo ma ding ma d’igi ang na na nga d’i, sun manga a nga ngat ki ndrat ti.

Buzuk ka Abud’a 15:11

Ma didina, ni nge ba, aduk alo ma tetengâ d’igi ang na ge? Ni nge ba, ma kal papa ma yed’et ma kal tegles ma ndak á hud’a ma lahle suma ndandalâ d’igi ang na na ni nge ge?

Buzuk ka Abud’a 3:15

Alona mi de mi Moise kua ala: Ang i de mi Israel-lâ ala: Ma didina Alona habuyogina, Alona hi Abraham-ma, Alona hi Isa’â, Alona hi Jakob-ma, mi sununï gevegi ni mamu. Wana ni simiyên ma a mba yan ki kur atchogoi d’a lara ge petna.

Isai 40:18

Agi min á ngagi Alona ni ki me ge? Angus vama tchet ma vragam blangâma ni me ge?

Isai 40:25

Ma bei tchod’a ba na mi dala: Agi ngan ndi ni ki nge ge? An hle tan ni ki nge ge?

Jeremi 10:16

Wani ma ala ni ndjondjoîd’a hi Jakob-pa na, mi nga na d’i. Mam mi ma ad’engêm kal petna, Israel-lâ ni sum mama mi. Simiyêm ala Ma didin ma ad’engêm kal petna.

Jeremi 10:6

Ma didina, sama hle tam d’igi ang na na nga d’i. Angî ma ngolâ, angî ma simiyêng mi nde yina ki sib’ik mangina mi.

Daniel 9:4

An tchen Ma didina Alo mana, an dum mbei yam tchod’a, an dum ala: Salad’a, angî Alo ma ngol ma suma a nga lang mandarangâ, angî ma nga ngom vun mang ma djindina, ang nga le o d’a bei dabid’a yam suma a nga le kang suma a nga ngom vun mang ma hed’ina mi.

Wana ni Zla d’a Djivi d’a Luc mi b’irita 1:72

Mam mba mi tak we hohou mamba woi mabuyoi ngolo, mba mi djib’er yam vun mam ma djin ma bei ka zlad’a ba na mi.

Gat ta a hat á mbàd’id’a 7:12

Wani ata yima agi humugi vun mam ma hed’ina, le agi ngomomu, le agi nga tid’igi kam mi ni, Ma didina Alo magina mba mi ngom vun mam ma djinda ki djivi mam mba mi hle vunam kat mabuyogi ngolod’a ki sed’egi mi.

Gat ta a hat á mbàd’id’a 7:9

Agi wagi ala Ma didina Alo magina nAlona, nAlo ma d’engzeng ma nga mi ngom vun mam ma djinda ki djivi mamba yam suma a nga le kam suma a nga ngom vun mam ma hed’a gak kur atchogoi d’a dubud’ina.

1 Samuel 2:2

Ma didina tu ni Ma bei tchod’a, Alo meina tu nahinad’a, Alo ma ding ma d’igi mam na na nga d’i.