1 Amuleina 8:12 - Bible azumeina

¹² Ata yi máma Salomon mi dala: Ma didina, ang min kak ata yima nduvunda,

1 Amuleina 8:12 ပူးပေါင်းရင်းမြစ်များ

2 Samuel 22:10

Mi hud’ï akulod’a kä, mi tchuk asem kä kad’u; d’ugul la wurad’a nga ad’um kä.

1 Amuleina 8:11

Suma ngat buzuna a fe nga lovota á tchol kua á le sun mazid’a abo d’ugula d’i, kayam subura hi Ma didinid’a ti oî gong mamba.

Nehemi 8:5

Esdras mi mal mbaktumba woi avok suma pet, kayam mam nga tchola akulo yam suma pet. Kid’a mi mal mbaktumba woid’a, suma pet a tchol akulo kaseziya.

Sawal la giled’a 97:2

Nduvunda ki d’ugula a nguyumu, d’ingêra ki sariya d’a ka d’a d’ingêra nad’u ged’a hi leu mam mba ted’id’a.

Buzuk ka Abud’a 20:21

Israel-lâ a tchol sä woi hina dei, wani Moise mi hud’ï gen d’ugul la wura d’a i’îlik ka Alona mi nga kuad’a.

Isai 45:15

Ang Alona hi Israel-lîna, angî ma sut suma. Gagazi, angî Alo ma nga ngeid’ina.

Sunda hi suma hi Levi-nid’a 16:2

Ma didina mi de mi Moise ala: Ang i de mi wiyengâ Aron, ar mi kal ata yima a tinim iram vam ma kal tegles ma nga bugol baru d’a ka ira ma nga avok yima we hohou ma nga akulo yam zandu’îna teteu tala mi mit tuo d’a. Kayam an mba ni nde woi kur d’ugula yam yima we hohou ma nga akulo yam zandu’îna.

Gat ta a hat á mbàd’id’a 4:11

Agi hud’ugi tchologi kä ad’u ahinad’a. Ahinad’a ti vakud’a, sin akud’a nga d’i ngal gak i akulo hur alona. Nduvunda nga, d’ugula nga, andosâ mi tin d’ugula ndus mi.

Gat ta a hat á mbàd’id’a 5:22

Wana ni zla d’a Ma didina mi dat mablau magid’a ki delem akulo yam ahinad’a, aduk akud’a, aduk d’ugula, aduk andos ma tin d’ugula ndusâ bei mi de zla d’a ding kat kua ba. Mi b’irit kä kur ahina d’a bebed’e d’a tcheta mbà, mi handjiya.

Hebre-na 12:18

Agi mbagi nga ni go kahinad’a d’igi Israel-lâ na d’i. Nahina d’a Sinai d’a suma a ndak á dot ta nga d’i ngal akud’a bibiliud’a, ni yima wurana ki nduvun nda i’îlika ki babar ma ndundulâ