1 Amuleina 6:16 - Bible azumeina

¹⁶ Mi ndja agu sedrena huyok gong nga a minit sä a zut kur gong nga ngolid’a, agu máma fiyagam mba akulod’a ti ni metred’a dogo, mi minit hurut ma krovo ma a yum ala Yima a tinim iram vam ma kal teglesâ na.

1 Amuleina 6:16 ပူးပေါင်းရင်းမြစ်များ

1 Amuleina 6:17

Gonga nga ngol la sä yam mba zandu’â nga kuad’a, fiyagat ni metred’a dok mbà.

1 Amuleina 6:5

Mi min gongîyo suma yam ndrozina akulona hindi, huyok gong nga ngola abo hî abo hî nguyut tei d’uhl.

1 Amuleina 7:7

Mi min gonga kua a yat ala Gong nga zlamba, a yat ala Gong nga ka sariyad’a mi, ni yima Salomon mi le sariyad’a kuana. Mi ndja agu sedrena kä andaga dei gak i akulo.

1 Amuleina 8:6

Bugola, suma ngat buzuna a i ki zanduk ma vun ma djinda hi Ma didinina mi nga kuana ata yima a tinim iram vam ma kal teglesâ krovo kur gonga kä ad’u giging tcherebêna.

2 Sunda Hamuleinid’a 3:8

Mi min hur gong nga a yat ala Yima a tinim iram vam ma kal teglesâ na. Gong ndata bubuwat ni metred’a dogo d’igi bubud’a hi gongid’a na, fiyagat ni metred’a dogo mi. Lor ra a gulud’ut ki huruta ni tonna dok mbà, ni lor ra bei zozota ba d’a.

Buzuk ka Abud’a 26:23

Agi zlabagi agu ma bebed’ena mbà ata kengêt ma ata yat ta dabid’a máma.

Ezekiyel 41:4

Mi nga hur gong ndata. Fiyagat ni metred’a dogo, bubuwat ni metred’a dogo mi. Bugola, mi dan ala: Yi máma a yum ala Yima a tinim iram vam ma kal teglesâ.

Ezekiyel 45:3

A mba nga yina kur andaga ndata fiyagam kilometred’a dogo yam mbà ki nusa, bubuwam kilometred’a vahl. Nata yi máma ba, a mba min Yima a tinim iram vam ma kal tegles ma kur gong man nda kud’orina kua d’ad’ar.

Sunda hi suma hi Levi-nid’a 16:2

Ma didina mi de mi Moise ala: Ang i de mi wiyengâ Aron, ar mi kal ata yima a tinim iram vam ma kal tegles ma nga bugol baru d’a ka ira ma nga avok yima we hohou ma nga akulo yam zandu’îna teteu tala mi mit tuo d’a. Kayam an mba ni nde woi kur d’ugula yam yima we hohou ma nga akulo yam zandu’îna.

Hebre-na 9:3

Bugol baru d’a ka ir mbàd’a, zlub’u d’a dinga nga. Hurut ma krovona, a yum ala Yima Alona mi tinim iram vam ma kal teglesâ.