1 Amuleina 4:33 - Bible azumeina

³³ Mi de zlad’a yam agu ma lara ge pet, tin ad’ud’a ata agu sedre ma Liban-na dei gak mba ata agu hisop ma gurei ma deî kä ad’u gulumunina. Mi de zlad’a yam ambureina, yam azureina, yam d’uwarâ, yam aluweina, yam ahle suma dram kä na, yam kulufâ mi.

1 Amuleina 4:33 ပူးပေါင်းရင်းမြစ်များ

1 Amuleina 4:32

Mi de zla d’a d’ogola dudubud’a hindi; sawal mamba kal dubud’a.

1 Amuleina 4:34

Wani andjaf suma lara ge pet a mba á hum ned’a hi Salomon nda mi nga ki d’a. Amulei suma yam andagad’ina pet suma a hum zla ne mambina a sunï suma gevem mi.

2 Amuleina 19:23

Ang tchugï mang suma sunda á ngulun an Ma didina. Ang dala: Ki pus man ma dur ayî ma ablauna an djak akulo yam ahuniyôna yazi d’a ked’iwurenga gak ni i Liban yat ta dabid’a. An ka agu mat ma fuyogei ma sedrena kagu mat ma sipre ma djivi ma kal teglesâ woyo. An i dabi naduk agu mat ta ndindik ka sa nga mi kal kua d’uo d’a mbeî.

Sawal la giled’a 51:7

Gola! Ata yima asun van wirîna pî, an ni kur tchod’a; ata yima a vud’una pî, an ni kur tchod’a mi.

Sawal la giled’a 92:12

Iran ndi mal lei yam suma a nga kud’uguna, human nga d’i hum zlad’a hi suma a tok tazi kan á tchana mi.

Buzuk ka Abud’a 12:22

Agi hlagi agu hisop ma djinda mugulak d’igi asimatna na na, agi nigim kä aduk buzu ma a vom kä kur halîna, agi yamam akulo avun bilâ, avun gonga abo hî abo hî mi. Agi ar sa mi nde woi avun aziyam mbi gak yima fod’a.

Sawal la kal teglesa 4:8

Amanda, ndak tcholï Liban mbeï iya, ndak tcholï Liban mbeï iya, ndak ar ahina d’a Amana-d’a, ndak ar ahina d’a Senir-ra ki d’a Hermon-nda, ndak ar domina hazlonina woyo, ndak ar ahina d’a sindilâ mi nga kua ndata woi mi.

Sawal la kal teglesa 5:15

Asemî d’igi agu ma murgulina hahina d’a a yat ala marbre d’a hapa ma a nigim kä kur lor ra kal teglesid’a na. Iram mba gola ni d’igi ahuniyô suma Liban-na na, ti vat zenen d’igi agu sedrena na mi.

Sunda hi suma hi Levi-nid’a 14:51

Mi hlagu sedrena kagu hisopma ki vama hleuna kalei ma ar tuna, mi nigizi kä aduk buzuwa alei ma mi ngad’am adjï yam mbiyo ma kur deinina, mi yamam ata gonga yayam yam kid’iziya.

Ndumba 19:18

Ar sama yed’etna mi hlagu hisopma, mi nigim kä aduk mbina. Bugola, mi yamam yam zlub’ud’a, yam ahle suma kurutna, yam suma kurutna, yam sama mi doï aso’îna d’oze sama a tchuma d’oze ma mi mit kä na d’oze asud’ina.

Ndumba 24:6

Zlub’u magid’a ti ni d’igi alum ma nga mi djangâ na, ti ni d’igi asine ma avun alumina na, ti ni d’igi agu alowe ma Ma didina mi puma na, ti ni d’igi agu sedre ma avun alumina na mi.

Hebre-na 9:19

Ata yima Moise mi tak suma vun ma hed’a hi gatina petna, mi hle buzuwa gro amuzleina ki buzuwa aho’â zlapa ki mbina ki tumus sa hleud’a hi timinid’a ki hisopma, mi yam buzu máma yam mbaktum mba gata, yam suma pet mi.