1 Amuleina 4:13 - Bible azumeina

¹³ Ben-Geber ni ma a tinim kur Ramot ta nga kur Galät-tina; ni ma nga yam azì ma Jayir ma hi Manase gorom ma Galät-nina kambas sa Argop pa Basan-nda mi. Kur ambas ndata pet azì ma ad’engâ nga kua ni dok karagaya, mi nga nguid’a ki gulumuna ki kawei ma hleu ma murgulina kua mi;

1 Amuleina 4:13 ပူးပေါင်းရင်းမြစ်များ

1 Amuleina 22:3

Wani amul ma Israel-lâ mi de mi suma sunda ala: Agi wagi tetet ala azì ma Ramot ma Galät-na ni meina. Ni kayam me ba, ei lei gigrit á hlum abo amul ma Siri-na ge?

2 Amuleina 9:1

Bur tu Elise ma djok vun Alona mi yi gor azongâ tu aduk adesâ hi suma djok vunina, mi dum ala: Ang min tangû, ang hle gugur ra mbulâ abongû, ang i kur azì ma Ramot ma Galät-na.

2 Amuleina 9:14

Kur biza ndata azigar suma Israel-lâ pet a nga ngom azì ma Ramot ma Galät-na abo Hazayel amul ma Siri-na. Ata yima amulâ Joram nga mi dur ayîna ki Hazayel-lâ, azigar suma Siri-na a gum mbilâ. Kayam ndata, mi i avo Jisreyel á tchil mbilimu. Jehu Josafat goroma Nimsi gorom ngolona mi ndjak vunam ki suma dingâ á dur ayîna ki Joram. Mi de mi ndrom azigar suma nglona ala: Le agi minigi tagi á ndjununu ni, agi gologi tagi djiviya, ar sa mi i ki zla d’a ei minit ka hid’a á dat mi suma avo Jisreyel-lâ d’i.

1 Sunda Hamuleinid’a 2:23

Suma Gesur-râ ki suma Aram-ma a hlazì ma Jayir-râ zlapa kazì ma Kenat-na kazì ma nguyuma pet mi. Azì ma nglona pet ni dok karagaya. Suma a kak yam ambas ndatina pet ni Makir ma Galät abuma groma.

Sawal la giled’a 22:12

Ang wal lei dei ki sed’en ndi; ki tchetchemba, an nga go avun bad’a, wani sama mba á ndjununa nga d’i.

Sawal la giled’a 68:15

Kid’a Alo ma ad’engêm kal petna mi b’rau amuleina woi yam andagad’id’a, alona mi yak nesâ kä yam ahina d’a Salmon-nda.

Ndumba 32:41

Jair ma Manase goromina mi i dur ayîna, mi hle azì ma nglo ma tetengâ, mi yum ala Azì ma nglo ma Jair-râ.

Gat ta a hat á mbàd’id’a 3:10

Ei yoi azì ma nglo ma hur fulîna pet, Galät pet ki Basan pet gak mba Salka ki Edrei kur azì ma nglo ma Basan ma Ok nga mi te kama.

Gat ta a hat á mbàd’id’a 3:4

Kur bur máma ei yoi azì mam ma nglona pet. Azì ma ngol tu pî ar nga aboi bei hled’a d’i zlapa kazì mam ma nglo ma dok karagaya ma kur Argop pa Basan nda mam nga mi te kata.

Gat ta a hat á mbàd’id’a 3:8

Moise mi dazi kua ala: Ni hina ba, kur atchogoi ndata ei yoi ambasa abo amulei suma Amor suma mbà suma sä abo alum ma Jurdê-na woi hina, tinï ad’ud’a avun alum ma Arnon-na dei gak mba yam ahina d’a Hermon-nda.

Gat ta a hat á mbàd’id’a 4:43

Azì máma ni Beser hur ful ma papana na kur yina hi suma hi Ruben-nina, azì ma Ramot ma Galät ma kur yina hi suma hi Gad-nina, kazì ma Golan ma kur Basan ma kur yina hi suma hi Manase-nina mi.

Josue 20:8

Sä abo alum ma Jurdê-na woi hî abo ma yorogona hi Jeriko-na, a man Beser hur ful la yam andaga d’a papana d’a hi suma hi Ruben-nid’a, Ramot ta Galät-na hi suma hi Gad-nid’a ki Golan nda kur Basan-nda hi suma hi Manase-nid’a mi.

Josue 21:38

Andjafâ hi Gad-na a hazì ma ngol ma suma a tchi matna a ngei tazi kuana, nala, azì ma Ramot ma kur Galät-na ki yima huyogoma, kazì ma Mahanayim-ma ki yima huyogoma, kazì ma Hesbon-na ki yima huyogoma