1 Amuleina 3:14 - Bible azumeina

¹⁴ Wani le ang nga le min manda, ang nga ge yang kä ad’u gat manda ki vun man ma hed’a d’igi abung David na ni, an mba ni ing burung fiyaka.

1 Amuleina 3:14 ပူးပေါင်းရင်းမြစ်များ

1 Amuleina 11:34

Wani an nga ni prut leud’a woi abo Salomon pet ti, an mba ni tcholom ngingring á te leud’a kur atchogoi mamba, kayam azong mana David ma an manam ma mi ge yam kä ad’u vun ma he mana ki gat mandina.

1 Amuleina 15:5

ma mi le Ma didina tam djivid’a bei mi tchila vun ma hed’a ba na, wani ni zlad’a hi Uri ma Het-nid’a hol.

1 Amuleina 3:3

Salomon tamba mi le yam Ma didina, mi nga tit yam vun ma he ma abum David mi humzina. Wani mi hahle suma ngat buzuna mAlona ki dubang ma his djivid’ina nata yima teteng ma akulo ndingâ.

1 Amuleina 3:6

Salomon mi hulong dum ala: Ang le yam azong mangâ abun David ngola, mam tamba mi kak sama d’engzeng ma nda’â avorong d’ingêr memet mi. Kayam ndata, ang nga le kam tua, ang vragan an goroma ini amula blangâm wana.

1 Sunda Hamuleinid’a 28:7

Le mam nga mi tit yam vun ma he mana ki gat manda d’igi mam nga mi le ini na ni, an mba ni hum ad’enga á tamula gak didin.

1 Sunda Hamuleinid’a 28:9

Ang gorona Salomon, ar ang wAlo ma an abung nga ni lum sundina, ar ang lum sunda ki hur ma tuna ki tang pet ki djivid’a. Kayam Ma didina ni ma hal hur suma petna, mi we djib’era hi suma pet mi. Le ang halamu ni, ang mba fumu, wani le ang aram mbeyo ni, mama mba mi arang ngei ki iram fafat mi.

2 Sunda Hamuleinid’a 29:2

Ezekiyas mi le sun nda d’ingêra avok Ma didina ki hurum pet d’igi abum ngolo David-na.

2 Sunda Hamuleinid’a 34:2

Josiyas mi le sun nda d’ingêra avok Ma didina ki hurum pet d’igi abum ngolo David na, mi d’es nga woi kat yam bigam mba gulad’a d’oze yam mba ndjufa d’i.

Sawal la giled’a 132:12

Le grongâ ki grozina a ngom vun man ma djinda ki vun man ma he ma an nga ni had’azizina mi ni, a mba kak yam zlam manga gak didin.

Sawal la giled’a 21:4

Ang d’ugulom wa, ang b’e wa vun ma djivi ma kal teglesâ kamu, ang kulubum wa avaval la lor ra kal teglesa kam mi.

Sawal la giled’a 21:5

Mi tcheneng ala ar va mi lum mbi; ang humumu, ang hum bizad’a ablaud’a gak didin.

Sawal la giled’a 91:16

An mba ni hum burum fiyaka, mba mi kak yam andagad’a tatâ, an mba ni tagam sut manda mi.

Zla d’a d’ogolâ 3:16

Kak ka karid’a tatâ d’a ti nga hur abot ma ndjufâ, ndjondjoîd’a ki subura a nga hur abot ma gulana mi.

Zla d’a d’ogolâ 3:2

Kayam azi mba ing burung fiyaka, ang mba le bizad’a ablaud’a yam andagad’a ki b’leng nga halasa.

Zakari 3:7

Ma didin ma ad’engêm kal petna mi dala: Le ang nga ge yang kä ad’u gat manda, le ang nga ngom vun man ma hed’a mi ni, ang mba kak ma ngolâ yam gong man nda kud’ora katrang mata, an mba ni hang yina aduk suma a nga lan sunda ka wana mi.

Sunda hi suma a sunuzinid’a 13:22

Kid’a mi pat Saul woi dad’a, mi tin David amul mazina. Alona mi le glangâsâ kam ala: An fe David Jesse goroma ni sama an hurun vum heîna, ni ma mba mi ndak vun ahlena pet suma an min ni lazina.

Gat ta a hat á mbàd’id’a 25:15

Ar agi tchugugi nahle suma ngà suma memetna avo hatagiya. Hina wani, agi mba tagi tatâ yam ambas sa Ma didina Alo magina nga mi hagizid’a.

Gat ta a hat á mbàd’id’a 5:16

Ar ang hu abung kasungû, d’igi an Ma didina Alo mangâ ni hang vuna na, kayam ang te ngola tatâ ki furîd’a yam andaga d’a an Ma didina Alo mangâ mba ni hangzid’a.

Gat ta a hat á mbàd’id’a 5:33

Agi tid’igi kur lovot ta Ma didina Alo magina mi tagagizid’a memet tala agi kagagi karid’a ki furîd’a agi tagi ngola tatâ yam ambas sa agi nga hlat wanda d’a.

1 Timote 4:8

Sun nda teteng nga yam hliu tad’id’a, djivi mata nakid’eid’a. Wani sun nda le d’a kur lovota hAlonid’a djivi mata ti kal ngola, kayam vun ma hled’a nga kua yam ari d’a tchetchemba ki d’a nga d’i mbad’a mi.