1 Amuleina 22:17 - Bible azumeina

¹⁷ Ata yi máma Mise mi dum ala: An we Israel-lâ pet a b’rau woi yam ahinad’a d’igi tumiyô suma bei salazi ma pola ba na na. Ma didina mi dala: Azi nga kamul li. Ar nge nge pî mi hulong avo hatam ki halasa!

1 Amuleina 22:17 ပူးပေါင်းရင်းမြစ်များ

1 Amuleina 22:16

Wani amulâ Ahap mi dum ala: An tcheneng tchen nda hud’a ni yan ga tua ba, ang mba dan zla d’a gagazi d’a tcholï avun Ma didinid’a ge?

Isai 13:14

Kur bur máma, nge nge pî mba mi hulong ad’u andjavamu, nge nge pî mba mi ring kur ambas mamba d’igi duk ka nga d’i tcha tatad’a na, d’igi d’uwar ma sama polom nga d’uo na na mi.

Jeremi 28:8

Suma djok vun suma a mba avoreina a djok vuna yam ambasa ablaud’a, yam leu d’a nglod’a ala: Ayî ma durâ, baktarad’a ki tugud’ei d’a tcho d’a tchi matna a nga mba.

Jeremi 50:17

Israel-lâ a ni d’igi timi d’a ti vit tei d’a azlona mi digita na. Ma mud’ut avok kikidjina namul ma Asiri-na. Ma bugol ma mi kuzut asogot tei ndjondjoma ni Nebukanezar amul ma Babilon-na.

Jeremi 50:6

Adjeu sum mana a ni d’igi ades tumiyô suma a vit teina na. Mazi suma pola a vid’izi woyo, a arazi akulo yam ahuniyôna, a nga tcha tata akulo yam ahuniyô suma nglona, akulo yam yima ndingâ mi, a mar rei yam kangâ mazina.

Ezekiyel 1:4

Ata yi máma an gola, an we babar ma ngol ma bibi’â mi tcholï abo ma norâ ki d’ugul la ngola zlapa kakud’a, nga d’i wile ti ngui yina woi gevet d’uhl. Vana nga mi wile adigat d’igi kawei ma hleu ma a hegema na, mi nde woi aduk aku ndata.

Nahum 3:18

Ang amul ma Asiri-na, mang suma nglo suma avok sumina a bo wa, grang mang suma durâ a bur wa sena ki irazi fafat. Sum mangâ a ndjoî wa woi yam ahuniyôna, sama mi togozina nga d’i.

Zakari 10:2

Filei ma agi nga djoboma nga mi dagi ni zla d’a kad’a, suma djopa, ahle suma a nde tazi irazina, nahle suma hawa ya’â. Adï d’a azi vagizi ad’uta, ni zla d’a hawa yaka mi. B’leng hur ma azi nga b’lengêgi ki hurugina, ni mbut ira. Kayam ndata, azi nga kur hohoud’a d’igi d’uwar ma salam ma pola nga d’uo na na.

Zakari 13:7

Ma didin ma ad’engêm kal petna mi dala: Ndak mbigeu d’a fiyaka, ndak ka man ma pola, ndak ka ndrana mi. Ndak ka ma pola, ar tumiyôna a b’rau woi yayak, an mba ni mbut iran yam suma gureina.

Ndumba 24:3

Mi de zla d’a d’ogol mamba ala: Wana ni zlad’a hi an Baläm Beyor goromid’a, Wana ni zlad’a hi an sama ni we woi tetetna,

Ndumba 24:4

Wana ni zlad’a hi an ma ni hum zlad’a hAlonid’ina, hi an ma ni wahle suma Ma ad’engêm kal petna mi ndandji woi irana, kayam mi nde tam mbei iran ata yima an nga ni kud’uroma:

Ndumba 27:17

Ni sama mi ndak á nde avorozi á i ki sed’ezi abuna, ni ma tit avorozi á hulongôzi avona, ni ma mi buzuguzi abuna, ni ma hulongôzi avona mi. Kayambala ablau manga ti kak d’igi tumiyô suma bei salazi ma pola ba na na d’uo d’a.

Matiye 9:36

Wani kid’a mi wablau sumid’a, mi wazi hohowoziya, kayam azi nga kur kaud’a, ad’engêzi nga d’uo d’igi tumiyô suma bei salazi ma polina na.

Marik 6:34

Kid’a Jesus mi nde woi kur alumbid’a, mi wablau suma ngola. Hurum hat kaziya, kayam azi ni d’igi tumiyô suma bei salazi ma pola ba na na. Mi nde mi had’azi ahlena ngola.

1 Samuel 9:9

(Adjeu aduk Israel-lâ, le sana mi i djop Alona ni, nga mi dala: Ei i gen sama wed’a; ni ma a nga yum ini ala ma djok vun Alona na, ni ma adjeu a yum ala ma wed’a na.)