1 Amuleina 22:11 - Bible azumeina

¹¹ Wani sama dingâ a yum ala Sedekiyas ni Kenäna goroma, mi zle aduvei suma kaweina, mi nga mi dala: Gola! Ma didina mi dala: Aduvei ndazina ni vama simata yam ad’eng nga ang mba kus ki yam suma Siri-na gak ang dabazi ki woi d’a.

1 Amuleina 22:11 ပူးပေါင်းရင်းမြစ်များ

1 Amuleina 22:12

Suma djok vun suma dingâ pet a de ni zla ndata hina tu ala: Ang i dur ayîna kazì ma Ramot ma Galät-na; ang mba kuza, Ma didina mba mi hangzi abongû, ang mba kus kamu.

1 Amuleina 22:24

Ata yi máma na wat, Sedekiyas Kenäna goroma mi hut gen Mise, mi tumum agozlom ping, mi dum ala: Muzu’â hi Ma didinina mi nde kurun ndeï ni mindja ba, mi dang zlad’a ge?

Jeremi 23:16

Ma didin ma ad’engêm kal petna mi dala: Ar agi humugi zla d’a suma djok vun ndazina a nga djogogizid’a d’i. Azi dagi ni zla d’a hawa yaka, azi dagi ni vama nde tam mbei irazi kur djib’er mazid’ina, nga ni zla d’a ndeï avunan an-nda d’i.

Jeremi 23:17

A nga de mi suma a golon isâ bei mandarâ ba ala: Ma didina mi dala: Agi mba kagagi ki halasa, a nga de mi suma a nga tit kur djib’er mazi d’a yam mba ad’eng nga kuruzi krovod’ina ala: Ndak tu pî mba d’i fei d’i!

Jeremi 23:25

Ma didina mi dala: An hum zla d’a suma djok vun ndazina a nga djogota. A nga djok vun ma ka zlad’a ala: Adïd’a dan na, adïd’a dan na.

Jeremi 23:31

An nga ni ngop suma djok vun suma a nga de zlad’a ki vunazi ala an de na na.

Jeremi 27:2

Ang i par ziyona teteng, ang i tchet dju’â teteng mi, ang tchuk suma hiuna kelengû,

Jeremi 29:21

Wana ni zla d’a Ma didin ma ad’engêm kal petna, Alona hi Israel-lîna, mi dat yam Ahap Kolaya goroma ki Sedekiyas Mäseya goroma suma a nga djok vun ma ka zlad’a ki simiyêma. Mi dala: An mba ni hazi abo Nebukanezar amul ma Babilon-na. Mam mba mi tchazi kä iragiya.

Daniel 8:4

An we gamlâ máma nga mi dap abo ma fladegena, abo ma norâ kabo ma sutna kadivimu. Vama ndak á tchol avoroma nga d’i, sama ndak á prut va abom nga d’uo mi. Mi le ni vama hurum minima, nga mi i avogovok mi.

Mise 3:11

Mat suma ka sariyad’a a ka sariyad’a ni yam he d’a hawad’a, mat suma ngat buzuna a nga hat suma ni yam wuraka, mat suma djok vuna a nga djok vuna ni yam beged’a. A nga de d’igi suma a deng tazi ata Ma didinina na, a nga dala: Ma didina mi nga adigei d’uo zu? Ndaka mba d’i fei d’i.

Sunda hi suma a sunuzinid’a 21:11

Mi yo d’i’â hi Paul-lâ, mi djin asem kabomu. Mi dala: Muzuk ma bei tchod’a ba na mi de woi ala: Juif suma Jerusalem-ma a mba djin sala d’ik máma hina, a mba hum abo andjaf suma dingâ mi.

Gat ta a hat á mbàd’id’a 33:17

A he ngola mi Josef! Mam mi ma ad’enga d’igi gor amuhlâ na na, ma d’igi avün ma avok dedeina na na. Mi nga kadif ma ad’engâ kam mbà, nadif ma mam mba mi tchok kandjaf suma, mba mi digizi gak mi izi avun dabid’a handagad’id’a. Adif ma tuna nablaud’a hi Efraim-mba, adif ma dingâ ni branga hi suma dudubuna hi Manase-nina mi.

2 Timote 3:8

Azi ni d’igi Janes azi ki Jambres suma a tchol djangûna ki Moise adjeuna na; sum ndazina a nga tchol djangûna ki gagazid’a mi. Ni suma djib’er mazid’a b’lak keina, he gagazi mazid’a ndak nga d’i.