1 Amuleina 21:3 - Bible azumeina

³ Wani Nabot mi hulong de mi Ahap ala: Nga djivid’a avok Ma didina tala an hang asine ma guguzlu ma abuyomi ngolo a hamizi djonina d’i.

1 Amuleina 21:3 ပူးပေါင်းရင်းမြစ်များ

Ad’u Tinda 44:17

Josef mi dazi ala: Hawa yak! An ndak á le hina d’i! Sama an fe kopma aboma, ni mam ba, mi ar magom mana; wani agi suma dingâ igi gen abugi hawa.

Ad’u Tinda 44:7

Azi hulong dum ala: Sama ngolâ, ni kayam me ba, ang de zla d’a hina d’a ge? Ami azungeî mangâ ndak á lami sun nda tcho d’a hina d’a d’i.

1 Sunda Hamuleinid’a 11:19

David mi dala: Ma didina, ar an lahle ndazina d’i! Wana ni buzuna hi suma a he tazi woi á matnina d’uo zu? Mi tchum nga d’i. Wana ni vama grang suma hindi ndazina a luma.

Wana ni mbaktumba hi Job-pa 27:5

An nga ki lovotid’a ni dala zla magid’a nata yad’u d’a d’i. Gak an mit pî, an mba ni väd’u zla manda á pat zlad’a woi kanu.

Ezekiyel 46:18

Amulâ mi ndak á hlandagad’a abo sum mama d’i. Andaga d’a mi hat mi goromid’a, nandaga d’a a humzi djonid’a mbeî. Hina wani, mba mi fe lovota á dik sa man ndei yam andaga d’a a humzi djonid’a d’i.

Sunda hi suma hi Levi-nid’a 25:23

Ma didina mi de kua ala: Agi ndak á guzugi andagad’a woi ki irat fafat ti, kayam andagad’a ni manda. Agi avo hatan ni d’igi angoyogeina ki suma kak ki sed’en ndjöna na.

Ndumba 36:7

Ar djona hi Israel-lîna mi kal kur ndram mbi. Ar Israel ma lara pî mi ve tam ad’enga yam djona habuyoma.

Ndumba 36:9

Ar djona handjaf ma ding kal kur andjaf ma ding ngi, ar Israel-lâ nge nge pî mi ve tam ad’enga yam djo mama.

Romê-na 3:31

Na ni he gagazi meid’a ti mbut gata vama hawana zu? Nga na d’i! Wani he gagazid’a ti hei nad’enga á sira gata memet.

Romê-na 3:4

Nga na d’i! Le suma pet ni suma ka zlad’a pî, Alona ni Ma gagazina. Kayam zlad’a hAlonid’a ti dala: Suma a mba wang Ma d’ingêrâ nata zla mang nga ded’a. Le azi mbang ata yima ka sariyad’a ni, ang mba kus kaziya.

Romê-na 3:6

Nga na d’i! Le Alona ni ma bei d’ingêrâ ni, ni nana ba, mba mi ka sariyad’a yam suma duniyad’a ge?

Romê-na 6:15

Ni nana ge? Ei mba lei tchod’a kayambala ei nga ad’u gata d’i, wani ei nad’u sumad’a hAlonid’a d’a zu? Nga na d’i!

Romê-na 6:2

Nga na d’i! Ei suma boi woi ata tchod’ina, ei dok i avogovok kur tchod’a d’ei zu?

Romê-na 7:13

Na ni vama djivina mi mbut vama tchana zu? Nga na d’i! Wani ni tchod’a ba, ti tchan ndeyo. Wani ata yima tchod’a ti le sunda yam vun ma hed’a hi gatina, ti tak kei ala tcho d’a tata ni vama tchona. Hina, yam vun ma hed’a ba, tchod’a ti mbut tcho d’a ngol la kala.

Romê-na 7:7

Kayam ndata, ei mba dei nana ge? Gata ni tchod’a zu? Nga na d’i! Wani gata ti tagan tcho manda. Ladjï gata ti dala: Ang le d’od’oka d’i d’uo ni, an ndak á we d’od’oka d’i.

1 Korente-na 6:15

Agi wagi ala hliu tagi ni ir hliu tad’a hi Christ-sa. An ndak á hle ir hliu tad’a hi Christ á mbud’ut ir hliu tad’a hatcha d’a gaulangâ zu? Nga na d’i!

Galat-na 6:14

Wani an nga ni subur tan yam vama ding ngi. An subur tan ni yam agu ma b’ala hi Salad’a Jesus Christ-sâ hol. Ni kayam agu mam ma b’ala ba, an mit tei ata duniyad’a, duniyad’a ti mit tei atan mi.

Josue 22:29

Ami nga ki djib’era á kagami djangûna ki Ma didina á walami woi ki Ma didina ini ba, ami minimi yima ngal ahle suma ngat buzuna yam ma hi Ma didinina kua ata yam ma kaka á he he d’a hawa d’a ngala d’oze he d’a hawa d’a afuta d’oze ahle suma ngat buzuna kam mbi.

Josue 24:16

Suma a to’â a hulong ded’a ala: Ami nga ki djib’era á arami Ma didina woi á kud’uromi alo ma ding ngi.

1 Samuel 12:23

Wani an nga ni ve tan ad’enga ped’et á tchen Ma didina kagiya. Le d’uo ni, an le ni tchod’a avoromu. Wani an mba ni tagagi lovot ta djivi d’a d’ingêra.

1 Samuel 24:6

Bugola, David hurum vum ki zla d’a yam ngat ta mi ngat vun baru d’a ngola hi Saul-lid’a.