1 Amuleina 21:25 - Bible azumeina

²⁵ Sama mi he tam mbei á lahle suma tchona avok Ma didina d’igi Ahap ma amamba Jezabel ti zud’um á le tchod’a na na nga d’i.

1 Amuleina 21:25 ပူးပေါင်းရင်းမြစ်များ

1 Amuleina 16:25

Wani Omri mi lahle suma tchona avok Ma didina kal amulei suma a tamula avoroma pet.

1 Amuleina 18:18

Elie mi hulong dum ala: Ni an ba ni mba ki ndaka yam Israel-lâ d’i; ni ang ki simiyêngû, kayam agi gagi nga yagi kä ad’u vun ma hed’a hi Ma didinina d’i. Wani agi igi lagi sunda malo ma a yum ala Bäl-lâ.

1 Amuleina 18:4

Ata yima amula Jezabel ti tchi suma djok vuna hi Ma didinina, Obadiya mi sut suma dingâ kis, mi ngeyezi kur zul ahinad’a dok vahl dok vahl, mi hazi tena ki mbina ata yi máma mi.

1 Amuleina 19:2

Ata yi máma Jezabel ti ge sunda ata Elie, ti dum ala: Avin aboina hina dedege, le an tchang nga d’igi ang tchi suma djok vuna hi Bäl-lâ hina d’uo ni, ar alo ma teteng mi mban ndak ka ngol la kala kanu!

1 Amuleina 21:20

Elie mi i de zla ndata mi Ahap. Ahap mi dum ala: Man ma djangûna, ang fan ini zu? Elie mi dum ala: Â, an fang ini, kayam ang he tang ngei á le sun nda tchod’a avok Ma didina.

1 Amuleina 21:7

Amamba Jezabel ti dum ala: Ki tchetchemba, ni ang ba namul ma Israel-lâ d’uo zu? Ang tchol akulo ang të; ar hurung b’lenga. Ni an ba ni hang asine ma guguzlud’a hi Nabot ma Jisreyel-lâ!

1 Amuleina 22:52

Kur biza d’a dogo yam kid’iziya d’a Josafat nga mi tamula yam suma Juda-nid’a, Ahaziya Ahap goroma mi kak amula avo Samari yam Israel-lâ. Mi tamula bizad’a mbà.

1 Amuleina 22:53

Mi lahle suma tchona avok Ma didina. Tit mamba ni tchod’a d’igi abum azi kasum na, d’igi Jerobowam Nebat gorom ma mi zut Israel-lâ á le tchod’ina na mi.

2 Amuleina 17:17

Azi ngal grozi suma andjofâ ki grozi suma aropma woi kad’ud’a d’igi vama ngat buzu ma ngala na, azi ve kumana, a djop fileina, a he tazi á le sun nda tchod’a avok Ma didina á zalam hurumu.

2 Amuleina 23:25

Amul ma avok Josiyas soze ma blogom ma he tam mi Ma didina ki hurum tu ki muzagam pet kad’engêm pet á tit yam Gata hi Moise-sa pet d’igi mam na na nga d’i.

2 Amuleina 9:22

Kid’a Joram mi mba go avok Jehu-d’a, mi djobom ala: Jehu, ang mba ni hawa ko zi ge? Jehu mi hulong dum ala: Ni kayam me ba, ang djobon hina ge? Ang we tetet ala nasung Jezabel ba, nga d’i i avogovok á kud’or alo ma teteng ma hawa ya’â ki kuma matna mi d’uo zu?

2 Amuleina 9:34

Jehu mi kal avo kur azì ma amula, mi te, mi tche, mi de mi ndrom azigarâ ala: Agi gologi atcha d’a a gat vuna ndata, agi tozod’u, kayam ndat namulâ goromba.

Nehemi 13:26

Salomon amul ma Israel-lâ mi le ni hina ba, mi le ki tchod’a d’uo zu? Aduk andjafâ hi suma pet amul ma d’igi mam na na nga d’i. Alo mama hurum vum heî, mi tinim amula yam Israel-lâ pet. Wani andjaf arop suma dingâ a tanam kur tchod’a.

Buzuk ka Abud’a 34:16

Ar agi vigizi grozina mi grogina tala azi mbud’uzi ndjendjed’a á tuwal alo mazina d’oze á lobozi vunazi á mbud’uzi ndjendjed’a kalo mazina d’uo mi d’a.

Zla d’a d’ogolâ 22:14

Atcha d’a gaulangâ, vunat ni zul la yiyika. Sama Ma didina hurum zal kama, mba mi nde kä kuru.

Ma tchi wala 7:26

An we vama aglar ma mi kal matnina. Natcha d’a hle tat d’igi dauna na d’a, o mata ni d’igi abeid’a na, abot mi ni d’igi ziyo ma djin kahlenina na. Sama mi lAlona tam djivid’ina mba mi prut tei abod’u, wani ma le tchod’a, ndat mba d’i vumu.

Isai 50:1

Ma didina mi dala: Mbaktum mba an dik kasugid’a ti nga ni lara ge? D’oze sama an nde balâ abom ni guzugi ki woina ni nge ge? Gola! Ni yam tchila magid’a ba, an guzugi ki woyo, ni yam tcho magid’a ba, an dik kasugi woi mi.

Isai 52:3

Ma didina mi dala: A guzugi woi ni hawa na, a mba hulongôgi ni hawa na bei wurak bege kagi ba mi.

Sunda hi suma a sunuzinid’a 14:2

Wani Juif suma a he nga gagazid’a d’uo na, a zut andjaf suma dingâ ala a kak djangûna ki b’oziyoina.

Sunda hi suma a sunuzinid’a 6:12

Azi djiwï suma akulo ki suma nglona ki suma hat gata. Azi mba, a ve Etienne, a tanam a im avok suma nglo suma b’ak zlad’a.

Romê-na 6:19

An nga ni dagi zlad’a ni d’igi suma na kayam amangeîd’a hi hliwigid’a. Avok agi hagi tagi pet d’igi magumeina na á le sun nda ndjendje d’a tchod’a á tid’igi kur batranga. Wani ki tchetchemba, ar agi hagi tagi pet d’igi magumeina na á le sun nda d’ingêra á tid’igi tit ta irata mi.

Romê-na 7:14

Ei wei ala gata ni hi Muzu’îd’a, wani an ni sama kur hliuna, an ni magoma hi tchod’ina mi.

Vama ndum mbeina 2:20

Wani vama an mining nguo kama ba wana, kayam ang ar Jezabel, atcha d’a nga d’i yi tat ala ndat ni d’a djok vun Alona d’a, ti nga d’i vit man suma sunda woyo, nga d’i had’azi á le mizeuna, á tahle suma a tuwal ki fileinina mi.