1 Amuleina 20:4 - Bible azumeina

⁴ Amul ma Israel-lâ mi hulong dum ala: Salana amulâ, an ge yan kä ad’u zla manga, an hang tan tata kahle mana pet mi.

1 Amuleina 20:4 ပူးပေါင်းရင်းမြစ်များ

1 Amuleina 2:38

Ata yi máma Simei mi dum ala: Djiviya! Salana amulâ, an i ni le d’igi ang de na. Simei mi kak burâ ngolâ avo Jerusalem.

1 Amuleina 20:3

Ben-Hadat mi sunumï ala: Ang hanï kawei mang ma hapma ki lor manga karubuyong ki grong suma djif suma kal teglesâ mi.

1 Amuleina 20:5

Wani suma sunda a hulongî kua yazi á mbàd’a, a dum ala: Gola! Ben-Hadat sunumï mi dang ala: Avok an sunï sum mana á dang ala: Ang hanï kawei mang ma hapma ki lor manga karubuyong ki grongâ.

2 Amuleina 10:5

Ata yi máma na wat ma ngol ma hur azina hamulîna ki ma ngolâ hi azigar suma hur azì ma ngolîna ki suma nglona ki suma a nga ngom amulâ gromina, a hulong humba mi Jehu ala: Ami nazungeî mangâ, ami mba lami ahlena pet suma ang hami vuna kazina, ami mba tinimi amul ma ding ngi. Ang le vama ang hurung minima.

Sunda hi suma hi Levi-nid’a 26:36

An mba ni mbut suma ar adigagi suma a mba kak yam ambasa hi mazi suma djangûnina mandarâ kagilam. Ni simet ma mba mi sir hum agunina go ba, mba mi digiziya. Azi mba ringî d’igi suma a ring avok ayî ma durîna na, a mba puk kä bei sa mi digizi ba mi.

Gat ta a hat á mbàd’id’a 28:48

agi mba lagi magomba mi magi suma djangû suma Ma didina mba mi sunuzi atagina ki meid’a ki vun ma sod’a ki gandilad’a. Agi mba kid’agagi woi ata ahlena pet. Ma didina mba mi gagi djuk ma kaweina kelegi gak agi mba dabagi woyo.

1 Samuel 11:10

a de mi suma Amon-na ala: Ndjivin ami mba mbamiza; agi lagi vama hurugi mina ki sed’emiya.