1 Amuleina 20:22 - Bible azumeina

²² Wani ma djok vun Alona máma mi hulong mba gen amul ma Israel-lâ, mi dum ala: Ang ve tang ad’enga, ang djib’er djivi yam vama ang mba luma, kayam dama hina dedege wani, amul ma Siri-na mba mi hulongî á dur ayîna ki sed’eng ngei!

1 Amuleina 20:22 ပူးပေါင်းရင်းမြစ်များ

2 Samuel 11:1

Tcha damad’a, natchogoi d’a amuleina a i durâ abageid’a, David mi sun Jowap azi ki azigar mam suma nglona ki Israel-lâ pet á b’lak suma Amon-na, á hle Raba mi. Wani David mi ar kaka avo Jerusalem.

1 Amuleina 19:10

Elie mi dum ala: Tan nga d’i lan zlezleû yam ang Ma didina Alo ma ad’engêng kal petna, kayam Israel-lâ a noî vun ma djin ma ang djinim ki sed’ezina woyo, a to yi mang ma teteng ma ngal ahle suma ngat buzuna woyo, a tchi mang suma djok vuna woi mi. An arî an van tu, azi nga halan á tchid’a mi!

1 Amuleina 20:13

Wani ma djok vun Alona tu mi mba gen Ahap amul ma Israel-lâ, mi dum ala: Ang gola! Ma didina mi dan ala an dangû: Ang wablaud’a hi azigarâ d’a wanda ko zu? An mba ni hangzi ini abongû. Hina wani, ang mba wala an ni Ma didina!

1 Amuleina 20:21

Wani amul ma Israel-lâ mi ndabua, mi tchi akulumeina, mi b’lak pus ma dur ayîna teteng ngeyo, mi tchi azigar suma Siri-na ngingidjip mi.

1 Amuleina 20:26

Tcha dama ata yi máma hina dedege wani, Ben-Hadat mi i gol azigar mam suma Siri-na, mi i ki sed’ezi avo Afek á dur ayîna ki Israel-lâ.

1 Amuleina 20:38

Ma djok vun máma mi i kak kä avun lovot ta amulâ Ahap mi kal ini kuad’a, mi mbut tam sama dingâ, mi zlup barud’a iramu.

1 Amuleina 22:8

Amul ma Israel-lâ mi dum ala: Ma dingâ tu mi nga ka hî, a yum ala Mise ni Jimla goroma, ni ma ndak á djop Ma didina atama. Wani an minim mbi, kayam mam nga mi djogon vun ma djivi d’i; mi djogon ni vun ma tchona burâ ki burâ. Josafat mi dum ala: Amulâ, ar ang de hina d’i!

2 Amuleina 6:12

Ma dingâ tu aduk azigar mam suma nglona mi hulong dum ala: Salana, sama adigei ma mi hle zla mei d’a gumunda mi it mamul ma Israel-lîna nga d’i. Ni Elise ma djok vun Alona ma nga avo Israel-lâ ba, mi ndak á de zla d’a ang dat kur gong mang nga burîd’a woi mamul mama!

1 Sunda Hamuleinid’a 20:1

Tcha damad’a, natchogoi d’a amuleina a i durâ abageid’a, Jowap mi i ki azigarâ ablaud’a á b’lak ambasa hi suma Amon-nid’a, mba mi ngui azì ma Raba-na. Wani David mi ar kaka avo Jerusalem. Jowap mi dur azì ma Raba-na, mi b’lagam mbeyo.

2 Sunda Hamuleinid’a 25:11

Wani Amasiya mi ve tam ad’enga, mi i ki sum mama. A i kur hor ra Ndjuvuna, a tchi suma Edom-ma 10.000.

2 Sunda Hamuleinid’a 25:8

Le ang i wa ki sed’eziya, le ang mba tchol ad’enga kur ayî ma durâ pî, Alona mba mi kang aseng azlard’eîd’a avok mang suma djangûna, kayam Alona mi nga kad’enga á ndjun sana, mi nga kad’enga á kam asem azlard’eîd’a mi.

Sawal la giled’a 27:14

Ang tin hurung yam Ma didina, ang ve tang ad’enga, ar tang tchuk lus si. Ang tin hurung yam Ma didina.

Zla d’a d’ogolâ 18:10

Simiyê Ma didina ni gong nga ndjol la fiyak ka ad’eng nga ngungud’a, sama d’ingêrâ nga mi ring kua, mi kak ki halasa.

Zla d’a d’ogolâ 20:18

Nga hurâ mi ndak memet nata d’al ma ded’a. Nata d’al ma ded’a ba, ang dur ayî ma djivina ata lovod’om mi.

Isai 26:11

Ma didina, abong nga zid’a akulo, wani azi wum nga d’i. Azi mba we zlezleû mang nga yam sum mangîd’a. Zulona mba mi laziya, akud’a mba d’i ngal mang suma djangûna woi mi.

Isai 42:8

An ni Ma didina. Wana ni simiyênu! An mba ni he subur manda malo ma ding ngi, an mba ni ar hu manda mi fileina d’uo mi.

Isai 8:9

Agi andjaf suma, agi eregi ad’ugi akulo, wani agi mba mbud’ugi mandarâ. Agi suma sä yam andagad’a dedeid’ina, agi tinigi humagiya, agi humugiya, agi minigi tagi á dur ayîna, wani agi mba mbud’ugi mandarâ.

Efes-sâ 6:10

Vama arâ, agi siragi ngingring zlapa tu ki Salad’a, kur sib’ika had’eng mambid’a mi.