1 Amuleina 20:12 - Bible azumeina

¹² Ata yima Ben-Hadat mi hum zla ndatina, mi nga ni kur tched’a zlapa kamulei suma dingâ kur zlub’ud’a. Ata yi máma na wat mi he vuna mi azigar mam suma nglona ala: Agi minigi tagi á ndagi azina durâ! Azi min tazi á nde durâ mi.

1 Amuleina 20:12 ပူးပေါင်းရင်းမြစ်များ

2 Samuel 13:28

Apsalom mi he vuna mazungeî mama ala: Agi tinigi iragi yam Amnon ped’et. Le mi nde wa le furîd’a ki süm guguzlud’a, le an dagi ala: Agi tchumu ni, agi tchum mbeyo! Agi lagi mandar ri. Ni an ba ni hagi vuna d’uo zu? Vagi tagi ad’enga, kagagi nandjofâ!

1 Amuleina 16:9

Azong mama a yum ala Zimri, ni ma yam pus ma dur ayî ma hiuna, mi ndjak vunam ki suma dingâ á dur ayîna ki sed’emu. Wani amulâ Ela mi nga navo Tirsa avo hi Arsa ma yam azì ma amulina, nga mi tche, nga mi gurud’a.

1 Amuleina 20:16

Kid’a afata tchol falei d’ad’ara, a buzuk á dur ayîna. Wani Ben-Hadat kamulei suma dok hindi yam mbà suma a ndjunuma a nga tche süma kur zlub’ud’a, a gurut abo süma mi.

Jeremi 43:10

Ang de mi Juif-fâ ala: Ma didin ma ad’engêm kal petna, Alona hi Israel-lîna, mi dala: Gola! An mba ni sun ni halï Nebukanezar amul ma Babilon-na azong mana, an mba ni tin zlam mam mba amula yam ahuniyô suma an ngeyezi kä wana, mam mba mi bar tapi mama kazi mi.

Daniel 5:2

Ata yima Baltazar mi tche süm guguzlud’a mi gurutna, mi he vuna ala a i yoï kop ma lora ki kop ma kawei ma hapma suma abum Nebukanezar mi hurumuzï kur gong nga kud’ora hAlonid’a avo Jerusalem-ma, tala mi tche süma ki sed’ezi ki mam suma nglona kamiyôma kamiyôm suma gureina mi d’a.

Daniel 5:30

Kur andjege ndata, a tchi Baltazar amul ma Babilon-na woyo.

Wana ni Zla d’a Djivi d’a Luc mi b’irita 21:34

Jesus mi had’azi kua ala: Wani agi gologi tagi djiviya, ar agi tinigi hurugi yam ahle suma tena d’oze yam ahle suma tched’a ki djib’era hi duniyad’id’a tala bur máma mi mba kagi d’igi dauna na d’a d’i.

Efes-sâ 5:18

Ar agi gurud’ugi ki süma tala mi igi kur tit ta batranga d’a d’i. Wani agi oyôgi ni ki Muzu’â hAlonina.

1 Samuel 25:36

Abigayel ti mba avo. Ti fe Nabal mi le nga te ma luna d’igi luna hamulîna na. Nabal mi le furîd’a ngola, mi gurut tei mi. Ndat dum nga zla tu d’i gak yina fo.