1 Amuleina 2:6 - Bible azumeina

⁶ Kayam ndata, ang gol tang djivi ki ne manga; aram mi mit mat ma zlatna d’i.

1 Amuleina 2:6 ပူးပေါင်းရင်းမြစ်များ

Ad’u Tinda 42:38

Jakob mi hulong dum ala: Hawa yak! Gorona nga mi i ki sed’egi d’i! Wiyema mit teyo, mam arî vam tu. Le vama tcho mbaza kam glovot kur tit magid’a ni, agi mba kalan azulei kä ki mamaran ni ki yor tad’a.

Ad’u Tinda 9:5

Mi dazi kua ala: Le sana mi tchi sa ni, a mba tchumu; vama lara ma tchi sanina, a mba tchum mi. Sama lara ma tchi ndramina, a mba tchum mi.

Ad’u Tinda 9:6

Kayam an Alona le sana ni d’igi an na, sama tchi sanina, sama ding mba mi tchum mi.

2 Samuel 3:39

An namulâ pî ni, namangeîd’a tua. Sum ndazina Seruya grotna, azi ad’enga kalanu. Ar Ma didina mi wurak sama tcho máma ndak yam tcho mam mba mi lata.

1 Amuleina 2:7

David mi dum kua ala: Ang djib’er yam Barzilai ma Galät-na groma, kayam a ndjunun kur bur ma an nga ni ring abo wiyengâ Apsalom-ma. Kayam ndata, ang lazi djivid’a, ar a te ki sed’eng yam tabulâ teteu.

1 Amuleina 2:9

Wani ki tchetchemba, angî sama ned’a. Ang vum d’igi sama bei zlad’a kam ba na na d’i, ang we vama ang le ki sed’ema. Kayam ndata, ang aram mi mit mat ma zlatna d’i.

1 Amuleina 3:12

Kayam ndata, d’igi ang de na, an nga ni hang ned’a ki wad’ud’a tala sama avorong ngoze ma blogong ma kak d’igi ang na na nga d’uo d’a.

2 Amuleina 22:20

Ni kayam ndata ba, an mba ni arang ang mit ki halasa, a mba tozong kur zul manga bei ang we ndak ka an mba ni mbat yam azì ma Jerusalem-mid’a ba. Ngol ma ngat buzuna ki ndrom suma a sunuzina a mba de zla ndata mamulâ hina.

Sawal la giled’a 37:37

Ang tin irang yam sama iratna, ang gol sama d’ingêrâ, kayam sama halas máma mba mi i avogovogo.

Zla d’a d’ogolâ 20:26

Amul ma ned’a nga mi ndjoî suma asa’atna woyo, nga mi tozi bei wazi hohowozi ba.

Zla d’a d’ogolâ 28:17

Sama mi tchi sana mi wala zlad’a vumu na, mi ring á tchi tamu; ar sa mi d’elem mbi!

Ma tchi wala 8:11

Ni kayamba a nga ngop sama le sun nda tchod’a atogo zak kuo d’a ba, suma a he tazi á le tchod’a ngola ni na.

Isai 48:22

Ma didina mi dala: B’leng nga halasa ti nga ni yam suma asa’atna d’i.

Isai 57:2

Sama nga mi tit kur lovot ta d’ingêrina mba mi kal kur halasa, mba mi tuk tam yam azang mama mi.

Isai 57:21

Alo mana mi dala: B’leng nga halasa nga yam suma asa’atna d’i.

Isai 65:20

Kur azì máma a mba fe gogor ma mi mit atogo hina za’â nga d’i, mamar ma mit avok bei bizam mbi nda’â nga d’uo mi. Gogorâ mba mi mit ni bizad’a kis mbeî, sama mi mit avok bizad’a kisina, a mba golomî d’igi sama tcho ma Alona mi gum vunina na.

Ndumba 35:33

Ar agi mbud’ugi ambas sa agi mba kaka kata ndjendjed’a d’i, kayam buzuna mi mbut ambasa ndjendjed’a. Buzu ma ding ma ndak á zlup yam ambasina nga d’i, ni buzuna hi sama mi tchi matnina hol.