1 Amuleina 2:5 - Bible azumeina

⁵ David mi dum kua ala: Ang djib’er yam tcho d’a Jowap Seruya gorotna mi landjid’a. Ni sama tchi nglo suma dur ayîna hi Israel-lîna mbàna, nala, Apner Ner goroma ki Amasa Jeter goroma mi. Mi tchazi nata yima ayîna nga d’uo na, mi mba ki buzuna hi suma mi tchazina atamu; tcho ndata ni kamu.

1 Amuleina 2:5 ပူးပေါင်းရင်းမြစ်များ

2 Samuel 17:25

Apsalom mi tin Amasa ngola hi azigarîd’a balum Jowap. Amasa ni Jitra ma Israel-lâ goroma; ni ma ve Abigal Nahas goromba, ni d’a Seruya Jowap asum wiyetid’a.

2 Samuel 18:12

Wani sa máma mi de mi Jowap ala: Le an nga ki bege d’a hapa abon dubu pî, an ndak á tin abon ata amulâ goroma d’i. Kayam ami humumi ki humami ata yima amulâ hang vuna ki Abisai azi ki Itai ala: Agi tinigi abogi yam Apsalom tata na d’uo zu?

2 Samuel 18:14

Jowap mi dum ala: An min ve yan ki sed’eng ngi! Mi yo djamba abom hindi, mi zirigit kur Apsalom kid’a mi nga akulo ata aguna bei matna tua d’a.

2 Samuel 18:5

Amulâ mi he vuna mi Jowap, mi Abisai, mi Itai mi ala: Le agi hurugi vanu ni, agi tinigi abogi yam Apsalom tata. Ablau suma pet a hum ala amulâ mi he vuna mi suma nglo suma avok azigarîna yam Apsalom ala a tin abozi kam tata.

2 Samuel 2:13

Jowap Seruya gorotna ki azigarâ hi David-na a buzuk tita mi, a ngaf tazi avun apo d’a Gabawon-nda; suma dingâ a tchol abo ma ka hî na, suma dingâ a tchol sä abo hî mi.

2 Samuel 2:18

Ata yi máma Seruya grot suma hindina a nga kua, nala, Jowap, Abisai ki Asayel. Asayel mi ringî d’igi duka na.

2 Samuel 20:10

Amasa mi ngom nga tam yam mbigeu d’a fiyak ka nga abo Jowap-pa d’i. Jowap mi pum mbigeu mam mba fiyaka kurumu, mi zugum aruwad’am kä woi andaga. Amasa mi mit bei Jowap mi tchogom yam á mbàd’a ba. Jowap azi ki wiyema Abisai a nde dik Seba Bikri goroma.

2 Samuel 3:27

Kid’a a hulongî Apner avo Hebron-nda, Jowap mi vumï woi avun azina d’igi mi min dum zla d’a gumunda na. Ata yi máma mi tchogom hurum tup. Apner mi mid’a; Jowap mi tchumî yam wiyema Asayel.

2 Samuel 3:39

An namulâ pî ni, namangeîd’a tua. Sum ndazina Seruya grotna, azi ad’enga kalanu. Ar Ma didina mi wurak sama tcho máma ndak yam tcho mam mba mi lata.

1 Amuleina 1:7

Adoniya mi nde ndjak vunam ki Jowap ma asum Seruya-na ki Abiyatar ma ngat buzuna mi. Azi ni suma a mbut b’rang mambina.

1 Amuleina 2:32

Ma didina mba mi ka sariyad’a kamu, kayam mi tchi suma mbà suma a kalam ki d’ingêra ki djivid’a mi na, abun mi we d’uo mi. Mi tchi Apner Ner goroma ma ngolâ hi azigar suma Israel-lîna ki Amasa Jeter goroma ma ngolâ hi azigar suma Juda-nina mi.

Jeremi 2:34

A fe buzuna hi suma hou suma zla nga kazi d’uo na ata baru magina. Ni suma agi vazi nga avun gongîyo magina á kuzuzi vunazi woi d’uo na.

Jeremi 6:15

Ma didina mi de kua ala: Djivid’a azi mbut ni zulona ata yima a nga lahle suma ndjendjed’ina. Wani zulona nga mi lazi d’i, zulo nga irazi hina nde d’uo ko. Kayam ndata, a mba puka ki suma a mba puk kä na, a mba ka azlard’eid’a ata yima an mba ni mba á ngobozina.

Matiye 3:4

Jean baru mam mba tchuka ni tumus djambala, d’i’â nga djinda furum mi. Te mama nabureina kayuma.

Gat ta a hat á mbàd’id’a 27:24

Sama mi tchi ndrama gumuna, Ma didina mi gum vuna! Ablau suma petna a hulong ded’a ala: Amin!