1 Amuleina 2:37 - Bible azumeina

³⁷ An nga ni dang ngei avogo, bur tu le ang nde woi kur Jerusalem, ang djak toliyon nda Kedron-nda ni, an mba ni tchangû. Zla ndata ni kang angû.

1 Amuleina 2:37 ပူးပေါင်းရင်းမြစ်များ

2 Samuel 15:23

Suma kur azì ma ngol mámina pet a tchi ki delezi akulo yam kala hamulâ ki sum mama peta. Amulâ ki sum mama pet a djak toliyon nda Kedron-nda, a hle navun lovot ta i hur fulîd’a d’ar.

1 Amuleina 15:13

Mi pat asum ngolo Mäka woi kur amul mata, kayam ti yor fileina malo d’a a yat ala Asera-d’a. Asa mi he vuna ala a b’lak filei máma woyo, a ngalam mbei avun toliyon nda Kedron-nda.

1 Amuleina 2:31

Amulâ mi de mi Benaya ala: Djiviya! Ang i tchum ata yi máma d’igi mam de na; ang tozomu. Hina wani, ang mba pat zlad’a kami ki suma avo habuna woi yam tchi d’a Jowap mi tchi suma bei zlad’a kazinid’a.

1 Amuleina 2:33

Hina wani, zla ndata mba d’i arî yam Jowap kandjavam gak didin, wani David kandjavamu, suma avo hatama kamulei suma a mba vrak tamula blangâma, a mba kak ki halasa teteu avok Ma didina.

1 Amuleina 2:38

Ata yi máma Simei mi dum ala: Djiviya! Salana amulâ, an i ni le d’igi ang de na. Simei mi kak burâ ngolâ avo Jerusalem.

2 Amuleina 23:6

Mi pat agu ma murguli ma a pum malo d’a a yat ala Asera-d’a na woi kur gong nga kud’ora hi Ma didinid’a á i ngalam mbei bugol Jerusalem avun toliyon nda Kedron-nda, mi i b’lagam mbei a mired’em bud’um kä kaseziya, a yom a yagam sä woi yam asud’a hi suma houd’ina.

2 Sunda Hamuleinid’a 29:16

Suma ngat buzuna a tchuk klavi kur gonga á mbud’ut hurut yed’et, a yo ahle suma ndjendje suma a nga kur gong nga kud’orina woi abu pepet, a tchuguzi kä kur gulumuna hi gong nga kud’orina. Suma hi Levi-na a yozi a tchuguzi sä woi bugol azina kur hor ra Kedron-nda.

Jeremi 31:40

Hor ra a tchuk matna kuad’a pet ki yima butna ki yima hawa ma i gak avun toliyon nda Kedron-nda gak mi ndeza ata yima gulumuna kong kua ma avun Agre’â hAkulumeina ma abo ma yorogonina pet, a mba tinim iram vam mi an Ma didina. Bugola, vama mba pad’am mbei d’oze mba mi hôm mbeina nga d’uo gak didin.

Ezekiyel 18:13

le nga mi he va mi sa ki mbina, le nga mi hal mbina abo sana ni, gor máma mba mi kak karid’a zu? Mba mi kak karid’a d’i. Le nga mi le sun nda ndjendje d’a hina d’a ped’u ni, gagazi, a mba tchumu. Mi tchi tamî vamu.

Sunda hi suma hi Levi-nid’a 20:9

Sama lara ma yahlena yam abum azi kasuma, a tchum mbeyo. Buzuwam mba mi hulong kamu, kayam mi yahlena yam abum azi kasumu.

Jean 18:1

Kid’a Jesus mi dahle ndazina dad’a, mi buzuk ki mam suma hata, a djak toliyon nda Kedron-nda. Ata yi máma, asinena nga; mi kal kua ki mam suma hata.

Josue 2:19

Sama lara ma mi nde woi avun agrek ma’îna, buzuwamî kam mam tamba. Wani le sa adigami mi tin abom ata sama nga avo hata’â ni, buzuwamî kamiya.