1 Amuleina 2:22 - Bible azumeina

²² Amulâ Salomon mi de masum ala: Ni kayam me ba, ndak tchenen yam Abisak ka Sunam-mba mi Adoniya ge? Wani ndak djobon ala an hum amula tua, kayam mam mi wiyen ma ngolâ! Ndak djobot yam ma ngat buzuna Abiyatar ki Jowap Seruya gorotna mi!

1 Amuleina 2:22 ပူးပေါင်းရင်းမြစ်များ

2 Samuel 12:8

An hang suma avo hi salangîna, an hang aropma hi salangîna ad’ungû, an hang Israel-lâ ki suma Juda-na mi. Le ni akid’eid’a ni, an ndak á hang kam kua!

2 Samuel 16:21

Ahitofel mi de mi Apsalom ala: Ang i ata arop suma gureina habung suma mi arazi á ngom azì ma amulina. Hina wani, Israel-lâ pet a mba wala ang mbut wa ndjendjed’a ir abungû. Hina wani, suma ki sed’engâ pet a mba i ad’ung bei gigrita ba.

1 Amuleina 1:11

Ata yi máma Natan mi mba mi fe Batseba Salomon asumu, mi dat ala: Ndak hum nga ala Adoniya Hagit gorotna mi mbut wa amulâ d’uo zu? Wani saleina amulâ David mi we nga d’uo mi.

1 Amuleina 2:15

Mi dat ala: Ndak wala amula nabonu, wani Israel-lâ pet a nga djup ala ni an ba ni vrak tamula balum abunu. Wani ahlena a mbud’a. Salomon wiyena mi kak wa amula, kayam Ma didina mi min na.

1 Sunda Hamuleinid’a 3:2

Ma hindina ni Apsalom. Asum a yat ala Mäka, ni Talmai amul ma Gesur-râ goromba. Ma fid’ina ni Adoniya. Asum a yat ala Hagit.

1 Sunda Hamuleinid’a 3:5

Grom suma mi vud’uzi avo Jerusalem-ma ba wana: Samma, Sobap, Natan ki Salomon; azi zla tazi fid’i ni Batseba Amiyel goromba grotna.

Matiye 20:22

Wani Jesus mi hulong dat ala: Agi wagi nga vama agi tchenema d’i. Agi ndagagi á tchagi kop ma kid’eî ir ma an mba ni tchuma zu? Azi hulong dum ala: Ami ndagamiya.

Marik 10:38

Jesus mi dazi ala: Agi wagi nga vama agi tchenema d’i. Agi ndak á tchagi ki kop ma kid’eî ir ma an mba ni tchuma ko zu? D’oze agi mba lagi batem mba ndak ka an mba ni lata ko zu?

Jacques 4:3

Agi nga tchenegiya, agi nga fagi va d’i, kayam agi nga tchenegi ki tchen nda irata d’i, kayam agi minim ná ndak vun minda hi hliwigid’a.