1 Amuleina 19:6 - Bible azumeina

⁶ Elie mi gol gevem hina wani, mi we avungô ma a lumî akulo yam ahuniyô suma akud’ina nga tinda kä kam kagel la mbina mi. Bugol la mi te mi tche mi d’a, mi hulong mi bur kä.

1 Amuleina 19:6 ပူးပေါင်းရင်းမြစ်များ

1 Amuleina 17:4

Ang mba tche mbiyo toliyonda sä hî, an he wa vuna mi gagauna mba mi ing sä tena mi.

1 Amuleina 17:6

Gagauna nga mi im avungôna ki hliuna yorogo ki fladege, mam mi tche ni mbiyo toliyonda mi.

1 Amuleina 19:5

Bugola, mi bur sena kä ad’u agu ma gor máma, wani malaikana hi Ma didinina mi mba, mi domu, mi dum ala: Ang tchol akulo, ang të.

1 Amuleina 19:7

Wani malaikana hi Ma didinina mi hulong mi mba kua, mi dum ala: Ang tchol akulo, ang të, kayam yina dei avorong á tita.

Sawal la giled’a 37:3

Ang deng tang ata Ma didina, ang le djivid’a mi. Hina wani, ang mba kak yam andaga manga, ang mba kak ki b’leng nga halasa mi.

Isai 33:16

sa máma mba mi ka’î ata yima subura. Ahina d’a ad’eng nga ngingid’a mba d’i mbut ni yi mam ma ngei tama. A mba hum te mama ni ki halasa, mbiyo mam ma tched’a mba mi kid’agam mbi.

Matiye 26:7

atchad’a ti mba kagel la albatred’a oîd’a ki mbul ma his ma afufuî ma guzum ngola heîna. Ti vom yam Jesus kid’a mi nga avun tenid’a.

Matiye 4:11

Ata yi máma, diable mi aramu, wani malaikana a mba, a nga lum sunda.

Matiye 6:32

Kayam ahle ndazina pet, andjaf suma bei wAlona a nga miniziya. Wani Abugi ma sä akulona mi wala agi nga minigi ahle ndazina mi.

Jean 21:5

Kayam ndata, Jesus mi dazi ala: Grona, agi nga ki kuluf fuo zu? A hulong dum ala: Va nga d’i.

Jean 21:9

Kid’a a djak kei del gongôd’id’id’a, a wakud’a nga ved’a ki kiwilâ kä, kulufâ nga tchuka kad’u, kavungôna mi.