1 Amuleina 18:37 - Bible azumeina

³⁷ Ma didina, ang humunu, ang humun kayam sum ndazina a wala ang Ma didina nAlo ma gagazina, ang hulongôzi djib’er mazid’a kang mi.

1 Amuleina 18:37 ပူးပေါင်းရင်းမြစ်များ

Ad’u Tinda 32:24

Jakob mi ar vam tu, sana tu mi ndjiget ki sed’em gak yina nga ad’um fod’a.

Ad’u Tinda 32:26

Sa máma mi de mi Jakob ala: Ang aranu, kayam yina ar go á fod’a. Jakob mi hulong dum ala: An arang ngi. Ang b’e vunang kan tua.

Ad’u Tinda 32:28

Sa máma mi hulong dum ala: A dok yang ala Jakob puo d’a, wani a mba yang ala Israel. Kayam ang ndjiget kAlona ki sumuna, ang kuza.

2 Samuel 7:26

Ar suma a suburung simiyêng teteu, ar a dala: Ma didin ma ad’engêm kal petna nAlona hi Israel-lîna, ar andjafâ hi an azong mangâ David-na, mi ka’î sirad’a avorong hina didin mi.

1 Amuleina 18:24

Ar azi tchen alo mazina, an tchen Ma didina mi. Alo ma mi hulong humba kakud’ina nAlo ma gagazina. Ablau suma petna a hulong dala: Ami min na!

1 Amuleina 18:29

Kid’a afata leng da d’a, azi nga yi Bäl akulo kua, azi tchi ki hur ma hata gak fladege d’a azi hahle suma ngat buzuna kuad’a, wani sa hulongôzi nga zlad’a de tu d’oze vama simat tu d’uo.

1 Amuleina 18:36

Kur ler ra fladege d’a suma a hahle suma ngat buzuna mAlona kuad’a ndaka, ma djok vun Alona Elie mi hut gen yima ngal ahle suma ngat buzuna, mi dala: Ma didina, Alona hi Abraham-ma, Alona hi Isa’â, Alona hi Jakob-ma, ar ang tak Israel-lâ ini ala angî Alo mazina, an nazong mangâ, a wala an lahlena pet ni yam vun mang ma hed’a mi.

1 Amuleina 18:38

Ata yi máma Ma didina mi tchugï akud’a kä. Ti ngal he d’a hawad’a kagu matna kahinad’a ki gugud’upa handagad’id’a, ti tche mbiyo ma kur zulina woi pet mi.

1 Amuleina 20:28

Wani ma djok vun máma mi mba gen amul ma Israel-lâ kua, mi dum ala: Gola! Ma didina mi sununï ala: Suma Siri-na a dala: Ma didina nalo ma ahinad’a, mi nga nalo ma pid’a’â d’i. Kayam ndata, an nga ni hang azigar suma ablau ndazina pet abongû. Ata yi máma agi mba wagi ala an ni Ma didina.

2 Amuleina 19:19

Wani ki tchetchemba, ang Ma didina Alo mamina, ang sud’umi woi abo Sanakerip. Hina wani, Ma didina, suma yam andagad’ina pet a mba wala ang tu nAlona.

2 Sunda Hamuleinid’a 14:11

Ma didina mi dur suma Etiyopi-na avok Asa ki suma Juda-na; suma Etiyopi-na a wet ringâ.

Sawal la giled’a 109:27

Ar a wala ni ang Ma didina ba, lahle ndazina kan kabongû.

Wana ni Zla d’a Djivi d’a Luc mi b’irita 11:8

An nga ni dagiya, mam mba mi tchol akulo kayambala mam mi banama d’a d’i. Wani kayam sek ka banam mi segema ped’eta, mam mba mi tchol mi hum vama mam minima.

1 Samuel 17:46

Ma didina nga mi hang ini abonu; an nga ni tchangû, an nga ni ngad’ang yang ngeyo, an nga ni he ini mad’a azigar suma Filistê-na maluweina kambureina. Ata yi máma suma pet a mba wala Israel-lâ a nga kAlona.