1 Amuleina 18:27 - Bible azumeina

²⁷ Kid’a afata tchol falei d’ad’ara, Elie mi nde mi lazizi ala: Agi eregi ad’ugi akulo ad’enga, kayam mam mi alona! Nga mi djib’er yam va kla, mi i kel kla, mi i nakoid’a kla! Dam mi burî sena kla, agi i zlid’igiziya!

1 Amuleina 18:27 ပူးပေါင်းရင်းမြစ်များ

1 Amuleina 18:26

A vamuhl ma a hazizina, a minim yam yima ngal ahle suma ngat buzuna, a nde tchen Bäl ki yorogo dei, a nga er ad’uzi akulo ala: Bäl, Bäl, ang hulongômi humba! A le gak afata tchol faleya. Wani sama hulongôzi zla tu pî nga d’i. Wani azi nga pir akulo, a nga pir akulo, a nga ngui yima ngal ahle suma ngat buzu ma azi minima.

1 Amuleina 18:28

Azi er ad’uzi akulo ad’enga d’igi azi nga le avok dei na, a ngat tazi ki mbuguyona kasubiyona yam hat mazid’a gak buzuna nga mi djang atazi kä.

1 Amuleina 22:15

Ata yima mi mba gen amulîna, amulâ Ahap mi djobom ala: Mise, djivid’a ami imi dur ayîna á hlazì ma Ramot ma Galät-na d’oze ami imi d’uo zu? Mise mi dum ala: Ang iya! Ang mba kuza, Ma didina mba mi hangzi abongû! Ang mba kus kamu!

2 Sunda Hamuleinid’a 25:8

Le ang i wa ki sed’eziya, le ang mba tchol ad’enga kur ayî ma durâ pî, Alona mba mi kang aseng azlard’eîd’a avok mang suma djangûna, kayam Alona mi nga kad’enga á ndjun sana, mi nga kad’enga á kam asem azlard’eîd’a mi.

Sawal la giled’a 121:4

Gola! Mam mi ma ngom Israel-lîna, iram nga d’i lum sen ndi, nga mi bur sen nduo mi.

Sawal la giled’a 39:3

Kayam ndata, an ka’î d’igi sama ndumîd’a na bei de zlad’a. Le an noî á de zla d’a djivid’a pî, pupuluk manda nga d’i i avogovogo.

Sawal la giled’a 44:23

Wani ni kayam ang ba, a nga tchami burâ ki burâ, a nga golomi d’igi tumiyô suma a izi ata yima ngatina na.

Isai 41:23

Agi dami zlad’a yam vama le sä avin deina kayambala ami wami ala agi nalona d’a. Agi lagi vama djivina d’oze vama tchona kayambala ami wamizi zlapa tu ki sed’egiya d’a.

Isai 51:9

Ma didina, ang zlit akulo atogo zak kad’eng manga, ang zlit akulo d’igi ang zlit adjeu kur atchogoi d’a kal lei dedeid’a na. Ni ang ba, tchi ambur ma Ezipte-na, ang tchok ambur ma a yum ala Dragon ma kur alum ma ngolîna mbilâ mi d’uo zu?

Ezekiyel 20:39

Agi Israel-lâ, Salad’a Ma didina mi dala: Agi igiya, ar nge nge pî mi i tuwal filei mama! Wani bugola, agi mba humunu, agi mba mbud’un simiyên ma bei tchod’a ndjendjed’a ki he d’a hawa d’a agi nga hat mi filei maginid’a d’uo d’a.

Matiye 26:45

Mi hulong mi mba gen mam suma hata, mi dazi ala: Ki tchetchemba, agi nga burugi sena, agi tugugi tagi tua! Gola! Yina mba wa, a nga han an Gor Sana abo suma tchona.

Marik 14:41

Mi hulong mi mba yam á hindid’a, mi dazi ala: Ki tchetchemba, agi nga burugi sena, agi tugugi tagi tua! Yina ndak wa, yina mba wa go. Gola! A nga han an Gor Sana abo suma tchona.

Marik 7:9

Jesus mi dazi kua ala: Agi tchologi ad’enga ngingring yam hata hi simiyêgid’a. Agi aragi gata hAlonid’a woyo.