1 Amuleina 18:19 - Bible azumeina

¹⁹ Wani ki tchetchemba, ang tchuk sunda kur ambasa, kayam Israel-lâ pet a togï geven ka hî yam ahina d’a Karmel-la, zlapa ki suma kikis fid’i yam dok vahl suma a nga djok vun alo ma a yum ala Bäl-lâ ki suma kikis fid’i suma a nga djok vun alo d’a a yat ala Asera-d’a suma amula Jezabel nga d’i hazi tenina.

1 Amuleina 18:19 ပူးပေါင်းရင်းမြစ်များ

1 Amuleina 15:13

Mi pat asum ngolo Mäka woi kur amul mata, kayam ti yor fileina malo d’a a yat ala Asera-d’a. Asa mi he vuna ala a b’lak filei máma woyo, a ngalam mbei avun toliyon nda Kedron-nda.

1 Amuleina 16:33

Mi tin alo d’a a yat ala Asera-d’a kua. Ahle suma mam lazina pet, a zal hur Ma didina Alona hi Israel-lîna. Ahap mi le tchod’a kal amulei suma Israel suma a tamula avoroma pet.

1 Amuleina 18:20

Ahap mi tchuk sunda, mi yï andjaf Israel-lâ pet, mi togï suma djok vun ndazina yam ahina d’a Karmel-la mi.

1 Amuleina 18:22

Ata yi máma Elie mi dazi ala: An tu ni ma djok vuna hi Ma didina ma arâ, wani suma a djok vun Bäl-lâ a ni kikis fid’i yam dok vahl.

1 Amuleina 22:6

Amul ma Israel-lâ mi tok mam suma djok vun Alona, a ni go kikis fid’i, mi djobozi ala: Na ni an i dur ayîna á hleï azì ma Ramot ma Galät-na d’oze an i d’uo zu? Azi dum ala: Ang iya. Ma didina mba mi hang azì máma abongû.

2 Amuleina 10:19

Ar agi yagï suma djok vuna hi Bäl-lâ ki suma a kud’uroma ki suma a ngad’am buzunina pepet, a mbeï gevenu. Ar sa arza woi tu d’i, kayam an min le vun til ma ngolâ á ngat buzuna á subur Bäl. Sama ar bei mbad’ina, a mba tchum mbeyo! Jehu mi le ni lemba á tchi suma a kud’or Bäl-lâ woyo.

2 Amuleina 13:6

Hina pî, azi wal nga ki tcho d’a suma hi Jerobowam-ma a lat a zut ki Israel-lâ á le tchod’id’a woi d’i, a ar nga ahina d’a a tched’et ta a yat ala Asera-d’a nga tchola avo Samari tua mi.

2 Amuleina 2:25

Bugola, Elise mi i yam ahina d’a Karmel-la, mi tchol kua, mi hulong avo Samari.

2 Amuleina 3:13

Elise mi de mamul ma Israel-lâ ala: Vama ndolong ki sed’en ni me ge? Ang i djop suma djok vuna habungâ d’oze suma hasungâ. Amul ma Israel-lâ mi hulong dum ala: Nga na d’i! Ni Ma didina ba, mi yami ami amulei suma hindina ka hî á hami abo amul ma Mowap-ma.

2 Amuleina 9:22

Kid’a Joram mi mba go avok Jehu-d’a, mi djobom ala: Jehu, ang mba ni hawa ko zi ge? Jehu mi hulong dum ala: Ni kayam me ba, ang djobon hina ge? Ang we tetet ala nasung Jezabel ba, nga d’i i avogovok á kud’or alo ma teteng ma hawa ya’â ki kuma matna mi d’uo zu?

Nehemi 5:17

Suma a te tena avo hatana Juif-fâ ki suma avok suma ni kis yam dok vahl zlapa kandjaf suma ding suma a nguyumi suma a nga mba gevemina.

Sawal la kal teglesa 7:6

Ya’î tinda akulo d’igi ahina d’a Karmel-la na. Tumus sa kaka ni d’igi baru d’a hleud’a na, amulâ mi hak sä tam akulo ata ngangam ma ndak b’alam kuana.

Jeremi 23:13

Ma didina mi dala: An we sun nda ndjendjed’a aduk suma djok vun suma Samari-na, kayam a nga djok vun Bäl leyo, a vit man suma Israel-lâ woyo.

Jeremi 46:18

An amul ma simiyên ala Ma didin ma ad’engên kal petna na ni dala: An gun tan ki an ma bei matna ala: Ma djangûna nga djï d’igi Tabor ri nga akulo aduk ahuniyôna na, d’igi Karmel li nga akulo avun alum ma ngolâ na mi.

Amos 1:2

Amos mi dala: Ma didina nga mi to breîd’a kur Siyon, delem nga d’i nde woi avo Jerusalem. Yima te hatna hi suma polina mi lugod’a, hat ma yam ahina d’a Karmel-lina mi so woi mi.

Amos 9:3

Le azi i ngei akulo yam ahina d’a Karmel-la yat ta ked’iwurenga pî, an mba ni halazi kua, ni vigiziya; le a ngei iran kä kur alum ma ngolâ pî, an mba ni he vuna mi gugui ma aduk mbina kä na mba mi ed’eziya.

Josue 19:26

Alamalek, Amat ki Misal. Ti tinï Karmel ki Sihor-Libinat abo ma fladegena,

2 Pierre 2:1

Wani adjeu suma djok vun suma ka zlad’a a nga aduk suma. Hina mi, suma hat suma ka zlad’a a mba kal adigagi ki ngeid’a ki hat ta nga ata yat tuo d’a. Azi mba tin vunazi yam Salazi ma sud’uzina, a mba mba ki b’laka kazi atogo zak.

Vama ndum mbeina 19:20

Mi ve ambur máma ki ma djok vun ma ka zla ma lahle suma atchapma avoroma. Nahle suma atchap suma mi lop ki suma a ve nomrod’a hamburâ ki suma a kud’or vama a yoromzina. Mi ve ambur máma ki ma djok vun ma ka zlad’a, mi tchuguzi karid’a kur apo d’a aku d’a bibiliu d’a ngal ki sufred’id’a.

Vama ndum mbeina 2:20

Wani vama an mining nguo kama ba wana, kayam ang ar Jezabel, atcha d’a nga d’i yi tat ala ndat ni d’a djok vun Alona d’a, ti nga d’i vit man suma sunda woyo, nga d’i had’azi á le mizeuna, á tahle suma a tuwal ki fileinina mi.

1 Samuel 15:12

Ki yorogo tcholola mi i á ngaf ki Saul. Mi hum ala Saul mi i wa Karmel, mi pahinad’a á yï simiyêmu, mi tchol mi i Gilgal.