1 Amuleina 18:18 - Bible azumeina

¹⁸ Elie mi hulong dum ala: Ni an ba ni mba ki ndaka yam Israel-lâ d’i; ni ang ki simiyêngû, kayam agi gagi nga yagi kä ad’u vun ma hed’a hi Ma didinina d’i. Wani agi igi lagi sunda malo ma a yum ala Bäl-lâ.

1 Amuleina 18:18 ပူးပေါင်းရင်းမြစ်များ

1 Amuleina 16:31

Mi golî d’igi ni vama akid’eina iram na á tit bugol tcho d’a Jerobowam Nebat goroma d’a mi lata, mi i ve ni Jezabel Etbäl amul ma Sidon-na goromba, mi nde le sunda malo ma a yum ala Bäl-lâ, nga mi kud’urom mi.

1 Amuleina 16:32

Mi min gong nga kud’ora mi Bäl avo Samari, mi min yima ngal ahle suma ngat buzuna kua mi.

1 Amuleina 21:25

Sama mi he tam mbei á lahle suma tchona avok Ma didina d’igi Ahap ma amamba Jezabel ti zud’um á le tchod’a na na nga d’i.

1 Amuleina 21:26

Mam lahle suma ndjendjed’a, mi kud’or fileina d’igi suma Amor suma Ma didina mi digizi woi á ar yina mi Israel-lîna na.

1 Amuleina 9:9

Azi mba hulong dazi ala: Ni kayamba Israel-lâ a ar Ma didina Alo mazi ma mi buzugï abuyozi ngolo woi kur andaga d’a Ezipte-d’ina woi d’a. Ni kayamba azi i bugol alo ma dingâ teteng á lum sunda, á grif kä avorom á kud’uromba. Ni kayam ndata ba, Ma didina mi mbazi ndak ndata kazi wana!

2 Sunda Hamuleinid’a 15:2

Mi nde mi i fe Asa, mi dum ala: Amulâ Asa, agi ki suma Juda-na ki suma Benjamin-na pet, agi humugiya! Ata yima agi nga ki Ma didinina, mam nga ki sed’egiya. Le agi halamu ni, agi mba fumu. Le agi aram mbeyo ni, mam mba mi aragi woi mi.

2 Sunda Hamuleinid’a 28:19

Ma didina mi hulong yam suma Juda-na kä, kayam Ahas amul ma Israel-lâ mi mba ki batranga aduk suma Juda-na, mi le sun nda ata yat tuo d’a avok Ma didina.

Zla d’a d’ogolâ 11:19

D’ingêra ti i ki sana ni kur arid’a, wani sama nga mi tit bugol tchod’ina, mi i ni kur matna.

Zla d’a d’ogolâ 13:21

Ndaka nga d’i dik bugol suma le tchod’a, wani djivid’a nga d’i wurak suma d’ingêrâ.

Zla d’a d’ogolâ 28:4

Suma a nga tit yam gata d’uo na, a nga läd’u sama asa’atna, wani suma a nga tit yam gatina a ka’î djangûna ki sed’emu.

Zla d’a d’ogolâ 5:22

Sama asa’atna nga mi ve ki tcho mam mba mi lata, ziyo matna nga mi vum mi.

Isai 3:11

Wani ni zla d’a hohoud’a yam sama asa’atna! Mam mba mi fe ndaka, kayam a mba wuragam yam sun nda mam tam mi lat kabomba.

Jeremi 2:13

Kayam sum mana a le tchod’a yazi mbà. Nala, a aran an mala ni mbiyo ma lau ma arina na woyo, a ka golongeî suma ndak nga á ve mbina d’uo na kam kua kam kua ki tazi vazi mi.

Jeremi 2:19

Salad’a Ma didin ma ad’engêm kal petna mi dala: Nasa’at magid’a ba, ti togiya, ni djib’er magi d’a afefeta ba, ti ngobogiya. Ar agi wagi woi tetet ala ni vama tcho ma aglarâ á noyôn an Ma didina Alo magina woi á lan mandaran nduo d’a.

Jeremi 23:13

Ma didina mi dala: An we sun nda ndjendjed’a aduk suma djok vun suma Samari-na, kayam a nga djok vun Bäl leyo, a vit man suma Israel-lâ woyo.

Jeremi 38:4

Suma nglona a de mamulâ ala: Sa máma mi ndak á tchid’a, kayam ni mam ba, nga mi tchuk suma dur ayî suma a ar kaka kur azì ma ngol ma wana zlapa kablau d’a peta tazi susub’ok ki zla mam mba de d’a hina d’a. Sa máma nga mi halî djivi d’a yam sumid’a d’i, wani mi hal nala ndaka ti mba kaziya.

Ezekiyel 3:8

Gola! An nga ni hang ad’enga, ang mba tchol avorozi irang ngei mbelel. An nga ni hang yam mba ad’enga, ang mba tchol avok yam mba ad’eng mazid’a mi.

Matiye 14:4

Kayam Jean mi dum teteu ala: Gat meid’a ti arang nga lovota á vat ti.

Sunda hi suma a sunuzinid’a 24:13

Azi ndak á fe vama tak abu ala zla d’a azi nga tchugut kanda ni zla d’a gagazid’a na d’i.

Sunda hi suma a sunuzinid’a 24:20

D’oze ar sum ndazina tazid’a a de vama tcho ma azi wum an lum ata yima an nga tchola avok suma b’ak zlad’a hi Juif-fîd’ina.

Gat ta a hat á mbàd’id’a 31:16

Ma didina mi de mi Moise ala: Gola! Ang nga mid’a. Sum ndazina a mba mbut tazi gaulangâ kalona handjaf suma ding suma kur ambas sa azi nga kal kurut wanda, a mba aran ndeyo, a mba but vun ma djin ma an djinim ki sed’ezina woi mi.

1 Samuel 14:29

Jonatan mi hulong dum ala: Abun mi mba ni ndaka yam sum meina. Gola! An iran d’igil wana! Ni kayamba an te mbul ayumid’a.