1 Amuleina 17:18 - Bible azumeina

¹⁸ Asum mbi de mi Elie ala: Ang sana hAlonina, vama ndolon ki ang ni me ge? Ang mbeï avo hatan ná ge hum Alona yam tcho manda á tchan gorona woi zu?

1 Amuleina 17:18 ပူးပေါင်းရင်းမြစ်များ

Ad’u Tinda 44:16

Juda mi hulong dum ala: Sama ngolâ, ami dangî zla me d’ei ge? Zla d’a ami dat ta pad’ami zlad’a woi kamid’a nga zu? Alona mi ndäd’u tchod’a hi ami azungeî mangîd’a woi abua. Ami arami ni magumei mangâ zlapa ki ma ang fe kop mangâ kur bid’im mambina.

Ad’u Tinda 50:15

Kid’a Josef b’oziyoma a wala abuzi mit dad’a, a de tazi ala: Dam Josef mba mi noyôya, mba mi lei tcho d’a ei lumzi adjeud’a zu?

Ad’u Tinda 50:17

Agi i dagi zla manda mi Josef ala: An nga ni tchenengû, ar ang vat hurung ngei yam tchilad’a ki tchod’a hi b’oziyongîd’a. Ki tchetchemba, ami nga tchenengû, ang vat hurung ngei yam tchod’a hi ami azungeîna hAlona habungîd’a. Kid’a ma sunda mi de zla ndata mi Josef-fa, Josef mi tchiya.

2 Samuel 16:10

Amulâ mi hulong de mi Abisai ala: Agi Seruya grotna vama ndologi ki an ni me ge? Le mi ngulunu, le Ma didina mi dumî mam ala mi ngulunu ni, ni nge mba mi dum ala: Ni kayam me ba, ang le hina ge ge?

2 Samuel 19:22

Wani David mi de mi Seruya grotna ala: Vama ndologi ki an ni me tala agi mbud’ugi man suma djangûna d’a ge? Kur bur ma inina sana ndak á tchi sana aduk Israel-lâ zu? An we ini ala ni an ba ni tamula yam Israel-lâ d’uo zu?

1 Amuleina 12:22

Wani Alona mi de mi ma djogom vunama Semaya ala:

1 Amuleina 13:1

Wani Ma didina mi he vuna mi sa mama. Kayam ndata, mi tchol yam ambas sa Juda-d’a, mi i avo Betel. Ata yima mi mbazina, mi fe Jerobowam nga mi ngal ahle suma ngat buzuna akulo yam yima ngal ahle suma ngat buzuna.

1 Amuleina 17:17

Bugol burâ tcha, atcha ndata gorotna mi ve tugud’eid’a; tugud’ei mamba ad’enga heî gak mi mid’a.

1 Amuleina 17:19

Mi dat ala: Ndak hanï goro’â! Mi vumï adigad’u, mi djak akulo kur gong nga yam ndrata akulod’a ata yi mam ma burâ, mi gum kä yam azang mama,

1 Amuleina 18:9

Obadiya mi hulong dum ala: An le ni tcho me ba, ang zud’un mi Ahap á tchid’a ge?

1 Amuleina 20:28

Wani ma djok vun máma mi mba gen amul ma Israel-lâ kua, mi dum ala: Gola! Ma didina mi sununï ala: Suma Siri-na a dala: Ma didina nalo ma ahinad’a, mi nga nalo ma pid’a’â d’i. Kayam ndata, an nga ni hang azigar suma ablau ndazina pet abongû. Ata yi máma agi mba wagi ala an ni Ma didina.

2 Amuleina 1:9

Amulâ Ahaziya mi sun azigar ma ngol ma azigarâ abom dok vahlâ ala mi i ki azigar mama ata Elie. Azi mbaza, a djak akulo yam ahina d’a Elie mi nga kaka kuad’a. Ma ngol máma mi dum ala: Ma djok vun Alona, amulâ mi dala: Ang tchugï aseng kä.

2 Amuleina 3:13

Elise mi de mamul ma Israel-lâ ala: Vama ndolong ki sed’en ni me ge? Ang i djop suma djok vuna habungâ d’oze suma hasungâ. Amul ma Israel-lâ mi hulong dum ala: Nga na d’i! Ni Ma didina ba, mi yami ami amulei suma hindina ka hî á hami abo amul ma Mowap-ma.

2 Sunda Hamuleinid’a 35:21

Wani Neko mi ge sunda atam mi dum ala: Ang amul ma Juda-na, vama ndolong ki an ni me ge? An mba á dur ayîna ini nata ang ngi, wani nata suma ding suma a kak djangûna ki sed’ena. Alona mi dan ala an b’at tan atogo. Ar ang d’el Alo ma nga ki sed’ena tala mi tchang ngei d’uo d’a!

Wana ni mbaktumba hi Job-pa 13:23

Tchila manda ki tcho manda a ni ga ge? Ang tagan tchila manda ki tcho manda.

Wana ni mbaktumba hi Job-pa 13:26

Kayam ang b’ir zla d’a asa’ata kä kan á kak djangûna ki sed’enu, ang nga ndumun tchila man nda kazongôn deid’a kanu.

Ndumba 5:15

sa máma mi mba kamam ndata mi ma ngat buzuna zlapa ki he d’a hawa d’a afuta hawu orsînid’a. Mi vo mbulâ yam afut ndata d’i, mi vo dubang ma his djivid’ina kat tuo mi, kayam ni he d’a hawa d’a yam djib’er ra mbàmbàd’id’a, ni he d’a hawa d’a ge humba yam tchod’id’a.

Matiye 8:29

Wani sum ndazina a er ad’uzi akulo, a dum ala: Vama mi ndolong ki ami ni me ge? Ang Alona Goroma, ang mba ka hî á lami ndaka bei yina ndak su?

Marik 5:7

mi er ad’um tchina akulo ala: Vama mi ndolong ki sed’en ni me ge? Jesus Alo ma sä akulo ma kal teglesâ Goroma, an nga ni tcheneng ki simiyê Alona, ang lan ndaka d’i.

Marik 6:16

Wani kid’a Herot mi hum zla ndatid’a, mi dala: Ni Jean ma an ngad’am yama ba, mi tchol akulo aduk suma matna!

Wana ni Zla d’a Djivi d’a Luc mi b’irita 4:34

Hei, Jesus ma Nazarat-na, vama ndolong ki ami ni me ge? Ang mba á bami woi zu? An wang tetet, angî Ma bei tcho ma Alona sunungîna.

Wana ni Zla d’a Djivi d’a Luc mi b’irita 5:8

Kid’a Simon Pierre mi we hina d’a, mi grif kä avok Jesus, mi dala: Salana, ang aranu, kayam an ni sama tchona.

Wana ni Zla d’a Djivi d’a Luc mi b’irita 8:28

Ata yima mi we Jesus-na, mi er ad’um akulo, mi ge tam kä avoromu, mi dum ki delem mba ngola ala: Vama mi ndolong ki an ni me ge? Jesus Alo ma sä akulo ma kal teglesâ Goroma, an nga ni tchenengû, ang lan ndaka d’i.

Jean 2:4

Jesus mi dat ala: Asunu, vama ndolok ki an ni me? Yi mana ndak nga biya d’i.

Suma ka sariyad’a 13:6

Atcha ndata ti de mi ndjuvut ala: Sana hAlonina mi mbeï gevenu, iramî d’igi ir malaikana hAlonina na; ni vama mandarâ. An djobom nga ala: Ang tcholï ni lara ge d’i, mi tagan nga simiyêm mbuo mi.

1 Samuel 16:4

Samuel mi le d’igi Ma didina mi dum na. Kid’a mi i Betelehem-mba, suma nglo suma kur azinina a d’ugulomu, a nga ki mandarâ, a djobom ala: Ang mba ni hawa ko zu?