1 Amuleina 17:17 - Bible azumeina

¹⁷ Bugol burâ tcha, atcha ndata gorotna mi ve tugud’eid’a; tugud’ei mamba ad’enga heî gak mi mid’a.

1 Amuleina 17:17 ပူးပေါင်းရင်းမြစ်များ

1 Amuleina 17:16

Afut ta kur deinid’a ti dap puo mi na, mbul ma kur gugurina mi dap puo d’igi Ma didina mi de mi Elie na.

1 Amuleina 17:18

Asum mbi de mi Elie ala: Ang sana hAlonina, vama ndolon ki ang ni me ge? Ang mbeï avo hatan ná ge hum Alona yam tcho manda á tchan gorona woi zu?

Wana ni mbaktumba hi Job-pa 12:10

Arid’a hahlenid’a pet nabomu, muzuka hi sumid’a pet nabom mi.

Wana ni mbaktumba hi Job-pa 34:14

Le nga mi djib’erî yam mam tamba, le nga mi hulong muzuk mamba ni,

Sawal la giled’a 104:29

Le ang mbud’uzi azigangû ni, azi mbut mandarâ; le ang d’el muzuk mazid’a ni, azi mba bo, azi hulong mbut nandaga d’a gugud’upa.

Daniel 5:23

Wani ang hle yang akulo avok Alo ma sä akulona, ang yo kop ma a tinim iram vam ma kur gong mam mba kud’orina, ang ki mang suma nglona, amiyôngâ kamiyông suma gureina, agi tchagi ki süm guguzlud’a. Bugola, ang gile alo ma a lumî ki kawei ma hapma, ki lora, ki ma kawei ma hleuna, ki ma kawei ma wurana, kaguna kahinad’a suma a nga we d’i, a nga hum mbi, a nga wad’ud’a d’uo mi na. Ang subur nga Alo ma muzuk manga ki sun mang nga led’a pet nga aboma d’i.

Zakari 12:10

Ata yi máma an mba ni vo muzuk ma suma ma hud’a yam andjafâ hi David-na, yam suma Jerusalem-ma. Azi mba mbut irazi kanu, azi mba tchi hor ra sama a tchogoma d’igi a tchi horâ gor ma abo abum tuna na, a mba tchi tchi ma hat hurâ kam d’igi a tchi yam gor ma a vud’um avo’â na mi.

Jean 11:14

Kayam ndata, Jesus mi dazi woi mbak ala: Lazar mi mit wa.

Jacques 1:12

Sama ve tam ad’enga kur kukina, mi le furîd’a ata yima mi ve tam ad’enga kur kuk mambina, mba mi fe avaval la bei b’lak ka Salad’a mi hle vunam kat mi suma a nga le kamid’a.

Jacques 2:26

Le sana nga mi muzuk kuo ni, mi ni matna. Hina mi, he gagazi d’a bei sunuta ni matna.

1 Pierre 1:7

Hina, kuk ndata mba d’i tak djivid’a hi he gagazi magi d’a guzut kal lor ra b’lak kei d’a nga a kugut kakud’id’a woyo. Hina, he gagazi magi d’a guzut kal lorid’a a nga kugut hina á wad’eng mata. Hina wani, fata Jesus Christ mba mi nde woid’a, Alona mba mi gilegiya, mba mi suburugiya, mba mi hugi mi.

1 Pierre 4:12

Buniyôn suma od’a, ar agi lagi atchap yam kuk ka ad’eng nga nga d’i kugugid’a d’i. Agi gologizi ni d’igi vama atchapma na d’uo mi.