1 Amuleina 15:27 - Bible azumeina

²⁷ Ata yi máma Bäsa Ahiya gorom ma ad’u andjafâ hi Isakar-râ, mi ndjak vunam ki suma dingâ á dur ayîna ki Nadap. Ata yima Nadap ki azigar suma Israel-lâ a ngui azì ma Gibeton ma Filistê-na durîna, Bäsa mi tchum ata yi máma.

1 Amuleina 15:27 ပူးပေါင်းရင်းမြစ်များ

1 Amuleina 14:14

Wani Ma didina mba mi man amulâ yam Israel-lâ, ni mam ba, mba mi dap suma avo hi Jerobowam-ma woyo. Ki tchetchemba, an de nana d’ei ge?

1 Amuleina 15:28

Ahle ndazina a le ni kur biza d’a hindi d’a Asa nga mi tamula yam suma Juda-nid’a. Ata yi máma Bäsa mi vrak tamula balum Nadap.

1 Amuleina 16:10

Zimri mi kal kua, mi tchumu; ahle ndazina a le ni kur biza d’a dok mbà yam kid’iziya d’a Asa nga mi tamula yam suma Juda-nid’a. Zimri mi vrak tamula balum Bäsa.

1 Amuleina 16:15

Kur biza d’a dok mbà yam kid’iziya d’a Asa nga mi tamula yam suma Juda-nid’a, Zimri mi kak amula avo Tirsa, mi le burâ kid’iziya. Azigar suma Israel-lâ a ve nga anguvora á dur ayîna kazì ma Gibeton ma nga kur leud’a hi Filistê-nid’a.

1 Amuleina 16:16

Kid’a azigar ndazina a hum ala Zimri mi ndjak vunam ki suma dingâ, mi dur kamulâ, mi tchumu d’a, ata yi máma hina wat azi pet a pat Omri ma ngolâ hi azigarîna, a tinim amula yam Israel-lâ.

1 Amuleina 16:17

Ata yi máma Omri ki azigar mama pet a ar azì ma Gibeton-na, a i kak sä Tirsa.

1 Amuleina 16:7

Ata yima Ma didina mi de zlad’a mi ma djogom vunama Jehu Hanani goroma á de zlad’a mi Bäsa-d’ina, mi dumî yam zlad’a mbà: D’a avoka, ni yamba Bäsa ki sum mama a le tchod’a avok Ma didina, a zalam hurum ki tcho mazi d’a led’a d’igi suma hi Jerobowam-ma na d’a; D’a mbàd’a, ni yamba Bäsa mi tchi andjafâ hi Jerobowam-ma woyo.

1 Amuleina 16:9

Azong mama a yum ala Zimri, ni ma yam pus ma dur ayî ma hiuna, mi ndjak vunam ki suma dingâ á dur ayîna ki sed’emu. Wani amulâ Ela mi nga navo Tirsa avo hi Arsa ma yam azì ma amulina, nga mi tche, nga mi gurud’a.

2 Amuleina 12:20

Mam suma nglona a ndjak vunazi á kak djangûna ki sed’emu. Suma dingâ mbà adigaziya, ma hina a yum ala Jozakar ni Simat goroma, ma hina a yum ala Jozabat ni Somer goroma, a tom a tchum avo Milo go ki lovot ta djak kä i Sila-d’a. Suma Juda-na a tozom gen simiyêm kur Azì ma ngolâ hi David-na. Goroma Amasiya mi vrak tamula blangâmu.

2 Amuleina 9:14

Kur biza ndata azigar suma Israel-lâ pet a nga ngom azì ma Ramot ma Galät-na abo Hazayel amul ma Siri-na. Ata yima amulâ Joram nga mi dur ayîna ki Hazayel-lâ, azigar suma Siri-na a gum mbilâ. Kayam ndata, mi i avo Jisreyel á tchil mbilimu. Jehu Josafat goroma Nimsi gorom ngolona mi ndjak vunam ki suma dingâ á dur ayîna ki Joram. Mi de mi ndrom azigar suma nglona ala: Le agi minigi tagi á ndjununu ni, agi gologi tagi djiviya, ar sa mi i ki zla d’a ei minit ka hid’a á dat mi suma avo Jisreyel-lâ d’i.

2 Sunda Hamuleinid’a 24:25

Kid’a azi lum ndaka ngola da d’a, a tchuk tazi a iya, azungeî mama a ndjak vunazi kam á tchum yam tchi d’a mi tchi ma ngat buzuna Jehojada goromid’a. A i tchum yam azang mama, mi mid’a. A tozom kur Azì ma ngolâ hi David-na, wani a tozom nga zlapa kamuleina d’i.

Josue 19:44

Elteke, Gibeton, Bälat,

Josue 21:23

Andjafâ hi Dan-na a hazì ma Elteke-na ki yima huyogoma, kazì ma Gibeton-na ki yima huyogoma,