1 Amuleina 15:20 - Bible azumeina

²⁰ Ben-Hadat mi ve zlad’a hi Asa-d’a, mi sun azigar mam suma nglo suma ad’engâ. A ngruf azì ma Israel-lâ durâ, a dur Ijon ki Dan ki Abel-Bet-Mäka kazì ma avun apod’a Kinerot-tina kambas sa Neftali-d’a pet mi.

1 Amuleina 15:20 ပူးပေါင်းရင်းမြစ်များ

Ad’u Tinda 14:14

Ata yima Abram mi hum ala a ve wa wiyema goroma, a hurumum wa mi na, mi b’rau ahle suma dur ayîna mi suma a vut avo hatama, azi pet ni kikis hindi yam dogo yam klavandi; azi halazi ad’uzi gak a fazi sä avo Dan.

1 Amuleina 12:29

Jerobowam mi tin ma hina avo Betel, mi tin ma hina avo Dan mi.

1 Amuleina 20:1

Ben-Hadat amul ma Siri-na mi tok azigar mama pet, mi yo amuleina ad’um dok hindi yam mbà kakulumeina ki pus ma dur ayîna teteng, mi i ngui azì ma ngol ma Samari-na á durâ.

1 Amuleina 20:34

Ata yi máma Ben-Hadat mi de mi Ahap ala: An min hulongông azì mang ma abun hluma. Ang i gus ahligiyeng ngei kur Damas d’igi abun mi gus mamina woi kur Samari na mi. Ahap mi dum ala: Ar ei djini vuneya. Bugola, an arangû. Azi djin vunaziya, mam aram mi iya.

2 Amuleina 15:29

Kur atchogoi d’a Peka amul ma Israel-lâ nga mi tamulid’a, Tiglat-Pileser amul ma Asiri-na, mi mba mi hlazì ma Ijon-na, Abel-Bet-Mäka, Janowa, Kedes, Hasor kambas sa Galät-ta ki d’a Galile-d’a kandaga d’a Neftali-d’a pet. Mi yo suma kuruzina pet, mi izi Asiri.

Josue 11:2

Mi ge sunda ata amulei suma a nga kaka yam ahinad’a abo ma norâ kä kur hor ra Jurdê-d’a abo ma sutna hapo d’a Kineret-ta kä ata yima ligitim ma go ki Dor abo ma fladegenina,

Josue 12:3

Mi te yam abo alum ma Jurdê ma abo ma yorogona tinï ad’ud’a avun apo d’a Kineret-ta abo ma norâ gak mba kur apo d’a Matna d’a go ki Bet-Jesimot-ta gak i abo ma sutna kur azì ma nga kä ad’u ahina d’a Pisga-d’ina.

Josue 19:39

Wana nandaga d’a a hat djona mandjafâ hi Neftali-na ad’u adezezi ad’u adezezi zlapa kazì ma nglona kazì mazi ma gureina mi d’a.

Suma ka sariyad’a 18:29

Azi yazì ma ngol máma ala Dan ki simiyê abuzi Dan ma a vud’um mi Israel-lîna. Wani avok a yazì ma ngol máma ala Layis.