1 Amuleina 14:6 - Bible azumeina

⁶ Kak hina ndjö wani, Ahiya mi humut aset ma tita avun aziyamu, mi de ki delem akulo ala: Atchad’a hi Jerobowam-mba, ndak kalïya! Ni kayam me ba, ndak mbut tak d’igi atcha d’a dinga hina na ge? Kayam ndata, an nga ki zla d’a ad’enga á daksiya.

1 Amuleina 14:6 ပူးပေါင်းရင်းမြစ်များ

1 Amuleina 14:2

Ata yi máma Jerobowam mi de mamamba ala: Ndak mbut tagu, ar a wak ala nda’î amanda d’i. Bugola, ndak i Silo ata yima Ahiya ma djok vun Alona mi sä kuana; ni sama mi dan ala an mba ni tamula yam Israel-lâ na.

1 Amuleina 14:5

Wani Ma didina mi dum ala: Atchad’a hi Jerobowam-mba nga d’i mba, mba d’i mbut tat atcha d’a dinga, mba d’i djobong yam gorot ma nga tugud’eid’ina. Ang hulongôt humba hina hina.

1 Amuleina 14:7

Ndak hulong de mi Jerobowam ala: Wana ni zla d’a Ma didina Alona hi Israel-lîna mi data: Ni an ba ni tining aduk suma, ni an ba ni tining avok man suma Israel-lâ mi.

1 Amuleina 20:42

Ma djok vun máma mi dum ala: Gola! Ma didina mi sununï ala an dang ala: An hang amul ma Siri-na abong ala ang tchumu, wani ang aram bei tchid’a. Kayam ndata, ni ang tanga ba, mba mit blangâmu, sum mangâ a mba bo balum sum mama mi.

1 Amuleina 22:8

Amul ma Israel-lâ mi dum ala: Ma dingâ tu mi nga ka hî, a yum ala Mise ni Jimla goroma, ni ma ndak á djop Ma didina atama. Wani an minim mbi, kayam mam nga mi djogon vun ma djivi d’i; mi djogon ni vun ma tchona burâ ki burâ. Josafat mi dum ala: Amulâ, ar ang de hina d’i!

Wana ni mbaktumba hi Job-pa 5:13

Nga mi vik suma ned’a kur lem mazid’a, nga mi b’lak d’alâ hi suma wed’a heîna woi mi.

Sawal la giled’a 33:10

Ma didina nga mi b’lak zla d’a andjaf suma a minita woyo, nga mi b’lak vama suma a ngam kuruzi á led’ina woi mi.

Zla d’a d’ogolâ 21:30

Ned’a d’oze wad’ud’a d’oze d’alâ ma kak djangûna ki minda hi Ma didinid’ina nga d’i.

Marik 14:21

Gagazi, an Gor Sana nga ni i á matna d’igi a b’ir kan kur mbaktumba hAlonid’a na, wani ni zlad’a hohoud’a yam sama kol ma mba mi han an Gor Sana abo sumina. Sa máma, ladjï a vud’um mbuo pî ni, hotei.

Hebre-na 4:13

Vama ndak á ngei tam avok Alona nga d’i, wani ahle suma Alona mi lazina a ni woi pid’ak avok mam Ma ei mba i ki zla meid’a avoroma.

1 Samuel 15:16

Samuel mi de mi Saul ala: Ang bä! An nga ni dang vama Ma didina dandji kur andjege d’a kamid’ina. Saul mi dum ala: Ang dë.

1 Samuel 15:26

Samuel mi hulong dum ala: An nga ni i ki sed’eng ngi! Kayam ang ge vun ma hed’a hi Ma didinina woyo, Ma didina mi gang wa woi mi, kayam ang kak amula yam Israel-lâ d’uo d’a.

1 Samuel 28:18

Kayam ang ge nga yang kä ad’u vun ma hed’a hi Ma didinina d’i, ang dap nga suma Amale’â woi á vad’am hurum mbi. Ni kayam ndata ba, Ma didina nga mi le ki sed’eng ini wana.