1 Amuleina 14:23 - Bible azumeina

²³ Azi min yina ata yima ndingâ, a tchet ahinad’a, a tinit akulo yam ahuniyô suma djodjohlâ kad’u agu ma d’uf ma lara ge pet mi.

1 Amuleina 14:23 ပူးပေါင်းရင်းမြစ်များ

1 Amuleina 12:31

Jerobowam mi min gong nga kud’ora ata yima ndingâ, mi man suma ngat buzuna aduk suma a nga nandjafâ hi Levi-na d’uo na.

1 Amuleina 14:15

Ma didina mba mi to Israel-lâ, a mba giget d’igi ped’eu d’a avun mbinid’a na. Ma didina mba mi yozi woi yam andaga d’a djivi d’a mi hat mabuyozi ngolod’a, mba mi ndjoyôzi woi abo hî avun alum ma Efrat-na. Wana ni vama mba mi mba kazina, kayam azi yor alo ma dingâ á zal hur Ma didina.

1 Amuleina 15:12

Mi dik andjuvei suma gaulangâ karop suma gaulangâ woyo, mi b’lak filei ma abuyom ngolo a yoroma woi pet mi.

1 Amuleina 20:23

Wani suma sunda hamul ma Siri-na a de mi salazina ala: Alona hi Israel-lîna nalo ma ahinad’a. Ni kayam ndata ba, azi kalei kad’enga wana, wani le ei duruzi woi pid’agi ni, gagazi, ei mba kalazi kad’enga.

1 Amuleina 3:2

Suma a nga hahle suma ngat buzuna nata yima teteng ma akulo ndingâ, kayam Salomon nga bei min gong nga kud’ora hi Ma didinid’a tua.

1 Amuleina 3:3

Salomon tamba mi le yam Ma didina, mi nga tit yam vun ma he ma abum David mi humzina. Wani mi hahle suma ngat buzuna mAlona ki dubang ma his djivid’ina nata yima teteng ma akulo ndingâ.

2 Amuleina 10:26

A yoï ahina d’a tchet ta kur gonga hi Bäl-lid’a woi abua, a ngalat tei kakud’a.

2 Amuleina 16:4

Mi hahle suma ngat buzuna ki dubang ma his djivid’ina yam yima ndingâ, yam ahuniyôna, ad’u agu ma lara ma angusâ mi.

2 Amuleina 17:16

Azi ar vun ma hed’a hi Ma didina Alo mazinina woi pet, azi yor lora gro amuzleina mbà, azi min agu ma murgulina malo d’a a yat ala Asera-d’a, azi grif kä a kud’or ahle suma akulona pet, azi le sunda malo ma a yum ala Bäl-lâ mi.

2 Amuleina 17:19

Wani suma Juda-na tazid’a pî a ge nga yazi kä ad’u vun ma hed’a hi Ma didina Alo mazinina d’i, azi hle ni zla d’a Israel-lâ a lata.

2 Sunda Hamuleinid’a 24:18

A ar gong nga kud’ora hi Ma didina Alona habuyozi ngolonid’a woyo, a i kud’or alo d’a a yat ala Asera-d’a ki fileina mi. Ata yi máma Ma didina hurum zal yam suma Juda-na ki suma Jerusalem-ma, kayam a mbut tazi tchod’a avoromu.

2 Sunda Hamuleinid’a 28:4

Mi hahle suma ngat buzuna ki dubang ma his djivid’a yam yima ndingâ, yam ahuniyôna, ad’u agu ma lara ma angusâ mi.

Buzuk ka Abud’a 34:13

Wani agi pleyêgi yi mazi ma teteng ma ngal ahle suma ngat buzuna woyo, agi togi filei mazi ma teteng ma tcheta woyo, agi kuzugi filei mazi ma a lum tetengâ woi mi.

Isai 57:5

Agi ni suma hologi tagi ad’u atchinda ad’u agu ma lara ge ma angusîna d’uo zu? Agi ni suma a nga ngad’agi grogina kä kur hora angra ahuniyônina mi d’uo zu?

Jeremi 17:2

Wani grozina a nga djib’er yam yi mazi ma ngal ahle suma ngat buzuna mi fileinina teteng, yam agu mazi ma tchet ma a pum malo d’a a yat ala Asera-d’a teteng ma go kagu ma angus ma akulo yam yima ndingîna teteng mi.

Jeremi 2:20

Ma didina mi dala: Agi kuzugi djuk ma kelegina woi nadjeu dei, agi bud’ugi vun ma djin ma adigeina woyo, agi dagi ala: Ami min lang sunda d’uo d’a. Kayam ndata, agi igi akulo yam yima ndingâ, ad’u agu ma lara ma angusâ agi grivigi kä ad’um á mbud’ugi tagi gaulangâ mi.

Jeremi 3:13

Mi de kua ala: Vama djivina ar agi wagi tcho magid’a, ar agi wagi ala agi sogi vunan an Ma didina Alo magina, agi walagi woi ki sed’enu, agi i zlabagi kalo ma dingâ ad’u agu ma angus ma lara, agi humun nga vunan ndi.

Ezekiyel 6:13

Azi mba wala an ni Ma didina ni fata mad’azi mba mi tchuk kä aduk filei mazi ma tetengâ gen yi mazi ma ngal ahle suma ngat buzu ma tetengâ, yam yi mazi ma nding ma lara, yam ahuniyô suma fuyogei suma lara, ad’u agu ma lara ma angusâ, ad’u agu sen ma d’uf ma lara ma guguluîna, ata yima azi ngal dubang ma his djivid’ina mi filei mazina kuana pet.

Ezekiyel 6:3

ang dazi ala: Agi ahuniyô suma Israel-lâ, agi humugi zlad’a hi Salad’a Ma didinid’a. Nga mi dagi agi ahuniyô suma nglona ki yima ndingâ ki b’irlima ki hora ala: An tanda mba ni mba kayî ma durâ yam suma a nga kaka kagina, an mba ni b’lagazi yi mazi ma akulo ndingâ woi mi.

Ezekiyel 6:6

Agi Israel-lâ, ata yima lara ma agi mba kagagi kuana, a mba b’lagagi azì magi ma nglona woyo. Yi magi ma ngal ahle suma ngat buzu ma tetengâ mba mi ar djona, filei magi ma tetengâ mba mi b’lak keyo, filei magi ma tetengâ mafata a mba tom kä woyo, sun magi d’a teteng nga agi lat kabogid’a mba d’i dap pei mi.

Wana ni mbaktumba hi Oze-d’a 10:1

Adjeu Israel-lâ a ni guguzlu d’a djivid’a vut heîd’a. Le d’i vut ngola kala ni, a min yima ngal ahle suma ngat buzuna ablaud’a kal mi. Le ambas mazid’a ti mbut ambas sa djif fa heî d’a kala ni, azi tin ahle suma ge humba teteng kal mi.

Sunda hi suma hi Levi-nid’a 26:1

Ma didina mi de kua ala: Agi lagi fileina d’i, agi tinigi angus va avorogi d’i, agi tched’egi va d’uo mi. Agi tinigi ahina d’a djif fa hle tat d’igi angus va hina d’a kur ambas magid’a á kud’urogizi d’i, kayam an ni Ma didina Alo magina.

Mise 5:14

An mba ni hlatchugulun kayîna ki hurun ma zal ma gugulu’â kandjaf suma a nga humun vunan nduo na.

Gat ta a hat á mbàd’id’a 12:2

Moise mi de kua ala: Agi pleyêgi yima andjaf suma agi nga digizi woi wana a nga kud’or alo mazina kuana woyo, nala, yima yam ahuniyô suma fuyogeinina, yima yam ahuniyô suma djodjohlîna ki yima ad’u agu ma d’ufina pet mi.

Gat ta a hat á mbàd’id’a 16:22

Agi pagi ahina d’a fileina gevem mbuo mi, kayam ni vama Ma didina Alo magina nga mi minim mbuo na.