1 Amuleina 14:21 - Bible azumeina

²¹ Kid’a Robowam Salomon goroma mi kak amula yam suma Juda-nid’a, bizamî dok fid’i yam tu. Asum a yat ala Näma, ni d’a Amon-nda. Mi tamula avo Jerusalem bizad’a dogo yam kid’iziya. Nazì ma ngol ma Ma didina mi manam kur ambas sa Israel-la pet á kak aduk sum mama kuana.

1 Amuleina 14:21 ပူးပေါင်းရင်းမြစ်များ

1 Amuleina 11:1

Salomon mi vamul ma Ezipte-na goromba, mi vik andjaf suma dingâ grozina ablaud’a; mi vik arop suma Mowap-ma, suma Amon-na, suma Edom-ma, suma Sidon-na ki suma Het-na mi.

1 Amuleina 11:32

An mba ni aram andjafâ tu, kayam azong mana David, kayam Jerusalem azì ma ngol ma an manam aduk andjafâ hi Israel-lâ petna mi.

1 Amuleina 11:36

Wani an mba ni ar andjafâ mi goroma tu, kayam zla azong mana David ad’u andjavam mi tamula avoron teteu avo Jerusalem kur azì ma an manam á kak adigazi kuana.

1 Amuleina 11:43

Salomon mi mit mi i azulei kä ad’u abuyom ngolo. A tozom kur Azì ma ngolâ habum David-na. Goroma Robowam mi vrak tamula blangâmu.

1 Amuleina 12:17

Wani Robowam mi tamula ni yam Israel suma a nga kaka kur azì ma nglo ma Juda-nina hol.

1 Amuleina 14:20

Jerobowam mi tamula bizad’a dok mbà yam mbà, mi mit mi i azulei kä ad’u abuyom ngolo. Goroma Nadap mi vrak tamula blangâmu.

1 Amuleina 14:31

Robowam mi mit mi i azulei kä ad’u abuyom ngolo. A tozom gevezi kur Azì ma ngolâ hi David-na. Asum a yat ala Näma, ni d’a Amon-nda. Goroma Abiyam mi vrak tamula blangâmu.

1 Amuleina 22:42

Kid’a Josafat mi kak amulid’a, bizamî dok hindi yam vahl. Mi tamula avo Jerusalem bizad’a dok mbà yam vahl. Asum a yat ala Azuba, ni Sili goromba.

1 Amuleina 8:16

Dedei d’a an buzugï Israel-lâ sum mana woi yam ambas sa Ezipte-d’a, an man nga azì ma ngol tu aduk andjafâ hi Israel-lîna á min gong nga simiyên mba mi yi kuad’a d’i. Wani an manang ang David á tamula yam man suma Israel-lâ.

1 Amuleina 8:29

Ang mal irang ngei ang gol gong ndata ki djivid’a andjege ki faleya. Ni yima ang de kam ala: Ni yima an mba ni kak kuana na. Ang hum tchen nda an azong mangâ nga ni tcheneng ata yi mámid’a.

1 Amuleina 8:44

Fata Israel-lâ a buzuk á i dur ayîna ki mazi suma djangûna yam vun ma he ma ang hazizinid’a, le azi mbut irazi yam azì ma ngol ma ang manam an mining gonga kuana á tcheneng ang Ma didina ni,

2 Sunda Hamuleinid’a 12:1

Ata yima Robowam leu mamba fad’enga mam tamba mi sira ngingi mi na, mi ar gata hi Ma didinid’a woyo. Israel-lâ pî a ar gata hi Ma didinid’a woi ki sed’em mi.

2 Sunda Hamuleinid’a 12:13

Robowam mi fad’enga, mi tamula avo Jerusalem. Ata yima mi kak amulina, bizamî dok fid’i yam tu. Asum a yat ala Näma, ni d’a Amon-nda. Mi tamula avo Jerusalem bizad’a dogo yam kid’iziya. Nazì ma ngol ma Ma didina mi manam kur ambas sa Israel-la pet á kak aduk sum mama kuana.

2 Sunda Hamuleinid’a 13:7

Suma yazi nga d’uo suma hawa ya’â a tok ad’umu, a kus yam Robowam Salomon goroma, kayam Robowam mi ni gogorâ bei ned’a, mi ndak á tchol avorozi ngingring ngi.

Buzuk ka Abud’a 20:24

Agi minin yima ngal ahle suma ngat buzuna kandagad’a. Agi mba han ahle suma ngat buzu suma ngala kahle suma ngat buzu suma zlap darigïd’a ki d’uwar magi ma gureina ki ma nglona kamu. Ata yima lara ma human mba d’i gan yam simiyêna, an mba ni mba gevegiya, an mba ni b’e vunan kagi mi.

Isai 12:6

Agi suma avo Siyon-na, agi eregi ad’ugi akulo ki furîd’a, kayam Ma tin tam irat vat yam Israel-lîna ni ma ngol ma adigagina!

Gat ta a hat á mbàd’id’a 12:21

Le yima Ma didina Alo magina mba mi manam á tin simiyêm kuana mi dei ki sed’egiya ni, agi ndak á tchagi d’uwar magi ma nglona ki ma gurei ma Ma didina Alo magina mi hagizina d’igi an hagi vuna na, agi ndak á mud’ugizi ata yima agi mba kagagi kuana d’igi agi min na mi.

Gat ta a hat á mbàd’id’a 12:5

Wani agi i kud’uromî ata yima mam mba mi manam aduk andjavagi á tin simiyêm á kak kuana hol.

Gat ta a hat á mbàd’id’a 23:3

Suma Amon-na ki suma Mowap-ma a kal kur toka hi Ma didinid’a d’i. Le nandjavazi ma kur atchogoi d’a dogod’ina pî, mi ndak á kal kua d’i gak didin,