1 Amuleina 14:10 - Bible azumeina

¹⁰ Kayam ndata, an nga ni mba ndaka yam sum mangâ, an nga ni dap sumala ni simiyêngû na magumeina d’oze gro vuta woi aduk Israel-lâ, an mba ni yagang andjavang ngei d’igi suma a yak djimgilâ woi na.

1 Amuleina 14:10 ပူးပေါင်းရင်းမြစ်များ

1 Amuleina 13:34

Ahle ndazina a i andjafâ hi Jerobowam-ma kur tcho d’a led’a pepet. Kayam ndata, Alona mi b’lak andjaf máma woi yam andagad’a ki iram fafat.

1 Amuleina 16:11

Kid’a mi vrak tamula vraka, mi tchi suma hi Bäsa-na woi pet, mi ar nga sa tu d’i, andjavam mboze banam mbuo mi.

1 Amuleina 16:3

Kayam ndata, an mba ni b’lagang ang Bäsa ki sum mangâ woyo, an mba ni le ki sed’egi d’igi an le ki suma hi Jerobowam Nebat goromina na.

1 Amuleina 21:21

Wana ni zla d’a mam data: Gola! An nga ni sun ndaka kangû, an nga ni b’lagang ngeyo. An mba ni dabang andjavang ngeyo, magumeina d’oze gro vut ta avo Israel-lâ,

2 Amuleina 14:26

Ma didina mi we ndaka hi Israel-lâ d’a kal kazi heîd’a. Ndak ndata ti ni yam magumeina ki gro vuta pet, wani sama tu ma mi ndak á ndjunuzina nga d’i, gagazi, sa nga d’i.

2 Amuleina 21:13

An mba ni b’lak Jerusalem mbei d’igi an b’lak Samari ki suma avo hi Ahap-ma woi na, an mba ni set Jerusalem mbei d’igi sana mi set hur tazana mi hulong mi kulubum kä na mi.

2 Amuleina 9:37

Harâ hi Jezabel-lâ mba mi mbut ni d’igi siligit ma a yagam kä kur asinenina na kur andaga d’a Jisreyel-la tala ar sa mi dala: Wana ni Jezabel-lu d’a d’uo d’a.

Wana ni mbaktumba hi Job-pa 20:7

mam mba mi ba woi ki iram fafat d’igi sud’om na. Suma a wum adjeuna a mba dala: Mi nga ni lara ge?

Sawal la giled’a 83:10

Ang b’lagazi woi d’igi ang b’lak Sisera ki Jabin avun alum ma Kison-na na d’igi ang b’lak suma Madiyan-na na mi.

Isai 14:19

Wani angû, a gang ngei dei ki zul manga d’igi abo agu ma a golom isâ na, d’igi suma a tchazi ki mbigeu d’a fiyaka suma a zud’uzi kä kur zul ahinad’ina na, d’igi mat ma suma a mired’em kä kasezina na mi.

Isai 14:23

Ma didin ma ad’engêm kal petna mi de kua ala: An mba ni mbud’ut ni yima domina hi tchetchembina ki yima ve mbina mi, an mba ni torot tei kasumat ma b’lak yina.

Isai 5:25

Kayam ndata, Ma didina hurum zal ngola yam sum mama. Mi hlabom akulo, mi toziya, ahuniyôna a giged’a, mad’a suma mi sam kä woi ir palumba d’igi asuna na. Hina pet pî, hurum mi b’leng nga d’i, abom mi ar nga zid’a akulo kamzi.

Jeremi 32:18

Ang nga tak suma manga woi gak kur atchogoi d’a dubid’a, ang nga hulong wurak grod’a yam tchilad’a habuyozid’a. Angî Alo ma ngolâ, angî ma sib’ika. Simiyêng ala Ma didin ma ad’engêng kal petna.

Jeremi 8:2

A mba tchuk asok máma kä ir afata, ir tilâ, ir ahle suma lara suma akulona mi. Ahle ndazina nahle suma azi huruzi minizina, a lazi sundina, a tit ad’uzina, a zlap ki sed’ezina, a djobozi á kud’urozina mi. A mba yozi asogozi máma d’i, a mba tozozi d’uo mi, wani asok máma mba mi mbut ni d’igi siligitna na kä yam andagad’a.

Ezekiyel 26:4

Azi mba b’lak gulumun magi ma Tir-râ woyo, a mba b’lak gong magi d’a fiyak ka akulo d’a ndjola woyo. An mba ni tor andaga d’a gugud’upa woyo, an mba ni arî ahinad’a tchola vat hina.

Amos 3:6

Le adif fa ayîna ti tchi kur azì ma ngolâ ni, suma a ba bei le mandarâ zu? Na ni ndaka ti mba kur azì ma ngolâ bei Ma didina mi wat tchu?

Sofoni 1:17

Ma didina mi dala: An mba ni kal suma kur ndaka. Azi mba tit ni d’igi suma duka na, buzuwazi mba mi hle yina d’igi guguma mi hle yina na, hliwizi mba mi tchim mbeyo, kayam azi le tchod’a avoron an Ma didina.

Malatchi 2:3

Gola! An mba ni ngobogi andjavagiya, an mba ni kogi sutna iragiya – sud’o ahle suma agi ngad’andji buzunina; a mba yogi ki sed’em mi.

Gat ta a hat á mbàd’id’a 32:36

Ma didina mba mi ka sariyad’a yam sum mama, wani mba mi we hohowa azungeî mama ata yima mi wazi ad’engêzi d’i nga d’uo na, ata yima sama mi vazi kä d’oze mi tchuguzi akulona nga d’uo na mi.

1 Samuel 2:30

Kayam ndata, an Ma didina Alona hi Israel-lîna an nga ni dangû: An hle vunan adjeu mi suma habungâ ki sum mangâ ala: Agi mba kagagi ni man suma ngat buzuna gak didin. Wani ki tchetchemba, an nga ni dang ngei mbak ala: Nga na d’uo d’a! An nga ni he ngola mi suma a nga han ngolina; wani suma a nga golon isâ, an mba ni golozi is mi.

1 Samuel 25:22

Le an ar Nabal va mam mboze sa mam bei tchid’a gak ndjivin yorogo ni, ar Alona mi kan sariya d’a ngola kanu.

1 Samuel 25:34

Gagazi, Ma didina Alona hi Israel-lîna ni Ma bei matna; ni ma d’elen á lak tchod’ina. An nga ni dagu, adjï ndak b’ad’ï tak atogo zak á ngavan nduo ni, ndjivin yorogo sama aram bei tchid’a avo hi Nabal-lâ nga d’i.