1 Amuleina 13:21 - Bible azumeina

²¹ Mam tamba mi de mi sana hAlona ma tcholï Juda-na ala: Ma didina mi dala: Ang tchila yam vun ma hed’a hi an Ma didinina, ang ge nga yang kä ad’u vun ma he ma an Ma didina Alo mangâ ni hangzina d’i.

1 Amuleina 13:21 ပူးပေါင်းရင်းမြစ်များ

Ad’u Tinda 3:7

Azi djak irazi mal leyo, a we tetet ala azi ni gandilad’a; azi tchil hum tuluma á zlubum ad’uziya.

2 Samuel 24:13

Gat mi mba gen David ki zla ndata, mi dum ala: Na ni ang min baktarad’a nde yam ambas manga bizad’a kid’iziya, d’oze ang min ring avok mang suma djangûna tilâ hindi, d’oze tugud’ei d’a tcho d’a tchi matna ti le burâ hindi yam ambas manga zu? Ki tchetchemba, ang djib’era, ang man vama ang manama; an hulong humba mi ma sununïna.

2 Samuel 6:7

Ma didina hurum zal ngola yam Uza, mi tumum ata yi máma, kayam tcho mamba. Uza mi mit ata yi máma gen zandu’â hAlonina.

1 Amuleina 13:17

Kayam Ma didina mi dan ndei ala: Ang te va d’oze ang tche mbiyo sa hî d’uo mi, ang hulong avo hatang ki lovot ta ang hlad’ïd’a d’uo mi.

1 Amuleina 13:20

Wani ata yima azi djak a nga avun tenina, Ma didina mi de zlad’a mi ma djogom vunam ma mamar ma Betel-lâ.

1 Amuleina 13:22

Ang hulongîya, ang te va, ang tche mbiyona ata yima an Ma didina ni dang ala: Ang te va d’oze ang tche mbiyo kua d’uo mi na. Kayam ndata, ang mba mid’a. A mba tozong hliwing gen abuyong ngolo d’uo mi!

1 Amuleina 20:36

Wani ma djok vun máma mi dum ala: Kayamba ang ge nga yang kä ad’u vun ma hed’a hi Ma didinina d’uo d’a, ata yima ang wal ki sed’ena, azlona mba mi vang ini. Kid’a ndrama mi wal ki sed’emba, mi ngaf kazlona; azlona mi vum mi.

Ester 6:13

Mi väd’u ahle suma a mba kama woi pet mamamba Zeres ki buniyôma. Mam suma a dum d’alîna kamamba Zeres a dum ala: Le Mardose ma ang nde ge yang kä avoroma, le ni ma Juif-fâ ni, ang mba deî atam mbi, wani ni ang ba, mba puk kä avoromu.

Jeremi 2:19

Salad’a Ma didin ma ad’engêm kal petna mi dala: Nasa’at magid’a ba, ti togiya, ni djib’er magi d’a afefeta ba, ti ngobogiya. Ar agi wagi woi tetet ala ni vama tcho ma aglarâ á noyôn an Ma didina Alo magina woi á lan mandaran nduo d’a.

Sunda hi suma hi Levi-nid’a 10:3

Ata yi máma Moise mi de mi Aron ala: Wana ni zla d’a Ma didina mi data: Suma a mba go ki sed’en á lan sundina, mbeî a tak kak man nda yed’eta woi abua, mbeî a suburun avok suma pet mi. Wani Aron mi kak ki vunam ma du’â.

Ndumba 20:12

Ata yi máma Ma didina mi de mi Moise azi ki Aron ala: Kayamba agi hagi nga gagazid’a kan nduo d’a, agi suburun nga avok ablaud’a d’uo mi d’a, agi mba kalagi ablau ndata kur ambas sa an nga ni hattchid’a d’i.

Ndumba 20:24

Aron mba mi mid’a, kayam mam mba mi kal kur ambas sa an nga ni hat mi Israel-lîd’a d’i, kayam agi tchilagi yam vun man ma hed’a ata yima mbiyo ma Meriba-na.

Vama ndum mbeina 3:19

Suma an nga ni le kazina pet, an nga ni ngoboziya, an nga ni gad’azi mi. Kayam ndata, ar ang b’at tang á mbut hurung yam tcho manga.

1 Samuel 15:19

Ni kayam me ba, ang hum vun Ma didina d’uo ge? Ni kayam me ba, ang nde yam ahlena hurumba, ang le vama le Ma didina tam djivid’a d’uo na ge?

1 Samuel 4:18

Ata yima sa máma mi yi simiyê zandu’â hAlonina, ata yi máma na wat, Eli mi nga kaka yam zlamba, mi puk kazigam kä avun gong nga kud’ora; mogunom pad’a, mi mid’a, kayam mi naneka, bizam kal ngolâ heî mi. Mi kak ma ngolâ yam Israel-lâ bizad’a dok fid’i.