1 Amuleina 13:2 - Bible azumeina

² Mi de zlad’a hi Ma didinid’a mi yima ngal ahle suma ngat buzuna ala: Ang yima ngal ahle suma ngat buzuna, ang yima ngal ahle suma ngat buzuna, ang hum zla d’a de d’a Ma didina mi data. Mi dala: Gor mandjufâ mba mi vut aduk suma hi David-na, a mba yum ala Josiyas. Mam mba mi ngal suma ngat buzu suma a tinizi ata yima nding mámina woyo! A mba ngal asok suma kang mi!

1 Amuleina 13:2 ပူးပေါင်းရင်းမြစ်များ

1 Amuleina 13:32

Kayam zla d’a ndeï avun Ma didina d’a mam dat yam yima ngal ahle suma ngat buzu ma Betel-lâ ki gongîyo suma ata yima nding suma a nga kur azì ma nglo ma Samari-nid’a, gagazi, mba d’i le hina!

2 Sunda Hamuleinid’a 34:1

Kid’a Josiyas mi kak amulid’a, bizamî klavandi. Mi tamula avo Jerusalem bizad’a dok hindi yam tu.

2 Sunda Hamuleinid’a 34:3

Wani kur biza d’a klavandi d’a mam nga mi tamulid’a, ata yima mam nga kazongôm tua na, mi tin ad’ud’a á hal Alona habum ngolo David-na. Kur biza d’a dogo yam mbàd’a, mi nde to yima nding ma a tinim iram vama ki gong nga kud’or ra a minit malo d’a a yat ala Asera-d’a ki filei ma a tched’ema ki filei ma kawei ma a yoroma woi kur ambas sa Juda-d’a ki suma kur azì ma Jerusalem-mina woi mi.

Isai 1:2

Ndak akulod’a, ndak huma, ndak andagad’a, ndak tin humak hum mi, kayam Ma didina nga mi de zlad’a. Mi dala: An ngom gugureina, an wuluzi a djeng nglod’a, Wani a tchol huneîd’a ki sed’enu.

Isai 42:9

Gola! Ahle suma avo’â a ndak wa, an nga ni dagi yam suma dingâ kua. Avok ka azi bei led’a, an nga ni dagizi zlazi woyo.

Isai 46:10

An nga ni de woi kad’u tinda dei yam vama nga mi mbana, an nga ni de woi avok dei yam vama nga bei mbad’a tua na mi. Nga hur mana mba mi le djivid’a, an mba ni ndak vun ahle suma an nga hurun kazina pet mi.

Isai 58:1

Agi eregi ad’ugi akulo, agi bagi d’i, agi eregi ad’ugi akulo d’igi sana mi bu adifa na, agi tagagi sum mana tchila mazid’a, agi tagazi tchod’a hi suma hi Jakob-mid’a mi.

Jeremi 1:2

Ma didina mi dum zlad’a kur biza d’a dogo yam hindi d’a Josiyas Amon goroma amul ma Juda-na nga mi tamulid’a.

Jeremi 22:29

Ndak andagad’a, ndak andagad’a, ndak andagad’a, ndak hum zla d’a Ma didina mi data.

Ezekiyel 36:1

Ma didina mi dan kua ala: Ang gor sana, ang djok vuna mahuniyô suma Israel-lâ ala: Agi humugi zlad’a hi Ma didinid’a.

Ezekiyel 36:4

Kayam ndata, agi ahuniyô suma Israel-lâ, agi humugi zla d’a an Salad’a Ma didina ni data. An Salad’a Ma didina ni de mahuniyôna, mi yima ndingâ, mi toliyonda, mi hora, mi yima b’lak kei mi mbut djonina, mazì ma nglo ma a aram mbei ma mi mbut vama hurumba ki vama sanda mandjaf suma ding suma a nguyumina ala:

Ezekiyel 38:4

An mba ni niging tunglîd’a avunangû, an mba ni tanangû, an mba ni tanang ngei abu ki azigar mangâ kakulumeina ki suma a djangâzi suma a tchuk baru ma djifâ atazina, zlapa ki azigar suma ablau suma a nga yo mboriyo suma nglona d’oze suma gureina kasubiyona abozina mi.

Wana ni Zla d’a Djivi d’a Luc mi b’irita 19:40

Jesus mi hulong dazi ala: An nga ni dagiya, le azi ba pî, ahuniyôna a mba er ad’uzi akulo.

Gat ta a hat á mbàd’id’a 32:1

Ndak akulod’a, ndak tin humak ndak hum zla d’a an nga ni data. Ndak andagad’a, ndak hum zla d’a ndavunanda.