1 Amuleina 11:4 - Bible azumeina

⁴ Wani kid’a Salomon mi mbut mamarid’a, amiyôma a tanam á kud’or alo ma dingâ teteng, kayam mi le nga yam Ma didina Alo mama ki hurum pet d’igi abum David na d’i.

1 Amuleina 11:4 ပူးပေါင်းရင်းမြစ်များ

1 Amuleina 11:2

Wani Ma didina mi de avok dei mi Israel-lâ yam andjaf suma dingâ ala: Agi zlabagi tagi kandjaf sum ndazina d’i, ar azi zlap tazi ki agi d’uo mi, kayam azi mba tanagi á kud’or alo mazina teteng. Wani Salomon mi zlap ki sed’ezi yam e’eûd’a hi hliu tad’id’a.

1 Amuleina 11:33

An nga ni le hina kayam me Israel-lâ a aran ndeyo, a i kud’or Astarte alod’a hi suma Sidon-nid’a, Kemos alona hi suma Mowap-mina ki Milkom alona hi suma Amon-nina. Azi tit nga yam lovot ta an tagazizid’a d’i, azi tit nga yam lovot ta d’ingêra avoron ndi, azi ge nga yazi kä ad’u gata ki vun ma he ma teteng ma an hazizina d’igi Salomon abum David na d’uo mi.

1 Amuleina 11:38

Le ang hum ahlena pet suma an nga ni dangzina, le ang tit yam lovot ta an nga ni tagangzid’a, le ang nga tit d’ingêr avoronu, le ang ge yang kä ad’u gat manda ki vun ma he ma an nga ni hangzina d’igi azong mana David na ni, an mba ni kak ki sed’engû, an mba ni he lovota mandjavang á tamula burâ ki burâ d’igi suma hi David-na na, an mba ni hang andjafâ hi Israel-lâ ma dogona mi.

1 Amuleina 11:42

Salomon mi tamula avo Jerusalem yam Israel-lâ pet ni bizad’a dok fid’i.

1 Amuleina 11:6

Wani mi lahle suma Ma didina tam nga d’i lum djivid’a kazi d’uo na, kayam mi ge nga yam kä avorom memet d’igi abum David na d’i.

1 Amuleina 11:9

Ata yi máma Ma didina hurum zal yam Salomon, kayam mi wal lei ki mam Alona hi Israel-lâ ma nde tam mbei iram yam mbàna.

1 Amuleina 14:21

Kid’a Robowam Salomon goroma mi kak amula yam suma Juda-nid’a, bizamî dok fid’i yam tu. Asum a yat ala Näma, ni d’a Amon-nda. Mi tamula avo Jerusalem bizad’a dogo yam kid’iziya. Nazì ma ngol ma Ma didina mi manam kur ambas sa Israel-la pet á kak aduk sum mama kuana.

1 Amuleina 15:14

Wani mi b’lak nga yima nding ma a tinim iram vama woi d’i. Hina pet pî, kid’a Asa mi nga ki iramba tua d’a, nga mi le yam Ma didina ki hurum tu.

1 Amuleina 15:3

Abiyam mi le tchod’a d’igi abum na, mi le nga yam Ma didina Alo mama ki hurum tu d’igi abum ngolo David na d’i.

1 Amuleina 3:3

Salomon tamba mi le yam Ma didina, mi nga tit yam vun ma he ma abum David mi humzina. Wani mi hahle suma ngat buzuna mAlona ki dubang ma his djivid’ina nata yima teteng ma akulo ndingâ.

1 Amuleina 6:1

Salomon mi tin ad’u min gong nga kud’ora hi Ma didinid’a ni kur biza d’a 480 bugol la Israel-lâ a buzuk kei kur Ezipte-d’a; ni kur biza d’a fid’i d’a Salomon mi kak amula yam Israel-lîd’a. Mi tin ad’u sunda ni kur til ma Zif-fâ, nala, til ma mbàna hi biza ndatina.

1 Amuleina 8:61

Ar agi kagagi suma d’engzengâ avok Ma didina Alo meina, ar agi gagi yagi kä ad’u gat mamba ki vun mam ma hed’a d’igi agi nga lagi ini na.

1 Amuleina 9:10

Kur dabid’a hi bizad’a dok mbàd’a, Salomon mi dap gongîyo suma mbà ndazina, nala, gong nga kud’ora hi Ma didinid’a ki gonga hamulîd’a minda.

1 Amuleina 9:4

Wani le ang nga tit avoron ki hurung tu d’ingêr d’igi abung David na, le ang nga lahlena pet suma an hang vuna kazina, le ang nga ge yang kä ad’u gat man nda tetenga ni,

2 Amuleina 20:3

Ma didina, ang djib’er yam tit ta an nga ni tit avorong memet ki hur ma tuna burâ ki burîd’a; an nga ni le sun nda djivid’a avorong burâ ki burâ mi. Ezekiyas mi tchi ngola.

1 Sunda Hamuleinid’a 28:9

Ang gorona Salomon, ar ang wAlo ma an abung nga ni lum sundina, ar ang lum sunda ki hur ma tuna ki tang pet ki djivid’a. Kayam Ma didina ni ma hal hur suma petna, mi we djib’era hi suma pet mi. Le ang halamu ni, ang mba fumu, wani le ang aram mbeyo ni, mama mba mi arang ngei ki iram fafat mi.

1 Sunda Hamuleinid’a 29:19

Ang he gorona Salomon hur ma djivina á ngom vun ma he mangâ ki gat mang nga tetenga á tit kaziya, á min gong nga an ni min ahlena pet kata mi.

2 Sunda Hamuleinid’a 17:3

Ma didina mi nga ki Josafat, kayam mi tit kur lovot ta d’ingêra d’igi abum ngolo David mi tit kur lovot ta d’ingêra kid’a mi tin ad’u tamulid’a na, mi djop nga alo ma a yum ala Bäl-lâ d’uo mi.

2 Sunda Hamuleinid’a 25:2

Mi le sun nda djivid’a avok Ma didina, wani nga ni ki hur ma tuna d’i.

2 Sunda Hamuleinid’a 34:2

Josiyas mi le sun nda d’ingêra avok Ma didina ki hurum pet d’igi abum ngolo David na, mi d’es nga woi kat yam bigam mba gulad’a d’oze yam mba ndjufa d’i.

Buzuk ka Abud’a 20:3

Ar ang kud’or alo ma ding ngi.

Gat ta a hat á mbàd’id’a 17:17

Nga ni sama vik aropma ablaud’a á walam mbei kAlonina d’i, nga ni sama tok bege d’a hapa ki lora ngolina d’uo mi.

Gat ta a hat á mbàd’id’a 7:4

Le hina d’uo ni, a mba wal grogina woi ki Ma didina, a mba kud’or alo ma dingâ. Ma didina hurum mba mi zal kagi ngola, mba mi dabagi woi atogo zak mi.