1 Amuleina 11:31 - Bible azumeina

³¹ mi de mi Jerobowam ala: Ang yo d’a dogod’a! Wana ni zla d’a Ma didina Alona hi Israel-lâ mi data, mi dala: An nga ni prut leud’a woi abo Salomon, an nga ni hang andjafâ dogo.

1 Amuleina 11:31 ပူးပေါင်းရင်းမြစ်များ

2 Samuel 19:43

Israel-lâ a de mi suma Juda-na ala: Amulâ David ni mamina kalagi agiya, kayam mam naduk andjaf mami ma dogona. Ni kayam me ba, agi golomi is ke? Ni ami ba, dami avok yam zla d’a ala: Ei hulongî amulâ avo d’a d’uo zu? Wani suma Juda-na a de zlad’a ki hur ma zala kal Israel-lâ.

1 Amuleina 12:15

Hina amulâ mi hum nga zlad’a hi sum ndazinid’a d’i. Ma didina mi le hina ná ndak vun zla d’a mi dat mi Jerobowam Nebat goroma avun ma djogom vunama Ahiya ma Silo-nid’a.

1 Amuleina 14:2

Ata yi máma Jerobowam mi de mamamba ala: Ndak mbut tagu, ar a wak ala nda’î amanda d’i. Bugola, ndak i Silo ata yima Ahiya ma djok vun Alona mi sä kuana; ni sama mi dan ala an mba ni tamula yam Israel-lâ na.

1 Amuleina 14:8

An prut leud’a abo suma hi David-na, an hangziya. Wani ang hle nga zlad’a hazong mana David ma ge yam kä ad’u vun man ma hed’a ma mi lan sunda ki hurum tu bei mi le vama tcho avoron yam tu ba na na d’i.

2 Amuleina 17:21

Ata yima Ma didina mi prut leud’a hi Israel-lîd’a abo suma hi David-na woina, Israel-lâ a tin Jerobowam Nebat goroma amula. Mam walazi woi ki Ma didina, mi tinizi á le tcho d’a ngola.

2 Sunda Hamuleinid’a 10:15

Hina amulâ mi hum nga zlad’a hi sum ndazinid’a d’i. Ma didina mi le hina ná ndak vun zla d’a mi dat mi Jerobowam Nebat goroma avun ma djogom vunama Ahiya ma Silo-nid’a.

1 Samuel 15:27

Ata yima Samuel mi mbut iram á id’ina, Saul mi vum vun baru mam mba ngola; ti hawâ.

1 Samuel 15:28

Ata yi máma Samuel mi dum ala: Ma didina mi haû wa ini leu manga woi aduk Israel-lâ, mi hat wa mi sama djivi ma kalang angâ.