1 Amuleina 11:24 - Bible azumeina

²⁴ Kid’a David mi tchi azigarâ hi salama Hadadezer-râ woid’a, Rezon mi tok suma adesâ ad’umu, mi mbut ma ngol mazina, a i Damas, a kak sä kua. Mi mbut amulâ avo Damas.

1 Amuleina 11:24 ပူးပေါင်းရင်းမြစ်များ

Ad’u Tinda 14:15

Abram mi wal ir sum mama teteng á dur ayîna ki sed’ezi andjege. Azi kal kaziya, a digizi gak a tchuguzi kur azì ma Hoba ma nga abo na norâ hi Damas-sîna.

2 Samuel 10:18

wani a wet ringâ abo Israel-lâ. David mi tchi azigar mazi suma a nga ki pus ma dur ayînina kikis kid’iziya, mi tchi suma djang akulumeina 40.000, mi ge Sobak ma ngolâ hi azigar mazinina mbilâ; mi mit ata yi máma wat.

2 Samuel 10:6

Suma Amon-na a we d’ala azi mbut tchod’a avok David’u d’a, a yo azigar suma asemba aduk suma Siri suma avo Bet-Rehop-ma ki suma Siri suma avo Soba-na 20.000, a yo suma avo hamul ma Mäka-na 1000, a yo suma avo Top-ma 12.000, a wurak beged’a kaziya.

2 Samuel 10:8

Suma Amon-na a buzuk kei a ndjar avun azina. Suma Siri suma Soba-na ki suma Rehop-ma ki suma Top-ma ki suma Mäka-na, a ndjar sä woi abagei kel vazi mi.

2 Samuel 8:3

Kid’a Hadadezer Rehop amul ma Soba-na goroma mi hulong á hle leu mam mba avun alum ma Efrat-nid’a, David mi dur ayîna ki sed’emu.

1 Amuleina 11:25

Kid’a Salomon nga mi tamula tua d’a, Rezon mi kak djangûna ki Israel-lâ. Tcho d’a mi lata ni d’igi d’a hi Hadat-ta na mi, mi noî Israel-lâ woyo, mi tamula yam suma Siri-na mi.

1 Amuleina 15:18

Kayam ndata Asa mi yo kawei ma hapma ki lora suma a nga kur gong nga ngom ndjondjoîd’a kur gong nga kud’ora hi Ma didinid’ina, ki d’a nga kur azì ma amulid’a, mi hat abo azungeî mama á it mi Ben-Hadat Tabrimon gorom ma Heziyon gorom ngolona amul ma Siri ma nga kaka Damas-sâ, mi hum sun ndata, mi dum ala:

1 Amuleina 19:15

Ata yi máma Ma didina mi hulong dum ala: Ang hulong hle lovot mang nga hur fulîd’a, ang i Damas. Le ang mbaza ni, ang pat Hazayel, ang vom mbulâ kam á tinim amula yam suma Siri-na d’igi an dang na.

1 Amuleina 20:34

Ata yi máma Ben-Hadat mi de mi Ahap ala: An min hulongông azì mang ma abun hluma. Ang i gus ahligiyeng ngei kur Damas d’igi abun mi gus mamina woi kur Samari na mi. Ahap mi dum ala: Ar ei djini vuneya. Bugola, an arangû. Azi djin vunaziya, mam aram mi iya.

2 Amuleina 14:28

Sunda hi Jerobowam mba ara kahle suma mi lazina kad’eng mam mba dur ayîna ki hulong nga mi hulong azì ma Damas-sâ ki ma Hamat-na mi Israel-lîd’a, a b’irizi nga kä kur Mbaktum mba de zlad’a yam Sunda hAmulei suma Israel-lîd’a.

2 Amuleina 8:7

Bur tu Elise mi i Damas, wani Ben-Hadat amul ma Siri-na mi nga tugud’eid’a. Mi hum ala: Sana hAlonina mi mba nga ka hî.

Sunda hi suma a sunuzinid’a 9:2

mi djobom ala mi hum mbaktumba yam gongîyo suma toka hi Juif suma Damas-sâ, kayam le mi fe suma ding suma a nga tit kur lovota hi Salad’id’a, le ni andjofâ d’oze aropma ni, mi yozï mi mbazi Jerusalem ki djinda.