1 Amuleina 11:2 - Bible azumeina

² Wani Ma didina mi de avok dei mi Israel-lâ yam andjaf suma dingâ ala: Agi zlabagi tagi kandjaf sum ndazina d’i, ar azi zlap tazi ki agi d’uo mi, kayam azi mba tanagi á kud’or alo mazina teteng. Wani Salomon mi zlap ki sed’ezi yam e’eûd’a hi hliu tad’id’a.

1 Amuleina 11:2 ပူးပေါင်းရင်းမြစ်များ

Ad’u Tinda 2:24

Kayam ndata, sana mba mi ar abum kasumu, mba mi reî kamamba, azi djak a mba mbut ni hliu ma tuna.

Ad’u Tinda 34:3

Mi tin hurum pet kad’u, hurum vad’u, mi dat zla d’a kurumba pet.

1 Amuleina 11:9

Ata yi máma Ma didina hurum zal yam Salomon, kayam mi wal lei ki mam Alona hi Israel-lâ ma nde tam mbei iram yam mbàna.

2 Sunda Hamuleinid’a 19:2

Jehu Hanani ma djok vuna goroma mi ndeï á d’ugulomu, mi dum ala: Ni kayam me ba, ang ndjun sama asa’atna ge? Na ni ang le yam vama Ma didina mi noyôm mbeina zu? Ni kayam ndata ba, Ma didina hurum zal kang wana.

2 Sunda Hamuleinid’a 21:6

Mi le sun nda tchod’a d’igi amulei suma Israel-lâ na, d’igi suma hi Ahap-ma na mi, kayam mi ve Ahap goromba atchad’a, mi le sun nda tchod’a avok Ma didina mi.

Esdras 9:12

Kayam ndata, ar agi hagi grogi suma aropma mi grozina d’i, agi vigizi grozi suma aropma mi grogina d’uo mi, agi djib’eregi yam halas mazid’a kahle mazi suma djivina d’i. Hina wani, agi mba fagi ad’enga, agi mba tagi vud’ahle suma djivi suma kal tegles suma kur ambas ndatina, agi mba arat djona mi grogina gak didin mi.

Sawal la giled’a 139:21

Ma didina, an noî suma a noyôngâ woi d’uo zu? An gol suma a kak djangûna ki sed’engâ is mi d’uo zu?

Buzuk ka Abud’a 23:31

An mba ni tinï haga magid’a avun alum ma ngol ma Tchereuna dei gak mba avun alum ma ngol ma Mediterane-na, ei hur ful ma Sinai-na dei gak dap avun alum ma Efrat-na. Kayam an mba ni hagi suma a nga kaka kur ambas ndatina abogiya, agi mba digizi woi avorogi mi.

Buzuk ka Abud’a 34:12

Agi gologi tagi djivi á djinigi vunagi ki suma agi mba kalagi kur ambas mazid’ina tala azi mbut ni dau ma vagina d’a d’i.

Buzuk ka Abud’a 34:16

Ar agi vigizi grozina mi grogina tala azi mbud’uzi ndjendjed’a á tuwal alo mazina d’oze á lobozi vunazi á mbud’uzi ndjendjed’a kalo mazina d’uo mi d’a.

Malatchi 2:11

Suma Juda-na a mbut suma mbut ira, a mbut ambas sa Israel-la kazì ma Jerusalem-ma ndjendjed’a, kayam a mbut vama a tinim iram vam mi Ma didinina ndjendjed’a, nala, gong nga hurum vata, kayam a vik arop suma a nga kud’or alona handjaf suma dingîna.

Romê-na 1:32

Sum ndazina a we sariyad’a hAlonid’a ala suma a nga lahle suma hina na a ndak á tchid’a. Wani azi nga i avogovok á lahle ndazina, wani vama kalâ, a nga ndjak vunazi ki suma a nga lahle ndazinina mi.

Romê-na 12:9

Ar o magid’a ti ka’î od’a bei lop ira. Ar agi noyôgi tchod’a woyo, ar agi vagi ahle suma djivina ad’enga.

1 Korente-na 15:33

Agi lobogi tagi d’i: Le sama djivina mi tit ki sama tchona ni, mba mi b’lagamu.

Vama ndum mbeina 2:4

Wani vama an mining nguo kama ba wana, kayam ang ar o mang nga avoka woyo.