1 Amuleina 10:9 - Bible azumeina

⁹ Ei gilei Ma didina Alo mang ma mi manang mi tining yam zlam mba amula á tamula yam Israel-lîna. Ma didina nga mi le kazi teteu. Kayam ndata, mi tining amula á ka sariya d’a d’ingêr ra memeta kaziya.

1 Amuleina 10:9 ပူးပေါင်းရင်းမြစ်များ

2 Samuel 23:3

Alona hi Israel-lîna mi de, ahinad’a hi Israel-lîd’a ti dan ala: Sama nga mi te yamba aduk suma ki d’ingêrina, nga mi te yamba kur mandarâ hAlonina,

2 Samuel 5:12

David mi wala Ma didina nga mi siram á tamula yam Israel-lâ, amul mamba nga d’i i avogovok yam mam suma Israel-lâ mi.

2 Samuel 8:15

David mi te yam Israel-lâ pet, nga mi ka sariyad’a yam sum mama pet ki d’ingêra.

1 Amuleina 3:28

Israel-lâ pet a we sariya d’a Salomon mi kat ata yata, a lum mandaramu, a wala nAlona ba, mi hum ne ndata á ka sariya d’a d’ingêra.

1 Amuleina 5:7

Ata yima amulâ Hiram mi hum zlad’a hi Salomon-ndina, mi le furîd’a ngola, mi dala: An he Ma didina ngola ini, kayam mi he ne d’a ngola mi David goroma á te yam ablau d’a ngola hi Israel-lîd’a.

1 Sunda Hamuleinid’a 17:22

Ang mbud’um andjaf mangâ, kayam mi ka’î mangâ gak didin. Ma didina, ang arî Alo mama.

2 Sunda Hamuleinid’a 2:11

Hiram amul ma Tir-râ, mi hulong mi b’ir mbaktumba mi Salomon, mi dum ala: Ni kayamba Ma didina mi le yam sum mamid’a ba, mi tining amula kaziya.

Sawal la giled’a 18:19

Ata yima an nga kur yor tad’ina, azi mba kan dumuzi, wani Ma didina mi mba mi van akulo atamu.

Sawal la giled’a 22:8

Suma a golona pet a san ad’unu, a nga bet vunazi ad’unu, a nga hle yazi woi ad’un vivik mi.

Sawal la giled’a 72:2

Ar mi ka sariyad’a yam sum mangâ ki d’ingêra, yam mang suma hohoud’a ki gagazid’a mi.

Isai 42:1

Ma didina mi dala: Wana nazong man ma an nga ni ndjunuma, ni ma an manam ma tan ndi lan djivid’a heî kama. An hum Muzuk mana á tak sariya d’a gagazid’a woi mandjaf suma mi.

Isai 62:4

A mba yak ala Ta a digit teid’a d’uo d’a, a mba yandaga maka ala Ta a arat teid’a d’uo mi, wani a mba yak ala Ta an hurun vat heîd’a, a mba yandaga maka ala Ta a teleta, kayam Ma didina tam lum djivid’a kagu, andaga maka mba d’i ve ndjufâ.

Isai 9:6

Leu mam mba ted’a mba d’i i avogovok ki b’leng nga halas sa bei dabid’id’a. Mba mi kak yam zlam mba amula hi David-ta, mba mi te yam leu mamba, mba mi tin d’ingêra ki gagazid’a hAlonid’a ki tchetchemba gak didin. Wana ni vama Ma didin ma ad’engêm kal petna mba mi lum ki zlezleû mambina.

Isai 9:7

Ma didina mi sunï zlad’a á ngop suma hi Jakob-ma, ti nde yam Israel-lâ.

Jeremi 31:3

Ma didina mi tagan tam adjeu dei mi dan ala: An le ka’î ki o d’a bei dabid’a. Kayam ndata, an nga ni tagak we hohou manda.

Malatchi 1:2

Ma didina mi dagi ala: An le kagi heî, wani agi hulong dum ala: Ang le kami ni ki me ge? Ma didina mi hulong dagi ala: Esau ni Jakob wiyema d’uo zu? Hina pî, an le yam Jakob,

Gat ta a hat á mbàd’id’a 7:8

Wani Ma didina mi le kagiya, mi ndak vun gun tad’a mi gun tam mabuyogi ngolod’a. Kayam ndata, mi pad’agi woi kad’eng mamba, mi tchugugi akulo woi kur yima a lagi magomba kuana abo Faron amul ma Ezipte-na.